Жомарт күз атты ертеңгілікке арналған мерекелік сценарий

«Жомарт күз» атты мерекелік ертеңгілік

Залдың іші мерекеге сай әсем безендірілген. Балалар екі-екіден қол ұстасып музыка әуенімен залға кіріп, орындарына отырады.

Жүргізуші:

Армысыздар, халайық,

Бармысыздар халайық!

Күзгі тойды жұп жазбай,

Келіңдер қарсы алайық!

Тәрбиеші: Балалар айтыңдаршы, қазір жылдың қай мезгілі?

Балалар: Күз мезгілі.

Тәрбиеші: Күз мезгілінде қандай ерекшеліктер болады, ауа райында қандай өзгерістер болады?

Балалар: Күн суытады, құстар жылы жаққа ұшып кетеді, жаңбыр жауады, жел соғады, жемістер мен көкеністер піседі, ағаштардың жапырақтары сарғайып, жерге түседі.

Тәрбиеші: Ал, бүгін бізде қандай мереке?

Балалар: Алтын күз мерекесі!

Тәрбиеші:

Көктемде егін егетін,

Күзде жинап беретін.

Біздің дала бай дала,

Алтын астық айнала.

Ел егінді жинайды,

Қырманға дән сыймайды.

Біздің дала бай дала,

Алтын астық айнала!

Ән: «Балауса» тобының орындауында.

Тәрбиеші: Балалар бізге Алтын күз ханшайымы қонаққа келе жатыр екен.

Музыка әуенімен залға айнала билеп, жапырақтарын шашып «Күз ханшайымы» кіреді.

Тәрбиеші:

Қарсы алайық бәріміз,

Жасымыз бен кәріміз.

Қырдан кепті қыдырып,

Алтын күзге нұр төгіп.

Тілегім аман болсын ел іргесі,

Алтын күз қайта келді берекесі.

Молшылықтың жаршысы бола білді.

Алтын күз ырыс, береке, бірлік ала келді!

Күз ханшайымы: Амансыңдар ма балалар, есенсіздерме қонақтар. Мен осы жерде үлкен мереке болып жатыр дегенді естіп келдім және сендерге сыйлықтар ала келдім. Сендермен бірге ойын ойнасақ қалай қарайсыңдар?

Музыкалық ойын: «Жапырақтар ұшады»

Көңілді әуен орындалады. Балалар мен Алтын күз ханшайымы шеңберге тұрып келесі сөздерді айтады.

Көшеде біз жүреміз

Түсті жапырақ тереміз.

Би билейік, жапырақ,

Әсем әнге салып ап!

Жапырақтарды төбеге көтеріп билейді, шеңбер жасап жүреді.

Түрлі түсті жапырақты,

Төбемізге көтеріп.

Би билейміз тағы тағы,

Айналамыз жүгіріп.

Орында тұрып жапырақты ақырын жерге қойды.

Би билейді жапырақтар,

Бізбен бірге ортада.

Айналады жел соққанда.

Жерге қонып жатады.

Тәрбиеші: Күз ханшайымы, мына жақта біздің көкөністеріміз ең дәмді көкөніс қайсысы екенін білмей дауласып жатыр, сіз төрелігін айтыңызшы.

Көкөністер:

Абзал: «Бұршақ»

Кішкене түймедеймін мен,

Ұнаймын мен бәріне.

Дәмді тағамдарыммен,

Сый жасаймын бәріне

Алуа: «Қызылша»

Мен де бір сөз айтайын,

Мақтанайын сіздерге.

Менсіз борщ болмайды.

Әлия: «Қырыққабат»

Мақтанғаннан не пайда,

Менсіз дәмді щи қайда?

Мені қосса самсаға,

Бәрі жейді тамсана!

Әлішер: «Қияр»

Дәмім тілді үйірген

Мен тұздалған күйімде.

Жаңа піскен кезімде

Жейді бәрі сүйсіне!

Алуа.М: «Шалқан»

Кім білмейді шалқанды,

Талайлар маған таң қалды.

Бәріне сый боламын,