Жетелі елдің жеті белгісі ашық сабағы, 7 сынып

Тәрбие сағатының тақырыбы: Жетелі елдің жеті белгісі

Мақсаты: Мемлекетіміздің ең негізгі жеті белгісін қазақтың киелі жеті

санына қатысты түсініктермен байланыстыра отырып анықтату,

оқушылардың ұлттық құндылықтарға деген құрметін арттыру .

Көрнекі құралдар: слайдтық көрсетілім, А3 форматты қағаз, маркер

Пәнаралық байланыс: әдебиет, музыка, тарих, бейнелеу өнері

Өтілу барысы:

І. Ұйымдастыру кезеңі

Сынып Әнұранды орындайды. Мұғалім тәрбие сағатының тақырыбы мен мақсатын таныстырады. Түрлі-түсті қағаздарға жазылған сөздер арқылы оқушылар үш топқа бөлінеді.

1.«Ту» тобына тиісті сөздер: көк аспан, қыран, ою, күн, байрақ.

2. «Әнұран» тобына тиісті сөздер: гимн, ән, ұран, Ш.Қалдаяқов,

Ж.Нәжімеденов

3. «Елтаңба» тобына тиісті сөздер: пырақ, шаңырақ, жұлдыз, уық,таңба

ІІ. Кіріспе

Мұғалім сөзі: - Әлемдегі кез- келген жаңадан пайда болған мемлекет - өзінің елбелгілерін әлемге паш етеді.Бұл елдің саяси егемендігінің белгісі. Елбелгілер халқымыздың рухын, ұлттық салт-санасын, қаһармандығы мен даналығын , болашаққа үміт, арман- тілегін жеткізетін ерекше құнды белгілер.

Қазақтар тарихи Отанында отыр. ХҮ ғ. ІІ жарт. төл мемлекетінің шаңырағын көтерді. Отарлық қыспақта да, тоталитарлық тозақта да елін, жерін сақтап қалған ел. ХҮІ ғасырдан бері тағдырдың айдауымен өзге ұлт өкілдері көшіп кетуіне байланысты көпұлтты елге айналды. Қазақтар қөпұлтты ортада тату-тәтті өмір сүрудің сан ғасырлық мектебінен өткен этнос. Әлем картасында ұлан байтақ жері бар, жер көлемінен 9 орын алатын жаңа мемлекет пайда болды. Еліміз Ресей мен Қытай сияқты екі алып мемлекеттің ортасында орналасқан. Жері үлкен болғанымен халық саны аз, 15 миллиондай ғана. Әлемде 71 орында. Халық саны аз болғанымен, көпұлтты болды. 130 жуық ұлт пен ұлыстың өкілдерінен тұрады.Теңізге шығар жолы жоқ, әлемде теңіз бен мұхитқа қашық 40 елдің бірі болып саналады. Теңізге қашықтығы 3750 шақырым. Жеріміз қазба байлыққа бай ел. Олай болса, бүгінгі сабағымызда мемлекетіміздің елдігін айқындайтын негізгі жеті белгімізді анықтайық.

1-бөлім «Мақтанышым, айбыным рәміздерім»

Әр топ постер арқылы топ аттарын қорғайды.

«Ту» тобы – Ту – мемлекеттік рәміздің бірі. Қазақта оны байрақ деп те атайды. Біздің тудың түсі көк. Көк түс бейбітшіліктің белгісі. Тудың ортасында нұрын шашқан күнді құшқан қыран құс бейнеленген. Қазақтар қыран құсты кие тұтқан. Сондай-ақ, тудың жиегі алтын түстес ұлттық оюмен нақышталған. (Осы мәндес сөздермен салған суреттерін қорғап шығады).

«Әнұран» тобы – Әнұран – мемлекеттің басты рәміздерінің бірі. «Гимн» термині «салтанатты ән» деген мағынаны береді. Еліміздің әнұраны екі рет – 1992 және 2006 жылдары бекітілді. Әнұранды оң қолымызды жүрек тұсына қойып тұрып орындаймыз. (Осы мәндес сөздермен салған суреттерін қорғап шығады).

«Елтаңба» тобы – Рәміздік тұрғыдан ҚР мемлекеті елтаңбасының негізі – шыңырақ. Шаңырақ – мемлекеттің түп негізі – отбасының бейнесі. Көшпелі ел үшін шаңырақ киелі саналған. Қанатты тұлпарлар – тәуелсіздікке, бостандыққа ұмтылған құлшыныстың бейнесі. (Осы мәндес сөздермен салған суреттерін қорғап шығады).

Топ жұмыстары фишкалар тарату арқылы бағаланады.

2-бөлім «Ата заңым, ана тілім, төлқұжатым, төл теңгем – елдігімнің белгісі»

Үш топқа суреттер таратылады. Біріне – Ата заң, екіншісіне – мемлекеттік тіл, үшіншісіне – теңге. Әр топ өздеріне тиген суретке қатысты білетін мәліметтерін ортаға салады.

Ата заң – мемлекеттің бастапқы саяси және құқықтық құжаты болып табылады. Біздің ата заңымыз кіріспеден, 9 бөлімнен, 98 баптан тұрады.

Төл теңге – біздің ұлттық валютамыз.Тұңғыш Ұлттық валютаның банкноттары Англиядағы «Харрисон және оның ұлдары» деп аталатын компанияда жаса, тиын Германияда жасалынды.