Жеңісті жақындатқан ұлағатты ұстаз туралы презентация

Кіріспе

Қазақстан Республикасының Президенті-Елбасымыз Н.Ә.Назарбаев «Болашаққа бағдар: рухани жаңғыру» деп аталатын бағдарламасында –таяу жылдардағы міндеттердің бірі «Туған жер» бағдарламасын жүзеге асыруды ұсынамын делінген.

Туған жерге, оның тарихына, мәдениеті мен салт-дәстүріне айрықша іңкәрлікпен атсалысу-шынайы патриотизмнің маңызды көріністерінің бірі.

Патриотизмнің ең жақсы үлгісі орта мектепте туған жердің тарихын оқудан көрініс тапса игі делінген.

Біздің бабаларымыз ғасырлар бойы ұшқан құс, жүгірген аңның тұяғы тозатын ұлан-ғайыр аумақты ғана қорғаған жоқ.

Олар ұлттың болашағын, келер ұрпағын, бізді қорғаған. Сан тараптан сұқтанған жат жұртқа Атамекеннің қарыс қадамын да бермей, ұрпағына мирас етті.

Кешегі Ұлы Отан соғысында Ұлы Жеңісті жақындатқан қаншама ата-апаларымыз біздің жарқын өміріміз үшін өз жандарын пида етті.

Осыған орай менде ауданымызда өткізіліп отырған «Құнды құжаттар» байқауына қатысып, «Туған жер» бағдарламасының жүзеге асуына кішкене болса да өз үлесімді қоссам деймін

Осы слайдтың жасалуына себеп Құтарыс ауылында дүниеге келген ҰОС ардагері, “жеңісті бір табан жақындатқан” аяулы жар, ардақты әке, өнегелі қария-ұстаз - Темірбеков Тортай Темірбекұлы.

Мұнда ҰОС ардагері, ардагер-ұстаз Темирбеков Тортайдың ұлтына, ұрпағына қалдырған өнегелі өмірі баяндалады.

Баяндаманы бастамас бұрын ҰОС ардагерлерін 1 минут үнсіздікпен еске алуға шақырамын.

Өмір-дерек

1.Балалық шағы

Темірбеков Тортай 1913 жылы 5-мамырда Сайрам ауданы Қызыләскер (қазіргі Құтарыс) ауылында орта шаруаның отбасында өмірге келген.

Білімге деген құштарлықпен ауыл молдасынан сауатын ашты.

Бала Тортай мұнымен қанағаттанбады. Алайда ел ішіндегі қуғын-сүргін зобалаңы оның арманының жүзеге асуын қиындатты.

2.Білім жолында.

Қуғын-сүргіннің қиындықтарына қарамастан Темірбеков Тортай өмірге, білімге деген құштарлықпен 1935 жылы Ташкент қаласындағы Педагогикалық техникумға оқуға түсті.

Техникумды бітірген соң жоғары Шыршық ауданында соғысқа дейін мұғалімдік қызмет етті.

Қуғын-сүргіннің қиындықтарына қарамастан Темірбеков Тортай өмірге, білімге деген құштарлықпен 1935 жылы Ташкент қаласындағы Педагогикалық техникумға оқуға түсті.

Техникумды бітірген соң жоғары Шыршық ауданында соғысқа дейін мұғалімдік қызмет етті.

3.ҰОС аттануы

1941-жылы 22- маусымда фашистік Германия Кеңес Одағына соғыс жариялады.

Темірбеков Тортайда неміс фашизмінен Отанын қорғауға,соғысқа баруға бірнеше рет сұранды.

Тек 1942 жылы ақпанда әскери ант тапсырып 85-темір жол полкіне атқыш болып қабылданды, кейін қараша айына дейін 144 атқыштар полкінде қызмет етті.

1942 –жылы 19-қарашада 101-шекарашылар полкінің жеке құрамына қабылданып, 12 шекарашылар отрядына отделение командирі болып ауыстырылды.

Герман фашизміне қарсы ұрысқа кірісіп, 1946 жылы елге қайтарылғанға дейін Отанға адал қызмет етті.

1944-жылы оң аяғынан жараланып, дала госпиталында ем алып, ем аяқталған соң Берлинге дейінгі ұрыстарға қатысты.

4.Марапаттамалары

Кеңес Одағы Жоғары Кеңесінің 1944-жылы 5-желтоқсандағы Жарлығымен “За Оборону Советского Заполярья” медалімен марапатталды

Кеңес Одағы Жоғары Кеңесінің 1945-жылы 9-мамырдағы Жарлығымен “За Победу над Германией в Великой Отечественной Войне 1941-1945гг” медалімен марапатталды.