Жұлдызай концерті музыка пәніне арналған материал

Тақырыбы: Балалар шығармашылығының «Жұлдызай» мектепішілік фестивалі

Фестивальдің мақсаты: Оқушыларға жақсы тәрбие берумен қатар, бір – біріне деген қарым – қатынастарын нығайтып , шығармашылықтарын шыңдай түсу.

Қатысушылар: Мектеп оқушылары , сынып жетекшілер, мектеп басшылары, ата –аналар.

Фанфар.

1-жүргізуші:

Армысыздар қымбатты ата - аналар, ұлағатты ұстаздар, оқушылар! «Жұлдызай» фестиваліне қош келдіңіздер!

2-жүргізуші: Өнер таусылмас азық, Сарқылмас байлық. Жас өнерпаздар өнерлеріңіз өрге жүзсін! Мектепішілік «Жұлдызай» фестивалін бастауға рұқсат етіңіздер!Экранға назар аударайық!

1-жүргізуші: Бүгінгі кешіміздің қадірменді қонақтары:

Мектеп директоры Нығметов Берік Задагерейұлы

2-жүргізуші:

Мектеп директорының оқу -тәрбие ісі жөніндегі орынбасары:

Сыхов Марат Төлеуұлы

1-жүргізуші:

3.Мектеп директорының тәрбие ісі жөніндегі орынбасары: Ғабдығалиев Берік Сабырғалиұлы

2-жүргізуші:

4. Мектеп директорының бастауыш сыныптар ісі жөніндегі орынбасары: Жунусова Гүлзада Тыныштыбайқызы

1-жүргізуші:

Бүгінгі фестивальіміздің алғашқы құттықтау сөзі мектеп директоры Нығыметов Берік Задагерейұлына беріледі.

2-жүргізуші: Ән шашып, әсем билейтін оқушылардың өнерін тамашалайық!

Бұл фестиваль балалар үшін мерекеге тең. «Мереке» әнімен 10 сынып оқушысы Алшинова Аружанды қарсы алайық.

1-жүргізуші:

Биі сондай әдемі,

Нәзік сазды әуенмен.

Мың бұралып билейтін

Лаураны қарсы алайық!

4 сынып оқушысы Лаура

2-жүргізуші:

«Өмір» деген алланың баға жетпес сыйы бұл,

Қадірін ұғып, қажеттісін бойыңа жиып түсіне біл.

1-жүргізуші:

Әділхан сен неге өмір жайлы сөз қозғап жатсың?

2-жүргізуші: Себебі ортада 4 а сынып оқушысы Жора Арман «Өмірмен тілдесу» деген өлеңін айтады.

1-жүргізуші:

Жақсы биде өнеге,

Биде биле бұрала – алдарыңызда әдемі үнді биімен 2 ә сынып оқушысы Аралбекова Сәулет.

1-жүргізуші Көңілім тағы жырлашы,

Сұңқардай көкке самғашы.

Әсем әнім шырқалса,

Туған жердің арқасы –деп келесі әншімізді ортаға шақырайық.

1-жүргізуші: Балалар шығармашылығының «Жұлдызай» аудандық фестивалінің екі дүркін жеңімпазы, облыстық кезеңнің дипломанты 8 сынып оқушысы Оралбаев Әділханды «Байтақ елім» әнімен қарсы алайық.

1-жүргізуші:

Сахнада Есенбекова Жұлдызды өзбек биімен қарсы алыңыздар!

1-жүргізуші:

Қадірменді өнер сүйер қауым!Қазіргі орындалатын әннің бірнеше шумағын оқимын,сіздерден сол әннің атын табуларыңызды сұраймын!

Ана - аяулым өзіңмен мақтанамын,

Ана - мен сені Меккеге апарамын.

Ана - баланың қолдағың бақ талабын, бұлағымсың...

2-жүргізуші:Дұрыс таптыңыздар Әбдіжаппар Әлқожаның әні «Ана-әке»

Орындайтындар 4 сынып оқушылары: Бексұлтан, Әділет, Сұлтан

1-жүргізуші. Болашақта Шара Жиенқұловадай биші болғысы келетін өнерпазымызды ортаға шақырайық, 3 а сынып оқушысы Кувашева Мадина.

2-жүргізуші:Мира біздің ортамызда спортшы балаларда бар.

1-жүргізуші. Иә-иә Әділхан!Шынықсаң шымыр боларсың,

Сауығып айдай толасың.

Спортты серік ете біл,

Жақсы азамат боласың - дегендей,

Ортада 5 ә сынып оқушысы Темірғалиев Жасұлан мен 6 а сынып оқушысы Өтепов Бекзат күрестен өз өнерлерін көрсетеді.

2-жүргізуші:

Өнер қуған жасынан,

Өнері судай тасыған.

Келесі біздің бишілер

Көрінген көштің басынан.

Алдарыңызда 5 б сынып оқушылары Нұрдана мен Гүлнәз