Жоғалып бара жатқан мамандықтар сыныптан тыс жұмыс 11 сынып

9-10 сыныптар арасында «Жоғалып бара жатқан мамандықтар» тақырыбында сыныптан тыс кәсіби бағдар беру сабағы

Мақсат: Оқушыларға мамандық таңдауда олардың негізгі түрлері, классификасиясы белгілері, мамандық тобы, таңдау әдістері туралы білімдерін, түсініктерін кеңейте отырып, мамандықтарға деген ынта – ықыласын, қызығушылықтарын арттыру.

Міндеттері:

- кәсіптік мамандық таңдаудың негізгі типтері мен факторлары туалы түсінік беру,

- кәсіптік мамандықтарға деген ынта – ықыласын, қызығушылықтарын анықтау

- кәсіптік бағдар беру.

Көрнекілік: интерактивтік тақта, әдістеменің жауап парақтары, жағымды әуен, карточкалар

Оқушыларды «Арман», «Мақсат», «Жетістік», «Табыс» сөздері арқылы топқа бөлу.

Сабақтың алтын ережесімен таныстыру:

1) Көтеріңкі көніл –күй.

2) Достық-қарым-қатынас.

3) Ұжымда бірлесіп жұмыс жасау.

4) Шығармашылық шабыт.

5) Бір-біріміздің пікірімізді тындау.

6) Берілген уақытқа бағыну.

1. Кіріспе сөз: Мамандық таңдау жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандық арасынан өзіне лайықты біреуін таңдау міндеті тұрады. Мамандықтың жаманы жоқ, бірақ мұның кез – келгеніне икемділік қажет, бұл жай күнелту, тамақ асыраудың жолы ғана емес, үлкен өнерді, зор шеберлікті қажет ететін нәрсе. Кейбір жастар мамандық таңдау ережесін білмегендіктен өзі қызықпайтын мамандықты таңдайды. Осыдан өз мамандығына қанағаттанбаушылық, реніш сезімдері болып, тіпті алдарына жоспар да құрғысы келмейді. Әрбір адам өзін – өзі дамыта алу үшін білім алып, сол біліміне сай мамандыққа машықтану керек.

Біздің мақсатымыз – оқушылардың кәсіптік қалыптасуымен байланысты өмір туралы, әлеуметтік құндылықтар туралы танымдылығын жетілдіре отырып, психологиялық – педагогикалық көмек көрсету.

Құрметті қонақтар, ұстаздар, оқушылар. Бүгінгі «Жоғалып бара жатқан мамандықтар» атты сабағымызға қош келдіңіздер!

Осы тақырып аясында өз ақыл-кеңесімен, тың пікірлерін ортаға салуға келген қонақтарымызбен таныс болыңыздар.

1.Мектебіміздің директоры Табаракова Балжан Зейнетоллақызы

2.Мектебіміздің медбикесі

3.Мектебіміздің есепші маманы

4.Мектебіміздің тех қызметкері

«Ойлан және жауап бер»

Қалай ойлайсындар, кәсіптік мамандық таңдағанда не бөгет болып табылады?

Әр адам өзіне мамандық таңдағанда ыңғайлы жағдайына, оның қоғамда қаншалықты қажет екеніне көңіл аударады. Балалар, сендердің ойларынша кәсіптік мамандық таңдағанда не маңызды болып табылады?

Біз сендермен кәсіптік мамандық таңдағанда ең маңызды болып табылатын шарттарды таңдап көрейік.

1. Ақша: мамандық материалдық жағынан жақсы болу керек.

2. Өзін таңдаған мамандықты жақсы көру.

3. Абырой: аула тазалаушы болғаннан гөрі хирург болған жақсы.

4. Диплом: алдымен диплом алсам болды, профессия артынан табылады.

Осы көз қарастарды ұстанған оқушылар, таңдаған көзқарастары бойынша топтарға бөлініп отырып, өз таңдауларын қорғау қажет.

Сіздерге жоғалып бара жатқан мамандықтарды айтпас бұрын жоғалып кеткен мамандықтарға тоқталып өтейін (слайдтан көрсету)

Енді бүгінгі тақырыбымызға оралсақ жоғалып бара жатқан мамандыққа мына үстелдегі заттарға қарап сендер қандай мамандықты айтар едіңіздер?

Үстел үстінде зергерлік бұйымдар мен темір ұстасының құрал саймандары жатыр.

Оқушылар өз ойларын ортаға салады.

Мұғалім сөзі: әрине бұл біздің сіздерге жеткізбек болған ең көне десем қателеспейміз, ұсталық, зергерлік және ағаш шебері мамандықтары

Ал бұл мамандықтардың тарихы сонау мыңжылдықтар қойнауынан бастау алатынын білесіңдер деген ойдамын. Осы орай елбасымыздың «Ұлы даланың жеті қыры» мақаласын арқау етпекпін. Алайда сіздер білесіздер шүкір тарихымыз бүтін мақтанарлықтай еңбектер де аз емес. Елбасымыздың мақаласын айтудағы себебім оның бүгінгі таңда маңызды деп көрсеткен деректерін сіздерге жеткізіп, әрі бүгінгі тақырыпты аша түсу.

АТҚА МІНУ МӘДЕНИЕТІ

Еліміздің солтүстік өңіріндегі энеолит дәуіріне тиесілі «Ботай» қонысында жүргізілген қазба жұмыстары жылқының тұңғыш рет қазіргі Қазақстан аумағында қолға үйретілгенін дәлелдеді.

ҰЛЫ ДАЛАДАҒЫ ЕЖЕЛГІ МЕТАЛЛУРГИЯ

АҢ СТИЛІ

АЛТЫН АДАМ

ДАЛА ФОЛЬКЛОРЫ МЕН МУЗЫКАСЫНЫҢ МЫҢ ЖЫЛЫ

ТАРИХТЫҢ КИНО ӨНЕРІ МЕН ТЕЛЕВИЗИЯДАҒЫ КӨРІНІСІ

Ал, балалар тағы да ойланайықшы тағы қандай мамандықтар жоғалып бара жатыр.

Бүркітші (құсбегі) мамандығы дұрыс айтасыздар. Кейбіреулерің бұл мамандық емес кәсіп қой деулеріңіз мүмкін. Бірақ бұл да бір кездері мықты шеберлікті талап ететін мамандық түрі болған. Айшолпан Нұрғайыпқызы

Жаттығу «Жаңа мамандықтар»

Оқушылар сол бөлінген топтарында отыра береді. Жүргізуші жаңа мамандықтар атауы жазылған 2 карточканы таңдап алуды ұсынады. Ол карточкада ол мамандықтар туралы түсініктеме берілмеген. Оқушылардың негізгі мақсаты алған мамандық атауына өмірлік тәжірибелеріне және де сол манадықтың атауына мән бере отырып сипаттама беріп көру. Әр бір мамандықтың атауына оқушылар өз түсініктемелерін бергенен кейін, нақты жауабын жүргізіші слайд арқылы сол мамандық туралы толық түсініктеме, сипаттамасын береді.

• Ассистент (англ. - assistant) – белгілі бір фирма басшысының барлық қызметтеріне жекелей көмегін көрсетіп, ұйымдастырып отыратын қызметкер.

• Дистрибьютор (англ. – distribute - распределять) – белгілі бір фирманың өнімдерін тікелей сату мен оларды насихаттау жұмысымен айналысатын қызметкер. Сол фирманың келісім шарты бойынша жұмыс атқарады.

• Координатор – белгілі бір жұмыс орынында басқада фирмалармен өз ара жұмыс барысын жүйелі жүргізіп отыруға тапсырыстардың орындалуын қадағалап отыратын маман. Және де кіріс шығысты есебін жасаушы.

• Логистик – от “логистика” – кеден транспорттарының мендежері. Яғни жүк тасмалдау жұмыстарын ұйымдастырушы, жүк тасмалдаушылармен және жүк жіберуші арасындағы жүк қабылдауларды бақылайды.

• Копирайтер – Белгілі бір фирманың тапсырмасы бойынша жарнама шығарушы адам. Ол жарнама аясында жарнамалық мәтіндер, пресс – релиздер т.б. жасайды. Бұндай қызметтегі адамдарға жоғары шығармашылық қабілет және ойлау мен тілдерді жетік меңгерулері қажет.

• Мерчандайзер – жекелей тауарлардың сатылуына тікелей жауап беретін маман. Сол өнімдердің бағаларымен жарнамалануына сонымен қоса дүкендердің сөресінде тауарлардың орналастырылуын бақылаушы.

• Супервайзер (англ.- supervisor – бақылаушы және қадағалаушы) – өнімдердің таралу бағыттарын беруші және де сол өнімдердің сатылуын бақылап, қадағалап отыратын маман.

Медиатор (сотқа дейінгі арақатынасты шешуші.) – белгілі бір мәселеге байланысты түсінбеушіліктер туындаған жағдайда сотқа дейін бұл келіспеушіліктің себеп салдарын анықтап беретін маман.

Мұғалім сөзі: Мамандық таңдау – адамның жас шағында қабылдайтын ең маңызды шешімдердің бірі. Қуанышы да, ауырпалығы да мол үлкен өмірге енді аяқ басқалы тұрған жас жеткіншектің алдында көптеген мамандықтың, оқу орнының ішінен өзіңе лайықты біреуін таңдау міндеті тұрады.

Елбасымыз Н.Ә.Назарбаев «Қазақстан өздерің сияқты жас мемлекет, сондықтан біздің болашағымыз да жастар» - деп тегіннен-тегін айтқан жоқ.

Елбасының жастарға қояр талабы – білікті, кәсіби маман болу.