Жолда жүру ережесін үйретуге арналған тәрбие сағаты

БҚО Бөрлі ауданы, Ақсай қаласы

№7 «Айналайын» бөбекжайы

ІІ санатты тәрбиеші

Аймагамбетова Айнаш Кайржановна

Тақырыбы: «Жолда жүру ережесін үйретеміз»

Мақсаты: Ойлау қабілетін дамыту. Жолда жүру ережелері туралы білімдерін кеңейту. Бағдаршамның атқаратын қызметі жөнінде бекіту. Бастаған істі аяғына дейін тыңғылықты жеткізуге тәрбиелеу. Тілдерін дамыту. Саусақтың ұсақ бөлшектерінің қозғалысын жетілдіру.

Көрнекілігі: Жол ережелері туралы суреттер, ақ қағаз, түрлі - түсті балауыз қарындаштар, майшам.,

Билингвалды компонент: Бағдаршам – светофор, қызыл-красный, сары-жельтый, жасыл-зеленный, жол ережесі-провила дорожного двежения

Іс – әрекет кезеңдері

Тәрбиешінің іс - әрекеті

Балалардың іс – әрекеті

Мотивациялық – қозғаушылық

Барысы:

-Кәне, балалар, кілемге жайғасып отырып, оны-мұны айтып, әңгіме – дүкен құрайық. (Майшамды жағып, жайғасып отыру.)

Оны – мұны дегеніміз не?

-Ол –барлығы жөнінде әңгімелесу деген сөз. Мысалы, түс дегеніміз не, сендер ұйықтағанда түс көресіңдер ме? Егер құпия болмаса, не туралы?

-Білесіңдер ме, балалар, мен бүгін ұйықтағанда сондай ғажап, сиқырлы түс көрдім! Көрген түсім мультфильмге ұқсайды, егер қарсы болмасаңдар, мен сендерге түсімде не көргенімді айтып берейін. Әрбір мультфильмнің аты болады, солай емес пе, сол сияқты мен де өзімнің көрген түсіме «Бағдаршам неге көңілсіз?» деген ат қойдым.

-Бағдаршам деген не?

-Бүгінгі мен сендерге әңгімелегелі отырған бағдаршам жай емес, сиқырлы бағдаршам. Білесіңдер ме, балалар, егер бағдаршам қызметіне бағынбасақ, ол да өкпелейді. Менің ғажайып түсім ертегіге ұқсайды. Өйткені оның кейіпкерлері кәдімгі орман иелері.

-Балалар, кілемге жайғасып отырып, оны-мұны айтып, әңгіме – дүкен құрады.

Майшамды жағып, жайғасып отырады.

-Балалар тәрбиешінің әңгімесін тыңдайды.

-Бағдаршам – көше тәртібін сақтайтын құрал.

-Балалар жол ережесі бейнеленген макетке жақын келіп тұрады және ондағы орман иелерін атайды.

Ұйымдастырушы – ізденушілік

-Бір күні бағдаршам қатты өкпеледі. Қалайша өкпелемеске, егер бағдаршамның қызметіне тәжірибелі жүргізуші Ақыл атты аюдың өзі көңіл аудармаса, Ол: «Бағдаршамсыз-ақ өмір сүргенбіз, әрі қарай да солай өмір сүре аламыз», - деп күңкілдеді. Ал жас көжектер, борсықтар, түлкішектер, бөлтіріктер сияқты ордан - орға секіріп жүрген желөкпелер туралы айтуға да тұрмайды. Олар бағдаршамды көздеріне де ілмейді, тіпті ол мүлдем жоқтай сыңай танытады.

-Бағдаршамның бізге керегі не, қажет емес, -деп шуылдасатын аңдар.

-Сары жанса, сабыр сақтап

Тоқтай тұр.

Жасыл жанса, жолың ашық-алға жүр.

Жанса қызыл шоқтай,

Қал кілт тоқтай, - деген бағдаршамның сөзіне ешқайсысы да құлақ аспайды.

-Жақын маңда өтіп жатқан көлік жоқ, қызыл жарық жанды екен деп, бағанаға ұқсап тұра берер жайым жоқ, - деп айқайлады тиін бағдаршамға.

-Ей, қандай тәрбиесіз едің? – деп ауыр күрсінді бағдаршам.

-Мм, мен бе тәрбиесіз, мен соншалықты не істедім? – деп бағдаршамның өзіне дүрсе қоя берді.

- Қалайша түк те емес? – деді таң-тамаша болған бағдаршам. – Сен менің бар-жоғыма мән де бермейсің, тіпті көңіл аудармайсың. Мен бұл жерде қажет болған соң тұрмын.

- Өз басым, сені мүлдем қажетсініп тұрғаным жоқ,-деп, менменси жауап берді тиін. Сөйтті де, сүйікті әуеніне салып, жолдан өте шықты. Тек көпті көрген, дана тасбақа Көреген ғана орман ішінде бағдаршамның болғанына дән риза еді.

-Егер бәріміз жолда жүру ережесін сақтайтын болсақ, онда жолда тәртіп орнар еді. Әйтпесе, бұл не сұмдық, жарты жолға жетіп үлгермейсің, асыққан көлік жүргізушілері тіпті соғып кете жаздайды. Кейде «тырбаңдамай, бассаңшы аяғыңды» деген дөрекі айқай сөздерін тыңдауға да тура келеді,-деді қынжылған тасбақа.

-Көреген тасбақа, сен ренжіме, расында да жолдан өткенде аяғыңды жылдамырақ басқаның дұрыс болар еді, - деп ақыл қосқан болды қасқыр.

-Бағдаршам жасыл белгі беріп тұрса, неге мен асығуым керек? Мен жол ережесіне бағынамын. Сондықтан сен де жолда жүру ережесін бұзба!-деп тасбақа қызбалана жауап берді. Бірақ, Көреген атты тасбақа мен бағдаршамның сөзіне ешкім де құлақ аспады. Бұл дау көпке созылар ма еді, кім білсін, егер бағдаршам өкпелеп қалмағанда. Жаздың жаймашуақ күндерінің бірінде көжектер бағдаршамның сөніп тұрғанын байқап қалды.

-Бағдаршам сырқаттанып қалған ба? – деп абыржыды көжектер.

-Бағдаршам, жағдайың қалай? – деп айқайлаған көжектерге, бағдаршам өтіп жатқан көліктердің шуылынан естімеді ме, әлде басқа себебі болды ма, жауап бермеді. Бұған аң-таң болған көжектер жолды жылдам кесіп өтіп, бағдаршаммен көзбе-көз сөйлеспекші болды. Сонда не болды десеңші! Бірінен соң…