Жемістерді танып білу ашық сабағы мектепалды топқа

Білім беру саласы: «Шығармашылық»

Ұйымдастырылған оқу қызметінің түрі: Сурет салу

Тақырыбы: Жемістер

Мақсаты: Балаларға жемістер туралы түсінік беру, ойлау қабілетін арттыру, тілін дамыту, түстер мен пішіндерді ажырату, шапашаңдыққа, байқампаздыққа тәрбиелеу.Суретке деген қызығушылығын ояту.

Көрнекіліктер: жемістердің суреті, жеміс түрлері.

-Балалар қараңдаршы біздің бүгінгі ашық оқу қызметімізге қаншама қонақтар келіп отыр, қане орнымыздан шаттық шеңберіне тұрып амандасайық.

Шаттық шеңбер: Күннің көзі ашылып,

Көкке шуақ шашылып,

Құтты қонақ келіпті,

Төрімізге еніпті.

Үлкенге де «сіз»

Кішіге де «сіз»

Баршаңызды құрметтеп

Бас иеміз біз!

-Балалар бүгінгі ашық оқу қызметімізді бастамас бұрын жыл мезгілдерін қайталап өтейік.

-Балалар жылда неше мезгіл бар?

-Қазір қай жыл мезгілі?

-Күз мезгілінде балалар неше ай бар?

-Ай аттарын атайықшы?

-Қазір нешінші айы?

-Балалар мен бүгінгі ашық оқу қызметімді сіздерге жұмбақ жасыру арқылы бастағым келіп тұр.

Өрік, алма, шие, алша

Жидек жүзім піседі.

Қауын қарбыз қияр сәбіз

Дүкендерге түседі.

Астық пісіп, орақ орып

Қырман дәнге толады.

Бөбектерім айтыңдаршы?

Бұл қай кезде болады?

-ия дұрыс айтасыңдар балалар .

-Күз мезгілінде табиғатта қандай өзгерістер болады?

-Біздер қалай киінеміз?

-Күз мезгілін қандай түске теңейміз?

-Кім маған күз туралы тақпақ айтып береді?

Абдірахим:

Берекесін сыйлауға

Өлкемізге күз келді

Жемістерін жинауға

Шақырады біздерді.

-Жарайсың Абдірахим.

«Жазда не ексең, күзде соны орасың» дегендей, жаз бойы баптап өсірген жеміс-жидектеріміз піседі, сондықтан күзді берекелі жомарт күз деп атайды.

Бүгінгі біздің ашық оқу қызметіміздің тақырыбы: «Жеміс-жидектер» деп аталады.

-Қандай жеміс түрлерін көріп тұрмыз?

-Алма, алмұрт, апельсин, жүзім, құлпынай.

Жемістердің түрін, түсін, пішінін таныстыру.

Жемістер адамдарға өте пайдалы, бақта ағашта өседі, жемістерден әр түрлі шырындар жасайды. Жемістер дәрумендерге толы, жемістер мол өнім беру үшін адамдар жеміс ағаштарын күтеді.

Ғажайып сәт:

(музыка әуенімен залға қоян көжегімен бірге кіреді, қолында жемістер бар)

Қоян: Сәлеметсіздерме балалар? Мен сендерден көмек сұрай келдім. Мені орманнан қасқыр көжегіммен бірге қуып жіберді, егерде мына тапсырмаларды орындамасан сені жеп қоям – дейді. Мына қағаздағы бірнеше тапсырмаларды орындауларыңыз керек.

-Сәлеметсіңбе қоян?

-Балалар қоянға көмектесесіңдерме?

- Қәне балалар қағазда қандай тапсырмалар бар екенін ашып қарайық.

1 тапсырма: Жемістер туралы тақпақтар айту.