Жыл мезгілдері, мектепке дейінгі ашық іс-әрекет

№20 «Дидар» балабақшасы

Тәрбиеші: Жубантаева Жулдыз Кадырбергеновна

«Жылдың төрт мезгілі»

Мақсаты: Балалардың жыл мезгілдері туралы түсініктерін көз қарастарын қалыптастыру. Балалардың ойлау қабілетін, сөздік қорын, белсанділігін, қызығушылығын, қиялын дамытып, табиғатты сүюге, жыл мезгілдерін бір-бірінен ажырата білуге үйрету. Табиғатты елін жерін сүюге тәрбиелеу.

Ұйымдастыру барысы балалар музыкамен залға кіреді.

Әуенді ритмикалық жаттығу (Жағымды көңіл-күй қалыптастыру)

Тәрбиеші: Балалар, бізге бір хабарлама келіпті. Экранға назар аударайық!

Жасанды интеллект арқылы Жыл атасы хабарламасын тамашалайды.

«Ерте, ертеде Жыл ақсақалдың төрт қызы болыпты. Төрт баласының мінезі төрт түрлі екен. Үлкені қыс – тентек, қатал болып өсіпті. Кішісі - Көктемгүл көңілді, ашық жарқын мінезімен асқан сұлулығымен көрген жанды таң қалдырыпты. Одан кейінгі – Жаздың даңқы жайдарлы, салмақты мінезімен шығыпты. Жүрген жері думан екен. Кенжесі – Күз ерке болып өскендікі ме мінезі сылбыр, көнілшек болыпты. Бірақ бір жақсысы қолы ашық жомарт болыпты. Жыл ақсақалы төртеуін де өте жақсы көріпті, қанаттыға қақтырмай, тұмсықтыға шоқтырмай бағып –қағып өсіріпті. Перзенттері де оны қатты құрметтеп сыйлайды екен. Жезтырнақ бұлардың татулығын көре алмай оларға қастандық ұйымдастырыпты.

Жыл атасы (жасанды интеллект-бейнежазба):

Сәлеметсіңдер ме, балалар! Жезтырнақ менің 4 жыл мезгілі – балаларымды ұрлап кетіп, өзінің лашығына жасырып, 4 түрлі кілтпен құлыптап, кілттерін сендердің топтарыңа жасырып кетіпті. 4 балам жоқ болған соң, орманда ауа райы кейде ыстық, кейде аяз, кейде жаңбыр, кейде қар жауып тұр. Балалар, мен балаларымды құтқаруым үшін сендердің көмектерің қажет. Маған кілттерді тауып, көмектесіңдерші! Мен сендерге көмекке өзімнің жыл басы болған Тышқанды жіберемін. (Тышқан кіріп, жұмбақ жасырынған конвертті алып келеді)

Тышқан: Сәлеметсіздер ме, балалар! Мені сіздерге көмекке Жыл атай жіберді. Мына қолымдағы хатты беріп жіберді.

Тәрбиеші: Балалар Жыл атаға көмектесеміз бе?

№1 конверттегі жұмбақ

Тәрбиеші: Бұлттар төніп, жерге төгіліп,Дымқыл тұман басады.Шөп сарғайып, өңі тайып,Дала нұры қашады.Ойнай алмай,Денең мұздап тоңады.

Айтыңдаршы, балалар

Бұл қай мезгілде болады?

Балалардың жауабы.

Тәрбиеші: Жұмбақты дұрыс шештіңдер, бірінші Күз мезгілін құтқаратын кілтті іздейтін боласыңдар.

Д/ойын «Бауда ма, бақшада ма?»

Мақсаты: Жемістер мен көкөністерді ажыратуға, олардың айырмашылықтарын табуға баулу.Ойынның шарты: Тәрбиеші балаларға жемістер мен көкөністердің суреттерін көрсету арқылы олардың атауларын айтқызады. Сонан соң көкөністердің жерде, жемістердің талда өсетінін түсіндіру арқылы сұрақтар қойып, балалардың ойынға қызығушылықпен қатыстырады.

Күз туралы тақпақ

Айкөркем

Сұр бұлт түсі суық қаптайды аспан,Күз болып, дымқыл тұман жерді басқан.Білмеймін тойғаны ма, тоңғаны ма,Жылқы ойнап, бие қашқан, тай жарысқан.