Кабинеттік жүйе және жаңа сабақ туралы мақала

Кабинеттік жүйе және жаңа сабақ

Елбасы Н. Назарбаев «Болашақта еңбек етіп, өмір сүретіндер – бүгінгі мектеп оқушылары, мұғалім оларды қалай тәрбиелесе Қазақстан сол деңгейде болады. Сондықтан ұстазға жүктелетін міндет ауыр» деген болатын. Қазіргі уақыттағы білім беру қызметкерлерінің алдында тұрған басты мақсат – еліміздегі білім беруді халықаралық деңгейге көтеру, жеке тұлғаны қалыптастыру, қоғам қажеттілігін өтеу, оны әлемдік кеңістігіне кіріктіру болмақ. Болашақтың бүгінгіден де жарқын болуына жол ашатын құдіретті күш тек білімде ғана. Заман талабына сай оқыту мұғалімге байланысты. Оның негізгі қасиеті — ізденгіштігі. Қазіргі таңда ғылым мен техниканың даму қарқыны оқу-ағарту саласының оқыту үрдісіне жаңа технологиялық әдістер мен қондырғыларды кең көлемде қолдануды қажет етуде. Электрондық байланыс жүйелері арқылы ақпарат алмасудың тиімділігі өркениетті елдердің іс-тәжірибелерінде айқын сезілуде. Қазір білім беру жүйесі мен білімді тексеру мақсатында ақпараттық технологияларды енгізу басты мәселеге айналуда.

Физика кабинеті мемлекеттік бағдарлама бойынша 2008 жылы қазіргі заманғы білім мен біліктілікке қоятын талаптарға сай жабдықталды. Сабақ сапасының жоғарылауы оқу процесінде іс жүзінде қажетті оқу- құралдарынсыз мүмкін емес.

Физика пәнінен жоғарғы көрсеткішке жету қажетті құралдар – механикадан, электрден, оптикадан , астрономиядан, жалпыға арналған құрал-жабдықтарға және олардың зертханалық жқмыстарына байланысты. Физикалық білімді жоғарғы дәрежеде ұғыну әр түрлі оқу және техникалық оқу құралдарын толық жабдықталған кабинетте жүзеге асады Мұғалім столы, оқушының жұмыс орны, класс тақтасы және құралдар сақталатын шкафтар сабақ өткізуге ыңғайлы болуы керек. Оқу құралдары (модель, электронды оқулықтар, дисклер, кестелер, жарға ілінетін анықтама кестелері, принтер мен компьютар, документ камера, графопроектор, дыбыс шығарғыштар, экран) оқу жүйесінің бөліктері ретінде оқушының сабақты жоғары дәрежеде меңгеруіне және біліктілікті арттыруына көп әсерін тигізеді. Кабинет мынандай жабдықтардан тұрады: Жалпы білім беретін мектептер үшін оқу-әдістемелік әдеби тізімі; Физикалық көрнекілік құралдары; Дидактикалық карточкалар, зертханалық жұмыстар мен бақылау жұмыстары; Техникалық оқу құралдары (компьютер принтерімен, диапроектор, графопроектор және көрсетілім проекторы) және оларды қолдану құралдары-экран мен дистанциялық құралымен; Оқу-әдістемелік оқулықтар; Оқушылардың үздік және бақылау жұмыстары; Кабинеттегі о

Кабинеттің артқы қабырғасында көрнекілік оқу құралдары бар үш шкаф орналасқан. Мұғалімнің жұмыс столымен қатар екі көрсетілім столы тақта алдында орналасқан, оның үстінде графопроектор, екі дыбыс шығарғыш, компьютер принтері мен диапроектор орналасқан. Тақтаға қарсы көрсетілім проекторы жарға қондырылған, ол жұмыс столындағы компьютермен жалғанған. Компьютерге қажетті 5 электрондық оқулық дискілер бар. Зертханалық жұмыс құралдары, көрсетілім тәжірибелік құралдары жеткілікті. Сонымен қатар, компьютерлік модельдерді қолдану мұғалімге физикалық ұғымдардың мәнін тереңірек ашуға, оқушыларды қазіргі кездегі физиканың тәжірибелік негізімен таныстыруға, физикалық құбылдыстар мен процестерді зерттеу әдістерін, оқушыларға білім жүйесін ғылыми зерттеу әдістерімен тығыз байланыстыра отырып хабарлауға мүмкіндік береді.

Жаңа материалды түсіндіру сабағында динамикалық компьютерлік модельдерді қолдану мұғалім мен оқушыларға көп артықшылық береді. Өйткені, компьютерлік модель оқытатын физикалық процестердің көрнекі түрде сақталуына, сондай-ақ тікелей бақылау кезінде көзге көрінбейтін немесе жалпы мүмкін емес құбылыстың нәзік жерлерін елестетуге мүмкіндік бере алады. Мұндай жабдықталған кабинеттің басты мақсаты-оқушылар мен мұғалімнің жемісті еңбек етуін қамтамасыз ету.

Физика сабақтарында түрлі суреттерді, схемаларды, қорытындыларды, формулаларды, анықтамаларды экранға проекциялап оқушылардың оқу материалын көзбен көру арқылы есте сақтауын қамтамасыз ету үшін диапроектор қолдану өте қолайлы.

Бүгінгі таңда еліміздегі қай деңгейде болмасын оқушылар білімін тексерудің негізгі түрлерінің бірі тестілеу әдісі болып отыр.

Бұл әдіс, біріншіден, оқушы білімін бағалауға мұғалімнің субъективтік көзқарасының ықпалы болмауын қамтамасыз етсе, екіншіден, аз уақыт ішінде көлемді материалды қамти отырып, білім деңгейін жылдам тексеріп шығуға мүмкіндік береді.

Физика – эксперименттік ғылым. Физиканы оқуды зертханалық жұмыстарсыз елестету қиын. Өкінішке орай физика кабинетінің жабдықталуы жаңа жұмыстар тұрмақ, бағдарламадағы зертханалық жұмыстарды жасауға жеткілікті бола бермейді. Осы кезде көмекке дербес компьютер келеді, онымен өте күрделі зертханалық жұмыстарды орындауға мүмкіндік бар. Оқушы онда өз қалауынша тәжірибенің алғашқы параметрлерін өзгертіп, бақылап, нәтижесінде құбылыс қалай өзгергенін көріп, көргенін талдап, сәйкесінше қорытынды жасайды.

Компьютерді сонымен қатар сабақтың басқа типтерінде де қолдануға болады; өздігінен жаңа материалды оқуға, есептер шығаруда, бақылау жұмысы уақытында. Әсіресе жаңа материалды меңгеру мен бекіту және өтілген тақырыптарды қайталау сабақтарында оқушылардың логикалық ойлау қабілеті жақсы дамиды. Физика сабақтарында компьютерлерді пайдалану шығармашылық процеске және дамыта оқыту принципіне алып келеді.

Мен өз тәжірибемде ақпараттық –коммуникациялық технологияларды үнемі пайдаланамын. Мектепте 7 – 8 сыныптарға сабақ беремін. Барлық сыныпқа мүмкіндігінше ақпараттық-