Жетістікке бес қадам психологиялық тренингі, 11 сынып

Жетістікке бес қадам

Абдалимов Марат Аманбаевич

Педагог-психолог, Абай атындағы №17 жалпы орта мектебі, Мақтарал ауданы Түркістан облысы

Мақсаты

Оқушыларға эмоция мен сезім – адамның айналадағы өмір шындығына тигізер әсері туралы түсінік беру және эмоция мен сезімдерді қалай басқаруға болатындығын үйрету.Міндеті: Оқушыларды өзін-өзі реттеудің дағдыларына үйрету;Табысқа қол жеткізуге құлшыныстарын қалыптастыру;Оқушылардың өздеріне және өз күш- жігеріне, білімдеріне сенімділігін қалыптастыру.Қолданылған әдістер: бейнеролик, мини-лекция «Өз эмоциямызды қалай басқарамыз», «Жетістікке жету баспалдағы», «Табыс пирамидасы», «Сыйлық» тренингтік жаттығулары.

Кіріспе: Тренингтің барысын, мақсатын таныстыру.Жалпы ҰБТ– тесттік технология негізіндегі қарапайым емтихан түрі. Емтиханның бұл түріне жалпы барлық деңгейде даярлану қажет. Осындай сабақтар барысында біз сіздермен емтихан кезінде кездесетін кейбір мәселелермен бөлісіп, шешуге тырысамыз. Емтихан тапсыру ситуациясы барлық оқушылар үшін бірдей болғанмен, әр оқушы түрлі деңгейде қобалжыйды, қабылдайды, мазасызданады. Бұл неге байланысты? Оның барлығы әрине материалды меңгеру деңгейіне, еске сақтауға, өзін сенімділікке байланысты. Кейбір кездерде, сіздің толық біліп тұрған мәліметтеріңіз мүлде есіңізге түспей, жүрегіңіздің соғысы жиілеп, ойыңызға небір ойлар оралып тұрады. Осындай болмас үшін өз-өзіңізге сенімділікті арттырып, шоғырлану мен тұрақтану тәсілдерін меңгеру қажет. Емтиханға даярлық кезінде көптеген текстер, графиктер, формулалар, ережелер, сөздіктер жаттау қажет. Сіз міндетті түрде өзіңізге қандай әдістер арқылы жаттау жеңіл екенін білуіңіз қажет.Біздің сабағымыз сіздерді емтихан тапсыруға психологиялық даярлық жасауда көмек береді деген ойдамын.

1 жаттығу «Мені ата»

Мақсаты: топ мүшесі екенін сезіну, бір-бірімен жақындастыру, яғни танысу.Оқушылар шеңбер бойымен атын айтып көңілді допты ары қарай жіберіп. Шеңберді бір айналып шыққан соң допты кері жіберіп, кері қайтқанда «Мені … деп атауларыңа болады» деп өздеріңді достарың қалай атаса екен деген тілектеріңді айтты.

2 жаттығу «Жарайсың!»Мақсаты: Стресс кезінде өзіңе деген сенімділікті арттыру.Оқушылар екі шеңбер құрып: біреуі ішкі, біреуі сыртқы.Сыртқы шеңбердегілер өздеріне қосағын тауып алып, оған қарама қарсы тұрады да кезекпен өзінің жетістіктері туралы айтты. Тыңдап тұрған адам әр бір жетістікті естіген сайын саусағын бүгіп, «Жарайсың! Бір! Жарайсың! Екі!» деп санайды. Берілген белгі бойынша ішкі шеңбер орнында қалады ал сыртқы…