Жер бедерінің қалыптасуы мен таралу заңдылықтары, 7 сынып

Сабақтың мақсаты:

Жер бедерінің қалыптасу және таралу заңдылықтарын зерттеу;

Географиялық дерек көздерімен жұмыс істеу (карта, сурет, мәтін, фотосуреттер, графикалық материалдар)

Ойлау дағдыларының деңгейі

Қолдану,

Талдау және қорытынды жасау

Бағалау критерийлері

Литосфералық плиталардың қозғалысына байланысты болатын жер бедерінің түрлерін анықтай алады, картада көрсетеді.

Сурет бойынша сол аймақтың жер бедерінің қалыптасуын талдап, зерттеулер жүргізеді, профилін (қима) бейнелей алады.

Тілдік мақсаттар

Оқушылар:

Карталарды және мәтіндерді қолдана отырып, Жердің тектоникалық құрылымы мен литосфералық плиталардың және сейсмикалық аймақтарды орналасуын картадан көрсетеді және сипаттайды.

Сызбаларды, карталарды және мәтіндерді қолдана отырып, литосфералық плиталардың қозғалыс түрлерін ажырата алады және салдарын түсіндіреді.

Жердің геохронологиялық кестесін ауызша сипаттай алады (айтылым, тыңдалым, жазылым дағдылары) дамытады.

Пән бойынша сөздер мен терминдер:

Геохронологиялық кесте, жер қыртысы, қозғалыс, сейсмикалық аймақтар, субдукция

Диалогқа/жазылымға қажетті тіркестер (айтылым және жазылым дағдылары)

Тектоникалық құрылымның таралу заңдылқтары мен Жер бедері арасындағы айырмашылықты анықта

Тектоникалық картада .................. орналасқан

Литосфералық плиталар ........................... тұрады

Сейсмикалық облыстар ............................... орналасқан

Құндылықтарды дарыту

Барлығына тең құқықтар мен мүмкіндіктер туғызу, үздіксіз білім алу.

Оқушының бойына құрмет, ынтымақтастық, ашықтық, еңбек және шығармашылық, өмір бойы білім алу құндылықтарын дарыту

Пәнаралық байланыстар

Физика, математика , химия, биология

АКТ қолдану дағдылары

Интербелсенді тақта, презентация

Алдыңғы білім

Оқушылар жер бедерінің қалыптасу заңдылығынбілу қажет.

Карта, тірек-сызба, фотосуреттермен жұмыс істей алу керек.

Жоспар

Сабақ кезеңдері

Жоспарланған іс - әрекеттер

Деректер

Сабақтың басы

І. І. Ұйымдастыру кезеңі:

А. Оқушыларға «Вlob tree» парағы ұсынылады. «Сіз өзіңізді қай жерден көресіз?»

Б. Оқушыларды «Сандар» әдісі арқылы жер бедері бойынша топтарға бөлу /жазықтар, таулар/

Сабақтың ортасы

ІІ.Тақырыпқа шығу. Мұғалім жаңа сабақты бастау үшін оқушыларға таулар мен жазықтардың фотосуреттерін береді. Фотосуреттер арқылы не ойлайтындығы сұралады:

Суреттерде не бейнеленген?

Олардың басты ерекшеліктері қандай?

Фотосурет арқылы таулар мен жазықтардың айырмашылықтарын ажыратады. Жұппенен өз ойларын бөліседі, бүгінгі сабақтың тақырыбын анықтайды. Мұғалім оқушыларға сұрақтар қою арқылы, оқу мақсаттарын анықтауға жетелейді.

Жер қыртысы мен жер бедері арасында байланыс бар ма? Егер болса ол қандай?

Оқушылар сұрақтарға жауап бере отырып, топпен өз ойларын бөліседі.Мұғалім әртүрлі идеяларды қорындылап, жер бедерінің қалыптасу заңдылығын түсіндіреді. Мұғалім оқушыларға жер бедерінің қалыптасуы туралы ақпарат таратады (мәтін, сызба-нұсқа).

ІІІ. Оқушылардың іс-әрекеті.

Топпен жұмыс. Қалыптастырушы жұмыс

Картамен жұмыс:

1- тапсырма: Тектоникалық карта мен физикалық картаны салыстырыңыз және жер бедерінің қалыптасу заңдылығын анықтаңыз.

Мұғалім оқушыларға тапсырма орындау үшін атлас картаның тектоникалық және физикалық картасымен жұмыс жасауды ұсынады.

Оқушылар мәтін бойынша жер бедерінің қалыптасу заңдылығын анықтайды,тектоникалық және физикалық картаға сипаттама береді.Мұғалім оқушылардың біліміне қолдау жасап, өзектендіріп отырады.

Тапсырманы қорғау

Оқушылар өз жұмыстарын ұсынады. Топпен өз ойларын бөліседі, тыңдалым, айтылым дағдысын қалыптастырады.

Бағалау: Оқушылар бір-бірінің топтарын «Екі жұлдыз, бір тілек» әдісі арқылы бағалайды.

Жұппен жұмыс. Қалыптастырушы жұмыс

2- тапсырма:Материктер бойынша жер бедері түрлерін анықтаңыз.

а) Материктер бойынша таралған платформалар (қалқан, плита) және геосинклиналь аймақтарына сай жер бедері түрлерін анықтап жазыңыз.

Мате

риктер

Жер бедері түрлері

Платфор

малар

Рифтер

Қалқандар

Геосинклиналь

Оқушылар жұппен материктер бойынша таралған платформалар (қалқан, плита),геосинклиналь және оларға сай жер бедері түрлерін анықтайды.

б) Жазықтар (ойпат, қырат, үстірт, таулы қырат, таулы үстірт) пен таулар (қатпарлы жақпарлы, қатпарлы)түрлерін анықтап жазыңыз.

Материктер

Жер бедері түрлері

Ойпат

Қырат

Үстірт

Таулы үстірт

Қатпарлы жақпарлы

таулар

Қатпарлы таулар

Жазықтар (ойпат, қырат, үстірт, таулы қырат, таулы үстірт) пен таулар (қатпарлы жақпарлы, қатпарлы) және олардың түрлерін анықтайды. Мұғалім оқушыларға атлас…