Жоғары атақ иесі адам тәрбие сағаты 2 сынып

Тақырыбы: «Жоғары атақ иесі – адам»

Тәрбие сағатының мақсаты: Оқушыларға адамдық асыл қасиеттерді қастерлеп, өмір заңдылықтарын білуге үйрету. Адамгершілік қасиеттерге бағыттай отырып, оқушының рухани білімін байыту, логикалық ойын дамыту, ойын еркін, дәлелді түрде жеткізе білуге жетелеу

Көрнекілігі: стикер, түрлі-түсті маркер, ақ парақтар.

Сабаќтың түрі: дәстүрлі

Пәнаралық байланыс: әдебиет, қазақ тілі, өзін-өзі тану.

Барысы:

І Кіріспе бөлім. «Жылулық шеңбері» тренинг

ІІ Негізгі бөлім.

Аукцион (маќал-мәтелдер айтысы).

Топтастыру (жағымды және жағымсыз қасиеттерді жазады)

«Ќұпия хаттарға» жауап.

«Сиқырлы дүкен»

«Есімде қалған жақсылығым...»

ІІІ Ќорытындылау.

Тәрбие сағатын қорытындылау.

Ұйымдастыру бөлімі:

«Жылулық шеңбері» тренинг

- Балалар, сәлеметсіңдерме! Көңіл - күйлеріміз қалай? Қазір барлығымыз өз есімімізді айтып, сол әріптен басталатын өз бойымыздағы бір қасиетті, көршіміздің өзімізге ұнайтын бір қасиетін айтамыз.

Мұғалім:

-Балалар, сендер көлікке мініп жол жүргенде терезеден айналаға, жолға назар аударасыңдар ма? Тез-тез ағылып өтіп, ұзын жолдар артта қалып жатады. Бұған нені ұқсатуға болады?

- Әрине, адамның өмірі. Ал, адам сол өмірін қалай өткізу керек деп ойлайсыңдар?

Адам қоғамда, адамдар арасында өмір сүреді. Басқалар сенімен қарым-қатынас жасауы үшін олар сенің бар қасиетіңді танып білуі тиіс. Сыртқы келбетің мен жүріс-тұрысың, адамдармен ұдайы сәлемдесіп, кішіпейілдік, қайырымдылық көрсетуің -сенің адамгершілігің мен әдептілігіңді көрсетеді.

- Балалар, қазір, Аукцион өткізіп көрсек қайтеді. Кім адамдық қасиеттер туралы мақал-мәтелді көп біледі екен? («Аукцион» деп аталатын бұл бөлімінде оқушылар назарына «СӘТТІЛІК» ұсынылады. Екі топ адамның ізгі қасиеттері туралы мақал-мәтелдер айту арқылы «СӘТТІЛІКТІ» ұтып алуы тиіс.)

(Оқушылар мақал-мәтел айтып жарысады)

ІІ. Балалар, мен сендерге түрлі түсті қалам мен ақ парақтар таратып беремін. Сендер:

І топ. Адам бойындағы жағымды қасиеттерді;

ІІ топ. Адам бойындағы жағымсыз қасиеттерді жазыңдар.

Адамдық асыл қасиеттерге : әдептілік, имандылық, мейірімділік, қайырымдылық, ізеттілік, әділдік, өзара көмек, достық, үлкенді сыйлау, кісілік жатады.

ІІІ. Балалар «Аулақ жүріп жаман қылық әдеттен. Үйреніңіз жақсы мінез әдеппен»,- демекші, біздерге өзге мектептегі достарымыздан құпия хаттар келіпті. Сол «Ќұпия хаттарға» жауап беріп, достарымызға кеңес беріп көрейік.