Жетістіктеріңмен мақтанамыз мақала 4 сынып

Жетістіктеріңмен мақтанамыз!

Әрбір өркениетті мемлекеттің алдына қойған басты мақсаты – өз халқының денсаулығын жақсартуды қамтамасыз ету болып табылады. Еліміздің даму бағытын бекіткен Елбасымыз Н.Ә.Назарбаевтың «Қазақстан -2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауында салауатты өмір салтын қалыптастыру, дене тәрбиесімен, спортпен шұғылдану мәселелері – осы басым бағыттардың бірі.

Қазақша күрес – қазақ халқының ерте кезден қалыптасқан спорт ойындарының бірі. Басқа халықтардың ұлттық күрес түрлерімен салыстырғанда қазақша күрестің өзіндік ерекшеліктері көп. Кеңес дәуіріне дейін қазақша күрес негізінен әдет-ғұрыпқа байланысты және еңбек процестерінде жеткен жетістіктерін дәріптейтін жиын-тойларда өткізілді. Бұрын қазақша күрес «Күш атасын танымайды» деген түсінікпен салмағына, дәрежесіне, жасына қарамай өткізіле берген. Тіпті, ағасы мен інісі күресіп қалатын кезі де болған. Сондай-ақ, күрестің белгілі бір жүйеге түскен белдесу ережесі де болмаған. Күреске түскендер үлкен-кішілігіне қарамай, қайсысы күшті болса, сол жеңіске жеткен. Жиын-тойларда ғана күш сынасып қоймай, кім жеңеді деп егеске түскен екі балуан кездескен жерде ат үстінен түсе қалып, белдесе кететін болған. Ел ішінде атақтары жайылған Қажымұқан, Балуан Шолақ, Битабар т.б. осындай алып балуандар болды. Қазақтың майталманы, қазақтың балуаны, қазақша күрестің чемпионы Қажымұқан Мұңайтпасов сияқты атақты күресші боламын деп жүрген ұрпақтар да аз емес. Соның бірі Көкшетау қаласы №15 жалпы білім беретін негізгі мектебінің 4 «Ә» сынып оқушысы Бостандық Бақдаулет Кеңесұлы.

Бақдаулет 8 жасынан қазақша күрес секциясына қатысып жүр. 2 жылдың ішінде Бақдаулет көп жетістіктерге жетті. Сонымен қатар қатысып қоймай, жүрделі орындарға ие болды.

Атап айтсақ, 2017 жылы Бұланды ауданы Макинка селосында «Наурыз мейрамы» мерекесіне ұйымдастырылған күресте 2-ші орын иеленді.

2017 жылы Көкшетау қаласында өткізілген салмағы 29 кг-ға дейінгі жасөспірімдер біріншілігінде І-орынға ие болды.

2018 жылы Көкшетау қаласында өтілген салмағы 30 кг-ға дейінгі жасөспірімдер біріншілігінде ІІ-орын иеленді.

2018 жылдың наурыз айының 2-4 күндері аралығында өткен салмағы 28 кг-ға дейінгі жасөспірімдер арасындағы еркін күрестен облыстық ашық турнирінен ІІІ-орынға ие болды.