Жасөспірімдердің мінез-құлқын түзетуге арналған жаттығулар

Жасөспірімдердің ауытқушы мінез-

құлық ерекшеліктерін психологиялық тұрғыдан түзетуге

арналған ойын-жаттығулар

Мақсаты: Жасөспірімдердің тұлғалық ерекшеліктерін психологиялық түзету. Мінез – құлқында ерекшелігі бар жасөспірімдермен жүргізілетін психокоррекциялық жұмыстың тапсырмалары: 1) Тұлғаның адамдық типтерінің қалыптасу ерекшеліктерімен жасөспірімдерді таныстыру 2) Мінез- құлықтағы ауытқушылықтың алдын алу бағыттары мен формаларымен жасөспірімдерді таныстыру 3) Агресивтілік деңгейінің төмендеуі 4) Эмоционалдық мазасыздықтың төмендеуі 5) Қарым- қатынастың тиімді тәсілдеріне үйрету 6) Мінез- құлықтығы аксентуация деңгейін төмендету 7) Жасөспірімдердің тұлғалық эмоционалды аумағын өзгерту 8) Ролдік ойындардың көмегімен мінез- құлықты түзету 9) Жасөспірімдердің өзін өзі бағалауын қалыптастыру 10) Ауторелаксацияға оқыту

Сабақ құрылымы: Барлық сабақтардың құрылымы бірдей және олардың жеке компоненттерін ауыстыруға, орындарын өзгертуге болады. Сабақ жалпы түрде төмендегідей беріледі: 1) Сәлемдесу,қоштасу рәсімі; 2) Әңгіме,дәріс, пікірталас; 3) Байланыс ойындарын,психологиялық; 4) Еркін және топпен сурет салу; 5) Психотехникалық жаттығулар; 6) Қозғалмалы ойындар және динамикалық релаксациялар; 7) Кезекпен талқылау,еркін сурет салу арқылы психотерапевтік оқиғаларды тыңдау; 8) Жеке суреттерді сюжеттерін әңгіме және пікірталас арқылы талқылау;

№1 сабақ

Мақсаты: Қазіргі таңда жасөспірімдер мінез- құлық ерекшеліктері өзгеріп, шетелден ақпарат құралдары (интернет, теледидар) арқылы қазақ минталитетіне жат

көптеген мәліметтер алуына байланысты, алдын - алу шаралар жүргізіп, дәрістер оқу, әңгімелесу. Қоштасу рәсімі.

№2 сабақ «Сезім» жаттығуы

Мақсаты: қарым-қатынасқа түсу барысында көңіл-күйді, эмоцияны сезіне білуді үйрету.

Жаттықтырушы: қазіргі көңіл-күйлерін фломастермен қағаз бетіне эмоцияларды бейнелей отырып көрсетулерін тапсыру.

Нұсқау: Сіздің алдыңызда түрлі сезімдер келтірілген. Сөйлемді аяқтаңыз:

- Менің алдымнан шыға келсе, онда мен ... сезінемін. - Кішкентай баланы көргенде, мен ... сезінемін. - Танымайтын адамды көргенде, мен ... сезінемін. - Бірге оқыған сыныптастарымды көргенде, мен ... сезінемін.

- Менің танысым тоқтай қалып, қалтасына қарады, мен ... сезінемін.

- Мен біреумен сәлемдескенім, бөтен болып шықты, мен ... сезінемін.

- Мен ескі махаббатымды көрдім, мен ... сезінемін. Қоштасу рәсімі.

№3 сабақ «Иә» жаттығуы

Мақсаты: Мазасыздану деңгейін тыныштандыру және төмендету.

Мәтін: Көздеріңді жұмыңдар, өздеріңді орманда жүрмін деп елестетіңдер. Жапырақ иісін иіскеп, құстар әнін тыңдап орманда қыдырыңдар. Қыдырып жүріп үңгірге жақындадың. Қабырғасын қолмен ұстап, тастың қаттылығын сезін. Үңгірдің қасында сарқырап су ағып жатыр. Соны тап. Судың аққанын және орман тыныштығын құстардың әнін есиуге тырыс. Осының барлығына ішкі жандүниеңді аш: өзіңе ыңғайлы орынға отырып тыныштық пен үйлесімге кел. Бүкіл айнала сіздің денеңізді бастан аяқ толтырсын, «иә» деген сөз барлық әсерге енсін, осы сөзбен сіздің жаман көңіл-күйіңіз кетсін. Иә, менің тамаша бүгінім мен ертеңім. Ішіңізден

күлкіні сезіңіз. Өз өткеніңіз, бүгін, ертеңіңізге күлімдеңіз. Бұл күлкі өте майда, жұқа, жаңа ашылған раушан гүл сияқты, ол сіздің ішіңізде ашылып бүкіл денеңізде хош иіс таратады. Өзіңізге айтыңыз «Мен бақытты, салмақты болғым келеді, әрі мен сонда боламын».

Қоштасу рәсімі.

№ 4 сабақ «Өз көңіл- күйін бейнелеу» жаттығуы

Тапсырма: - Өз көңіл- күй, сезім, эмоциясын саналы басқару қабілетін дамыту. - Басқа адаммен әсерлесу өз сезімі мен көңіл- күй ыңғайластыру қабілетін дамыту.

Жүргізілу барысы: Балалар өз қалауындағы суретті салып, өздерінің көңіл- күйлеріне оны түрлі – түске бояйды.

№ 5 сабақ «Бегілі бір эмоционалды қалыпқа келтіру» жаттығуы

Мақсаты: Мазасыздану деңгейін төмендету. Өтілу барысы: Ойша тоқыған, мазасыз эмоционалды қалыпты бір әуенмен, түспен, пейзажбен, ал тыныш бой жазған қалыпты өзге көрсеткіштермен байланыстыру. Мазасыздану қалпы кезінде алдымен бірінші қалыпты, кейін екінші қалыпты, сосын үшіншісіне көшу, осыны бірнеше рет қайталау.

Қоштасу рәсімі.

№ 6 сабақ «Күннің шуағы» жаттығуы

Мақсаты: Өзінің ең жақсы қасиеттерін анықтау, қиын жағдаяттарды жеңуде аталған сапаларын қолдануда дағдылану.

Жүргізуші: ақ параққа күннің суретін салыңыз. Ортасына домалақтап күнді бірнеше шуақтарымен салып, домалақтың ішіне өз атыңызды немесе суретіңізді салыңыз. Әрбір күн шуақтарына өзіңіз туралы сөз жазыңыз.

Тапсырма: өзіңіз туралы бұдан да жақсырақ жазуыңызға болады.

Сурет салып болған соң, қатысушыларға келесі тапсырма беріледі.