Жол тәртібін жадыңда ұста ашық оқу қызметі

Тақырыбы: «Жол тәртібін жадыңда ұста»

Мақсаты: Көшеде жүру ережелері туралы түсініктерін оятып,білімдерін кеңейту.Машина түрлері,негізгі жол,жиек жол, жөнінде білім беру.Өзара сыпайы болуға, ізеттілікке,адамгершілікке тәрбиелеу.

Көрнекі құралдар: Жол қиылысының макеті,машина түрлері,бағдаршам.

Бұл кеңесіміз жолда жүру ережелерін білу өз өмірлеріңіз үшін, балаларыңыздың қауіпсіздігі үшін қажеттілігін түсіндіру,көліктің адам өмірінде алатын орнын білдіру мақсатын көздейді.Бөбек жасындағы балаларды жіті бақылау қажет.Тұрмыстық жарақаттар:(терезеден,баспалдақтан,төбеден,балконнан құлау)улану ,жануарлар мен жәндіктердің тістеп және шағып алуынан болатын жарақаттар,бұзылған электр тоғымен зақымдалу және т.б. өамтиды.Көлік жарақатына алуан түрлі көліктердің әсерінен болған жарақаттар жатады.Олардың негізгі себептері ата-аналар тарапынан қараудың жеткіліксіздігі,жолдың жүру бөлігінде ойнау,балалардың тәртіпті сақтамауы болып табылады.

Хор: Шуақ шаша

Алтын таңда.

Мөлдір таза ауада,

Табиғатта бәрі оянды

Оян сенде бар бала.

Тәрбиеші: Біз көшеде жүру ережелерін білеміз ғой.Олай болса көшеге шықпас бұрын өзіміз жол ережелерін қайталап алайық.Мына суретте не көріп тұрсыңдар.Жолда жүріп бара жатқан көлік түрлері және жиек жолдан өтейін деп тұрған анасы мен баласы.Ал мына көліктер тұрған жол қалай аталады?

Балалар: -Негізгі жол деп аталады.

Тәрбиеші: -Мына жол қалай аталады?

Балалар:-Жиек жол

Тәрбиеші: -Анасы мен қызы қандай жолмен өтейін деп тұр?

Балалар:-Жиек жол

Тәрбиеші: Мынау не?(Бағдаршамды көрсету)

Балалар: Бағдаршам.

Жұмбақ

Көзін ашып жұмады

Бағыт сілтеп тұрады.

Ол не?

Балалар: Бағдаршам.

Тәрбиеші: -Бағдаршамның неше көзі бар?

Балалар:- Үш көзі бар.

Тәрбиеші:-Олардың түстері қандай?

Балалар:-Қызыл,сары,жасыл.

Тәрбиеші: -Қызыл көзі жанғанда не істейміз?

Балалар:-Тоқтап тұрамыз.

Тәрбиеші:-Сары көзі жанғанда не істейміз?

Балалар: -Дайындаламыз

Тәрбиеші:-Жасыл көзі жанғанда не істейміз?

Балалар:-Жүреміз.

Тәрбиеші: -Балалар осы бағдаршамның көздері қандай геометриялық пішінге ұқсайды?

Балалар: -Дөңгелек

Тәрбиеші: -Балалар осы бағдаршамның көзінің түстеріне арнап өлеңімізді айтып берейік.

1-бала: Үш түсі бар,

Жөн сілтер тілі бар

Бағдаршам дегенің,

Сырын жақсы біліп ал.

2-бала: Қызыл көз жанарда

Тоқтай қал әманда

3-бала: Сары түс ескерту

Дайын бол табанда

4-бала: Жасыл көз жарасты

Алдыңнан жол ашты.

Балалар енді осы бағдаршаммен ойын ойнайық

Ойын: «Қызыл,сары,жасыл»

Жасыл көзі жанғанда орнымыздан жүреміз

Сары көзі жанғанда қол шапалақтаймыз