Жемістерді жинаймыз тақырыбындағы балабақша ашық сабағы

Білім беру саласы: Таным Ұйымдастырылған оқу қызметі: Жаратылыстану

Тақырыбы: Жемістерді жинаймыз

Мақсаты: Балаларды жемістің түрлерімен таныстырып,оларды бір-бірінен түсі,пішіні,дәмі арқылы ажыратып білуге үйрету. Табиғатты қорғауға баулу.

Көрнекіліктер:Жемістердің суреттері,муляждар.

Шаттық шеңбер

Ән салуға барамыз, (балалар шеңбер бойымен жүреді)

Досымызды табамыз. (жүріп келіп, тоқтайды)

Сәлемет пе! Міне, мен! (қолдарын екі жаққа сермейді)

Доспын енді сенімен. (бір-бірімен қол алысады)

Әңгіме жүргізу

-Балалар,бәріміз көзімізді жұмайық,(балалар көзін жұмған мезгілде тәрбиеші үстелдің үстіне жеміс-жидек салынған себетті қояды)үстел үстіне қарайық. Мына жеміс толы себетті бізге кім әкелді екен?

-Себеттің ішінде не бар екен?

-Себетте қандай жемістер бар?

-Балалар,себетте алма,алмұрт,жүзімдер,ананас,мандарин бар екен. Осы жемістердің ішінен қайсысы сендерге көбірек ұнайды?

-Әрине,алма. Олай болса алмамен жақынырақ танысайық

-Балалар,суреттен нені көріп тұрмыз?

-Алманың түсі қандай?

-Алмалар қайда өседі?

-Оларды кім өсіреді?

-Жемістерді жерге тастауға бола ма?

-Балабақшада жеміс бере ме сендерге?

-Жемістер денсаулыққа пайдалы ма?

-Қандай жемістерді жақсы көресіңдер?

Балалардың жауаптары

-Балалар,жемістер пайдалы тағам. Жемісті көп жеуіміз қажет. Себебі,жемістерде көп дәрумендер болады.Жемістерді көп жесек денсаулығымыз жақсарады,бойымыз өседі,ауырмаймыз. Мен сендерге жемістер туралы тақпақ оқып беремін.

Сергіту сәті:

Мен,алмамын,алмамын,

Таңдай татар бал дәмім.

Мына тәтті бал-дәмді,

Дастарқанға арнадым.

Тыныс алу жаттығулары

Әр түрлі шөптер салынған жеміс-жидектерді иіскеу

Дидактикалық ойын «Көп және біреу»

Ойынның мазмұны: балалар берілген суреттерді қарастырады. Көп зат және бір зат бейнеленген суреттерді бөліп, екі жаққа қояды.

Қорытынды

Ұйымдастырылған оқу қызметін қорытындылау. Сұрақ қою,жауап алу. Балаларды жұлдызша беру арқылы мадақтау.

Күтілетін нәтиже:

Біледі: жемістердің не екенін;

Игереді: жемістердің атауларын ажыратуды;

Меңгереді: суреттер арқылы сұраққа жауап беруді;