Жеңіс сабағы қазақ тіліне арналған ашық сабақ

Автор: Алибек Талғатұлы Қысатай

Білім беру мекемесінің атауы: «Бозанбай орта мектебі» КММ

Лауазымы: «Қазақ тілі мен әдебиеті» пәнінің мұғалімі;

5 «Ә» сынып жетекшісі

Біліктілік санаты: бейсанатты

Тақырыбы: «Әрқашан күн сөнбесін!»

Сынып: 5 «Ә»

Өткізу түрі: тәрбие сағаты

Тәрбие сағатының мақсаты мен міндеттері: Ұлы Отан соғысындағы жеңіс туралы тарихи естелікті сақтау, Кеңес халқының фашистік басқыншыларға қарсы күресінде Қазақстанның жеңіске қосқан үлесі туралы тарихи сауаттылықты арттыру, оқушыларға патриоттық тәрбие беру.

Сабақтың жабдықтары: Интерактивті тақтаны пайдалана отырып: «Ұлы отан соғысы» және «Жеңіс» тақырыбында слайдтар, ақпараттық видео. «Ардагерлерге тағзым» тақырыбындағы фотоколлаж, түрлі-түcті шарлар.

Тәрбие сағатында пайдаланылған материалдардың жарияланым көздері мен авторы: Youtube желісі, «Қызықты студия» тобы, «ҰОС Қазақстан қатыспағанда не болар еді? Бұл біздің жеңіс!» видеоматериалы. Сілтеме: https://youtu.be/vV4jmplEyfM

Мәтін: «Спутник Қазақстан» интернет порталы, сілтеме: https://sputniknews.kz/pobeda/20190509/9936819/9-mamyr-Uly-Otan-sogysy-qazaqstandyqtar-zheniske-qosqan-ulesi.html

Мұғалім: Қысатай Алибек Талғатұлы

Мектебі: «Бозанбай орта мектебі» КММ

Сынып: 5 «Ә»

Тақырыбы: «Әрқашан күн сөнбесін!»

Сабақтың мақсаты: Ұлы Отан соғысындағы жеңіс туралы тарихи естелікті сақтау, Кеңес халқының фашистік басқыншыларға қарсы күресінде Қазақстанның жеңіске қосқан үлесі туралы тарихи сауаттылықты арттыру, оқушыларға патриоттық тәрбие беру.

Сабақтың түрі: Тәрбие сағаты

Көрнелігі: Интерактивті тақтаны пайдалана отырып, «Ұлы отан соғысы» және «Жеңіс» тақырыбында слайдтар, ақпараттық видео. «Ардагерлерге тағзым» тақырыбындағы фотоколлаж, түрлі-түcті шарлар.

Пәнаралық байланыс: Қазақстан тарихы, Дүниежүзі тарихы

Сабақтың барысы.

І. Ұйымдастыру кезеңі

Оқушылармен сәлемдесемін. Уақытты тиімді пайдалану үшін бірден топқа бөлемін. Ол үшін оқушылар арасынан ортаға «Ең жылдам» екі оқушыны шығуын сұраймын. Келесіде «Ең ақылды» екі оқушы, сосын «Ең әдемі» екі оқушыны... деп оқушылар екі топқа бөлініп болғанша шақырамын. Шыққан оқушылар ең алғашқы екі оқушының артына бөлініп тұра береді.

Көтеріңкі көңіл-күй атмосферасын орнату үшін сабақты ойынмен бастаймын. Оқушылардан шеңбер құрап тұруын сұраймын. Ойын ережесі мынадай: әр оқушы өзінің есіміне өзінің аты басталатын әріптен басталатын сын есім тіркеп айтады. Келесі оқушы өзінің алдындағы кісінің сынын қоса айтып, өзінің қандай екенін жеткізеді.

Өзім бастаймын: Алғыр Алибек

1-оқушы: Алғыр Алибек, батыл Бекарыс

2-оқушы: Батыл Бекарыс, жылы жүзді Жанерке

3-оқушы: Жылы жүзді Жанерке, талантты Тілеужан...

Осылай кете береді. Соңында барлығына жағымды пікір айтып, топ бойынша отырғызамын.

ІІ. Тақырыпты болжау

Сыныпта түрлі түсті шарлар, фотоколлаж Ұлы Отан соғыс жайлы аз-маз хабар беріп тұрса да, сабақтың тақырыбын оқушылардың өзіне болжатамын. Ол үшін интерактивті тақта арқылы видео көрсетемін. (Осыдан соң тақырып анықталады деп ойлаймын)

Видео аяқталған соң екі топқа атау беремін. Бірі «Майдангерлер», екіншісі «Тыл еңбекшілері».

1-тапсырма.

Тапсырманың мақсаты: Майдандағы сарбаздар мен тылдағы еңбекшілердің жеңіске қосқан үлесінің тең екендігін түсіндіру.

Майданда нағыз ержүрек ер адамдар (басым бөлігі) шайқасқанын, ал тылда нәзік жанды әйелдер қауымының (басым бөлігі) еңбегін сараптау.

Әр топ видеода көрсетілген ақпаратты падалана отырып, «Майдангерлер» мен «Тыл еңбекшілерінің» жеңіске қосқан үлесін «Қос жазба» күнделігі әдісі арқылы аргументтеп дәлелдейді.

Мысалы:

«Майдангерлер» тобы

Қос жазба күнделігі

Аргумент

Түсініктеме

Өлімге бас тігу

Майданға аттанған әр сарбаз өзінің қайда, не үшін бара жатқанын білді. Бұл көзсіз ерлік. Бірақ олар ештеңеден тайсалмады. Өйткені, бұл-Отан алдындағы парыз.

«Тылдағы еңбекшілер» тобы

Қос жазба күнделігі

Аргумент

Түсініктеме

12-16 сағаттық қара жұмыс

Тылдағы еңбекшілердің тартқан машақаты мен, көрген азабы кем болмады. Өйткені мұндағы жұмысшылардың басым бөлігі әйелдер мен балалар еді. Тәуліктің басым бөлігін қара жұмысқа арнады

Әр топтан өздерінің қалауы бойынша бірнеше оқушы жұмыстарын қорғайды. Ал келесі топ олардың жұмысын топпен ақылдаса отырып, «Бағдаршам» тәсілімен бағалайды.

2-тапсырма

Екі топқа бірдей мәтінді карточкалар таратып беремін. Бұл мәтінде тек Қазақстан халқы мен қазақ жерінің жеңіске қосқан үлесі туралы баяндалады. Енді топтар осы мәтіннен табатын мәліметтерін ауыстырады. «Майдангерлер» тобы тылдағы жұмысшылардың ерен еңбегі жайлы, «Тыл еңбекшілері» соғысқа кеткен сарбаздардың көрсеткен ерлігін тауып жазады.

Мәтін