Жүсіпбек Аймауытовтың Әнші шығармасына сабақ жоспары

Он екінші желтоқсан

Сабақтың тақырыбы: Ж. Аймауытов "Әнші"

Сабақтың білімділік мақсаты: 1) әңгіменің тақырыбы мен жазушының идеялық мұратын мәтінге сүйіне отырып ашу; 2) әнші бейнесін тереңірек талдап ашу; 3) жазушы идеясының өміршеңдігіне көз жеткізу;

Сабақтың тәрбиелік мақсаты: 1) оқушыларды өнер құдіретін сезінуге тәрбиелеу; 2) ұлттық құндылығымыз бен намысымызды қорғай білуге үйрету; 3) ұлтжандылыққа, өз еліне деген сүйіспеншілікке баулу;

Сабақтың дамытушылық мақсаты: 1) " Әдебиет пен өнер егіз" деген ұғымды ашу; 2) жеке және топтық жұмыста шапшаңдыққа баулу; 3) өз ойын еркін жеткізе білуге, сөйлеу мәдениетін қалыптастыруға дағдыландыру;

Сабақтың әдісі: сөзбен түсіндіру, талдау, өзара талқылау, ізденушілік.

Сабақтың көрнекілігі: концептуалдық кесте, тапсырма парақтары, түсіндірме күнделігі, жинақтау плакаты, "Әміре - ән асқары" альбомы.

Сабақтың барысы.

I. Ұйымдастыру кезеңі.

1. Оқушылармен сәлемдесу.

2. Оқушыларды топқа бөлу: I- топ "Болашақ" , II- топ "Ұлан", III- топ "Өнерпаз".

II. Үй тапсырмасын тексеру.

1. "Әнші" әңгімесінің жалпы мазмұны "Зымыран сұрақтары" әдісімен сұраймын. Барлығы 10 сұрақ. Сұрақ тез оқылады, жауап та тез, қысқа әрі түсінікті болуы керек.

1. Жүсіпбек Аймауытов кім?

2. Әңгімедегі әнші есімі?

3. Жазылған жылы?

4. Әмірханның өмірдегі бейнесі кім?

5. Автор әншімен қайда кездесті?

6. Әнші ән айтуды кімнен үйренді?

7. Әмірхан қандай әнші?

8. Әмірханның тұрмыс-тіршілігі қандай?

9. Әңгімедегі кейіпкерлерді ата?

10. Жастар не ұйымдастырды?

Оқушылар сұрақтарға жақсы жауап берді.

2. Кейіпкер бейнесін талдау.

Оқушылар әңгімедегі басты тұлға Әмірхан бейнесін концептуалдық кестеге талдады.

Әр топқа тапсырма қағаздары таратылады: I топ - мінезі; II топ - қарым - қатынасы; III топ - кәсібі.

Кестеге орналастыру.

Әр топтан бір оқушы орындады.

Әмірқанға мінездеме беру.

ІІІ. Үй тапсырмасын қорытындылау.

Талдау барысында әншінің жан - жақты қыры ашылды.Әншінің бұл алғашқы әңгімеде анықталса , біз үшін белгісіз бір қыры - сезімталдығы мен сыршылдығы.

Әмірқанның осы қырын ашатын жүрек түкпіріндегі мөлтек сыры іспеттес хикаясы бүгінгі жаңа сабақтың тақырыбы, негізгі өзегі екендігіне тоқтала отырып, жаңа сабаққа көшемін.

ІV. Жаңа сабаққа көшу.

Оқушылар! Біз өткен сабақта" Әнші" әңгімесі арқылы қазақтың атақты әншісі Әміре Қашаубаевтың өмірі мен өнері жайында білдік . Талантты жазушы Жүсіпбек Аймауытов әнші Әмірхан бейнесі арқылы қазақ ән өнерін , ұлттық мәдениетімізді қалың оқырманға паш етті, Бүгінгі жаңа сабақта біздер әнші бейнесін тереңірек ашуға бар ынта - жігерімізбен жұмыс істейміз.

1.Топпен жұмыс

Әр топқа тапсырма жазылған парақтар таратылады . Әрбір мәтінді абзацтарға бөліп, оны оқиды, мазмұндайды, тақырып қояды.

I-топ

1.Әңгімедегі ой бөлігі.

2. Ой бөлігіңді оқы.

3. Түсінігіңді мазмұнда.

4. Тақырып қой."Ақтамақ ару"

ІІ топ

1. Әңгімедегі ой бөлігі.

2. Ой бөлігіңді оқы.

3. Түсінгеніңді мазмұнда.

4. Тақырып қой."Қос ғашық"

III-топ

1. Әңгімедегі ой бөлігі.

2. Ой бөлігіңді оқы.

3. Түсінігіңді мазмұнда.

4. Тақырып қой."Жолы болған әнші"

2. Мәтінмен жүмыс