Журналистика мамандығының қоғамдағы орны туралы эссе 10 сынып

Журналистика мамандығынының қоғамдағы орны

Ұлт ұстазы Ахмет Байтұрсынұлы: «Газет–халықтың көзі, құлағы һәм тілі» деген. Журналистика – қиындығы мен қызығы қатар жүретін, көп ізденісті талап ететін сала. Бұл өткен дәуірде, қазіргі кезде, келешекте де өз құндылығын жоғалтпайтын мамандық. Олай дейтініміз, алыс-жақыннан ақпарат алмай томаға тұйық өмір сүру мүмкін емес. Сондықтан журналистика мамандығы үнемі ізденісте болуды, жаңарып, жасарып отыруды қажет етеді. Журналистика дегеніміз - баспасөздерде жылт еткен жаңалықтарды жазумен шектелмейді. Өткен ғасырларда халық тек қана газет, радио, толық кемелденбеген телеарналар арқылы ғана өз қажетін қанағаттандырып отырды. Қазіргі жаһандану дәуірінде, ғарыштап дамыған өркениетті, ғаламтор желісімен, космостық тың жүйелер арқылы таратылатын, көрсетілетін ақпараттар, озық технологиялар арқылы барлық адамдар үшін қызмет ете бастады. Ол біз көріп, біліп, қолданысқа енгізіп отырған интернет саласы. Келешекте бұдан да озық, тың жобалардың біздерді күтіп тұрғаны сөзсіз. Жалпы журналистика саласы көп біліммен қатар жаңа ақпараттық технологияларды толық меңгеруді бізден талап етеді.

Демек, журналистер ел ішінде және әлемде болып жатқан жағымды-жағымсыз оқиғаларды баяндап, халықты құлағдар етіп отырады. Жақсыдан үйренуге, жаманнан жиреніп, бойды аулақ ұстауға ой салады. Жаһандану дәуірінде интернет-журналистика ақпарат алмасудың күшті құралына айналды. Жетістігімен қоса, қиыншылық жағы да жетіп-артылады. Интернет-журналистиканың пайдалы да, зиянды тұстарын тиімді қолданған абзал. Қазіргі жастарымыздың санасын интернет жаулап алып, оларды көзге көрінбейтін әлдекімдердің мүддесіне қызмет етуге мәжбүрлеп жатқан жағдайлар да, өкінішке қарай, орын алып отыр. Сондықтан, біз ұлттық контентті толтыра отырып, өзіміздің мемлекеттік мүддемізді ойлағанымыз жөн. «Қазіргі уақытта баспасөздің керегі жоқ» деген де пікір туа бастады. Шындығына келсек, мұндай пікір өткен ғасырда бастау алған. Телевизия шыққан кезде газет-журналдардың күні қараң дегенді айтушылар болған еді. Одан бері бір ғасырға жуық уақыт өтті. Оның бәрі құр далбаса екенін өмір өзі дәлелдеп шықты. Газет-журналдарды жауып, оның орнына онлайн басылымдар шығару керек деп қателесудеміз. Міржақып Дулатов айтқандай, «Қай елдің баспасөзі мықты болса, сол елдің болашағы зор» екені айдан анық. Журналистика бүкіл әлемде