Жолда жүру ережесі туралы балабақша конспектісі

Тақырыбы: Жолда жүру ережесі.

Білім беру саласы: «Денсаулық»

Ұ.О.Қ: Қауіпсіз мінез-құлық

Мақсаты: : Жолда жүру ережесіне мағлұмат беру.Балалардың жолда жүруінің тәртіп ережелерін қалыптастыру. Алған білімдерін іс жүзінде қолдануға қызығушылығын тудыру. Жол белгілерін ескерту, білуге үйрету. Байқампаздыққа , зейінділікке тәрбиелеу.

Дидактикалық құралдар: суреттер.

Іс-әрекет кезені

Тәрбиешінің іс-әрекеті

Баланың іс-әрекеті

І кезең мотивациялық-қозғаушы

Балаларды шеңберге жинап «Валелогия» картасына

қарап, келген аялдама атын хабарлай отырып жұмбақ жасырады.

Сары көзін ашқанда,

Қарап қолма аспанға

Жасыл көзін ашқанда

Өте бергін жасқанба

Ол не? (Бағдаршам).

Ұл – қыздар қарсы тұрып бір – бірінің аман – саулығын сұрап, бүгін қандай сұлусын! – деп көңілін көтереді. «Валеология» картасына қарап аялдамаға назар аударады.

Жұмбақ шешеді.

ІІ кезең проблемалық ізденушілік

Бағдаршам қайда тұрады? (көшеде). Көлікпен немесе адам жаяу келе жатқанда өз - өзіне жауапты. Жол үстінде, көшеде жүргенде сақтану керек. Сол туралы бүгін сабақта айтылады.

Сергіту сәті.

Сурет бойынша көшедегі көлік түрлері көп екенін және олар бір-біріне келе жатқан адамға кедергі жасамайтынын түсіндіреді.

Балалар, көшенің екінші бетіне өтудің өзіне не көмектеседі?

-Дұрыс, бағдаршам,

Ал, егерде бағдаршам өшіп қалса не болады?

-Бұл жағдайда тәртіп реттеуші жолға шығады.

Көше және жол заңы деп «Жолда жүру ережесін» айтады.

Ойын: «Бағдаршам»

Әліппе дәптерімен жұмыс.

1.Есіңе сақта

Көшеден өткенде арнайы жерден, жасыл жаңғанда өт немесе реттеушінің белгісін күт.

2.Жол қиылысында аса абай бол.

3.Көшеден тек жаяулар өтпелері бойынша өт.

4.Көшелер мен жолдарда шанамен сырғанап ойнама.

Сурет бойыша сұрақ-жауап арқылы әңгімелеседі.

«Есіңе сақта» - жолдарын тыңдап қайталайды.

Ойынға әсерлі қатынасып «Жол белгілері» туралы білім алды

ІІІ Рефлексивтік-түзетуші.

Қорытындылау:

1.Бағдаршамға қарауды ұмытпа.

2.Жолдан өтер кезде – алдымен сол жағыңа, содан кейін оң жаққа қарап арнайы жаяу жүру жолымен өт.

3.Көшеде бейтаныс адамдар мен сөйлеспе және ілесіп кетпе.

Мұқият тыңдаған, зейінді болған, ойынға қатысқан баланы мадақтайды.

Күтілетін нәтиже:

Ұғынады: Жолда жүру ережелерін білу. Жол белгілерінен пайдалану үйрену.

Түсінеді: ойын арқылы есте сақтау.

Қолданады: Жұмбақтар, суреттер, музыка ,ойын.