Жердің қорғаны, елдің тұтқасы сыныптан тыс шара 12 сынып

Тақырыбы: Жердің қорғаны, елдің тұтқасы

Мақсаты:Ұлттық салт-дәстүр негізінде ер баланы тәрбиелеу туралы түсінігін кеңейту, ұлттық дүниетанымын қалыптастыру. Ұлтжандылыққа, отансүйгіштікке тәрбиелеу, патриоттық сезімдерін ұштау.Көрнекілігі: интербелсенді тақта, тақырыпқа сай суреттер, слайд.

Барысы: "Қазақ биі"1 - жүргізуші:- Құрметті қонақтар, ұстаздар, оқушылар, бүгінгі "Жердің қорғаны, елдің тұтқасы" атты сыныптан тыс шарамызға қош келдіңіздер!Ана үшін аянба – ант ұрады. Бала үшін аянба – бетің күйеді.

2 – жүргізуші:

Ел үшін аянба – ерлігіңе сын, Жұрт үшін аянба – жігіттігіңе сын - деп даңқты қолбасшы атамыз Бауыржан Момышұлы айтқандай, ер-азаматтардың орны қашанда бөлек. Олардың күш-жігеріне, ақыл-парасатына бүкіл әлем бағынған, бағынады да! Сондықтан халқымыз «Жердің қорғаны, елдің тұтқасы» деп ерекше ардақтаған. Ал ақын Мұхтар Шаханов:...Жердің аман тұрғандығы,Сол намысқой еркектердің арқасы...Немесе...Қайғы келсе жеңілмейтін,Бақыт келсе, семірмейтін, Ер мінезін қадірлейтін,Еркектердің даңқы артсын!- деп жырға қосқан.Бейнекөрсетілім "Ел қорғандары"

1-жүргізуші:«Қазақстан дейтін менің бар елім,Жатыр алып жарты дүние әлемін» деп Қасым Аманжолов жырлағандай, Қазақстанның алыптығы сондай, оның аумағына Франция, Италия, Грекия, Швеция, Норвегия мен Финляндия бәрі бірдей сыйып кете алады. Осындай байтақ, бай елімізді көзінің қарашығындай сақтап қорғау – әр азаматтың парызы.2 – жүргізуші:Ата- бабаларымыз қазақ даласының еркіндігі мен елінің дербестігі үшін жан аямай күресті. Еліміздің батырлары ең алдымен Отанын сүйген, арын ардақтаған.Қазақ деген пейілі кең, бай халық,Толды арманы егеменге айналып.Бейбітшілік қорғанындай сенімді,Сарбаздары сап түзеді сайланып.1 – жүргізуші:Отанымызды қорғайтын ер жігітке айтылар сын көп, қойылар талап жоғары. Халықтық дәстүрлі тәрбиеде осы баға – «Жігіт сыны» деп аталады.2 – жүргізуші:Иә, халқымыз ер жігіттің бойынан «Алты асыл қасиет», «Үш асыл мінез», «Ажырамас үш серік» табылуын талап еткен. Біз бүгін жігіттеріміздің өнер – білімін сынға алып көрсек дейміз.

Мақал-мәтелдер.

1.Бетеге, жусан - ел көркі,

(Білімді ұл-қыз - ел көркі)

2.Ұлыңа бес жасқа дейін (патшаңдай қара),

Он бес жасқа дейін (қосшыңдай сана),

Он бестен асқан соң (досыңа бала).

3.Қыз -мінезді келсін,

(Ұл- өнерлі келсін).

4.Атадан жақсы ұл туса,

Елінің қамын жейді.

(Атадан жаман ұл туса,

Елінің малын жейді).

5.Емен ағашының иілгені - сынғаны,

(Ер жігіттің екі сөйлегені - өлгені.

6.Қызыңды құтты орынға қондырғанша күт,

(Ұлыңды отау иесі болғанша күт).

7.Ананың ізін қыз басар,

(Атаның ізін ұл басар).

8.Бабасы еккенді

(Баласы орады)

9.Әдепсіз өскен адамнан,

(Тәртіппен өскен тал жақсы).

10.Тәрбиелі адам (Тағалы атпен тең)

1 – жүргізуші:Сыналар ер жігітке келді кезең,Сәулең болса, бермен кел, талантты ерің,Жан құмары дүниеде немене екен,Соны білсең әрнені білгендерің.

Бауыржан Момышұлының нақыл сөздеріне кезек берейік.

1.Тәртіпсіз ел болмайды, тәртіпке бас иген ел - құл болмайды.

2. Ерлік - тайсалмас табандылық пен қайыспас қайсарлықтан шығадыӨршіл рухтан - өлмес ерлік туады.3.Қолбасшы болсаң сондай бол - жосылып жатқан жолдай бол.4.Отан үшін отқа түс – күймейсің.5.Опасызда Отан жоқ.6.Ерлік – табиғат сыйы емес, саналы әскери тәрбиенің жемісі, Отан алдындағы қасиетті парызыңды орындау үшін адамзаттың ең асыл сезімімен жігерленіп, өзіңді саналы түрде қауіп-қатерге бас тігуге мәжбүр…