Жеті ата шежіресі тәрбие сағатына арналған материал

Cабақтың тақырыбы: Жеті ата шежіресі

Сабақтың мақсаты:

Оқушыларға өз елін қастерлеуге халық дәстүрін , Отанын сүюге , қазақтың киелі, қасиетті сандарын есте сақтауға тәрбиелеу.

Сабақтың көрнекілігі: Интерактивті тақта, суреттер, кестелер

Ой шақыру.

Балалар , « Жеті» дегенде сендерге қандай ой келеді?

Ал , енді , Қадыр ағамыздың « Жеті» өлеңіне көңіл бөлейік.

Өлеңді мұғалімнің мәнерлеп оқып шығуы.

« Жеті» .

Киелі сан жеті деген,

Байланысты жетіменен.

Көп ұғымы халқымыздың,

Белгісіндей салтымыздың.

Жеті қабат көк жер үсті

Жеті қабат жер асты.

Жеті Жарғы- заң жеті,

Қазынамыз бар жеті.

Жеті атамыз- жеті жұрт,

Ағайынды жеті құт.

Өлеңнің түсінігін айту;

Ақын өзінің өлеңінде жеті санының неге қымбат екеніне тоқталады. Жеті саны қазақта киелі сан. Оны мына өлең сөздерінен де көруге болады. Жеті жасқа келген бала күрт өседі, яғни есейеді. Аптамыз жеті күннен, қайтыс болған адамның жеті күн садақасын береді. Мұсылмандар балаларына жеті атасын жаттатады. Аспанымызда жеті жұлдыз қордаланып орналасқан жеті қарақшы бар.

Қазақ халқының ұғымында жеті санының қасиетті, киелі сан екендігін білесіңдер ме?

Қазақ халқында жеті саны киелі деп есептелген. Себебі, орта ғасырларда ғалымдар жеті күнге, жеті жұлдызға ат берген. « Жеті» сөзімен байланысты халқымызда жеті қазына, жеті күн, жеті ата, жеті ұрпақ, жеті байлық сөздері пайда болған. 17- ғасырда Тәуке ханның « Жеті жарғысы» да жеті санының қасиеттігіне байланысты болған. Қайтыс болған адамның жетісін беру, жеті шелпек пісіріп, еске алу жетімен байланысты. Наурызкөжеге де жеті тағам салып пісіреді.

ата

күн

қазына

Жеті жұт

жарғы

жетім

Мақалды жалғастырыңдар:

« Жеті атасын білмеген ….»

«Жеті ата» мәтінін тыңдап, түсінгендерінді айтыңдар

Миға шабуыл

— «Жеті ата», « Жеті ұрпақ» туралы не білесіңдер?

« Жеті атаңды» білесің бе?

« Жеті ата» — бір кісіден тараған аталас қауым. Бала жеті атасын білу керек.

Жеті ата Жеті ұрпақ

Бала Әке

Әке Бала

Ата немере

Арғы ата Шөбере

Тек ата Шөпшек

Түп ата Немене