Жасыл шыршаны қорғаймыз ашық сабақ мектепке дейінгі топқа

Ашық іс – әрекетінің конспекті

«Жасыл шыршаны қорғаймыз»

Дайындаған : Жапакова А.А.

Екібастұз қаласы №12 «Арай» балабақшасы.

Білім беру саласы : Қатынас,Денсаулық, Таным.

Бөлімі: Тіл дамыту, Қоршаған орта – экология, валеология.

Тақырыбы: «Жасыл шыршаны қорғайық»

Мақсаты:

Білімдік мәні : Балалардың шырша және басқа ағаштар туралы ұғымдарын молайту және қалыптастыру,олардың айырмашылығын ,ұқсастығын көріп ажыратуға үйрету.

Дамытушылық мәні : Ертегі құру барысында балалардың қиялдарын дамыту,ертегіні құрауға деген қызығушылығын туғызу.Балаларды жеке және көпше түрінде сөздерді айтқызу.

Тәрбиелік мәні : Балалардың бойында мейірімділік ,достық сезімдерін тәрбиелеу,қоршаған ортаға қамқорлық сезімдерін ұлғайту.

Қолданылатын көрнекіліктер: Суреттер,шырша ,қарағай бұталары, қарағайдың бүрлері,дәндері, ойыншық шырша, тұзды су , слайд, самырсын майы.

Сөздік жұмыс : шырша, қарағай.

Билингвальды компонент: шырша – ель, қарағай - сосна.

Оқу іс әрекетінің кезеңдері

Тәрбиешінің іс - әрекеті

Балалардың іс –әрекеті.

Мотивациялық -қозғаушылық

«Шаттық шеңбер»

Қол алысып кәне біз,

Достасайық бәріміз.

Айтарым бар сендерге,

Қандай жақсы бір тұру,

Достарымен бір жүру.

Қайырлы күн, Жер – ана!

Қайырлы күн достарым!

Сендерді көргеніме қуанамын!

Балалар шеңбер бойымен тұрып тәрбиешімен бірге өлең жолдарын қайталайды ,

өлеңге сәйкес қимыл – қозғалыстарды жасайды.

Ұйымдастырушылық - ізденістік

1.- Бүгін біздің әңгімеміз ағаштар жайлы болады. Осы ғажап ағаш туралы мен сендерге жұмбақ жасырғым келіп тұр:

Қысы - жазы шешпейтін,

Көйлегі бар жасылдан.

Өзгертпейді еш күйін,

Жаралғандай асылдан!

Қандай ағаш туралы менің жұмбағым?Кәне ойланып табыңдар.

Дұрыс балалар! Ол – шырша.

Шыршаға ұқсайтын басқа ағаштарды білесіңдер ме?

Балалар жұмбақты мұқият тыңдайды.

Шырша ағашы.

Қарағай ,самырсын.

2. Қазір балалар біз осы ағаштар туралы слайд көріп ,олармен жақын танысамыз.

а) Шырша мен қарағай баяу өседі.

Тұқымы бүрлерінде пайда болады ,осы тұқымынан кішкентай ағаш өседі,тікендері кішкентай ,жұмсақ, ашық жасыл түсті болады.

ә)Қарағай мен шырша бір –біріне тікендерімен ұқсайды,олар қысы – жазы бір түсті болады.

б)Айырмашылығы да бар шыршаның инесі қысқа ,қатты болады,ал қарағайдың инесі ұзын,жұмсақ болады.

в)Шырша мен қарағай өмір бойы өсе береді ,олар үлкен ағаш болу үшін көп – көп жылдар керек.

Балалар мына шырша мен қарағайдың бұтақтарына қараңдаршы , олардың инелеріне қарап айырмашылығын көріңдер.

3 .Тәжірибе (бұтақтармен)

Балалар қыста осы ағаштардың бұталарын қырау басып тұрады,ал біз осы қырау қалай оларға пайда болатынын көрсетіп береміз,тәжірибе арқылы.

- Кәне балалар үстел қасына келіп қараймыз.Суға тұз салып араластырамыз ,тұзды суға шырша бұтақтарын батырып шығарамыз,бұталарды құмараға қойып жылы жерге қоямыз кепкенің күтеміз,содан кейін не болады екенін көреміз.

4.Сызба арқылы шыршаның пайдасын айтып береміз.

- Балалар шыршаны шауып алуға болады ма?

- Оның бұталарын жұлып алуға болады ма? Неге?

Балалар компьютер экранына қарап, тәрбиешінің әңгімесін мұқият тыңдайды.

Ағаштардың бұталарын алып қарап шығады.

Жоқ болмайды.

Шырша мен қарағай өте пайдалы ағаштар ,олар бізге таза ауа береді,олардың ағашынан жиһаз жасайды,және майынан дәрі –дәрмек жасайды. Бүрілерімен,тұқымымен құстар,аңдар көріктенеді.Мына дәндерге қараңдаршы осымен құстар…