Жылы жүрек жақсы тілек өзін-өзі тану сабағы

«Өзін-өзі тану:Махаббат пен шығармашылықтың педагогикасы» атты онкүндіктің ашылу салтанаты 1- жүргізуші: Шеңбер болып тұрайық жылы жүзбен, Бізге келсін қуаныш, нұр іздеген. Мейірім толған жанымыз, жүрегіміз, Үлгі алсын көрген жан мына бізден. 2- жүргізуші: Адами қарым –қатынастағы ең басты әдептілік-бұл сәлемдесу болып табылады. Сәлем беру-имандылық,көргендік,мәдениеттіліктің белгісі.Олай болса,бір-бірімізге деген жылы ниетпен амандасып алайық. 2-жүргізуші.Бәрі бірге. Армысың,Әлем! Армысың,алтын Күн! Армысың,Ұстаз! Армысың,абзал дос! 1-жүргізуші Армысыздар, құрметті ұстаздар мен оқушылар! Бүгінгі «Өзін-өзі тану:Махаббат пен шығармашылықтың педагогикасы» атты онкүндіктің ашылу салтанатына қош келдіңіздер! 2- жүргізуші: Адамзатты аялаған ақ арман, Барлық ғалам Махаббаттан жаралған. Өмір-өзен сан тарапқа ақса да, Жақсылықтан шуақ алып,нәр алған. • Онкүндік мақсаты: балалар мен жастарды рухани-адамгершілік тәрбиелеу жүйесін дамыту, оқушыларды адамгершілік құндылықтар әлеміне тарту болып табылады. қоршаған әлемге махаббат және қуаныш сыйлап, сезімталдық, мейірімділік, рақымдылық көрсетіп, мейірімді болуға үйрету, өзара түсінушілік пен ынтымақтастық арқылы шығармашылық қабілеттері мен жа

Күні: Пәні: Өзін –өзі тану Сыныбы: 3 «А»

Сабақтың тақырыбы: «Жылы жүрек-жақсы тілек»

Сабақтың мақсаты: Балалардың «мейірімділік», «қайырымдылық» құнды- лықтары туралы түсініктерін кеңейту.

Міндеттері:

Білімділік: жақсы тілек, ізеттілік, ізгілік туралы түсініктерін қалыптастыру.

Тәрбиелілігі:мейірімділікке, ізгілікке тәрбиелеу.

Дамытушылығы: қайырымды қарым- қатынас жасау іскерліктерін дамыту.

Көрнекіліктер: Сабақтың дәйек сөзі жазылған плакат, жүрекшелер, тарапта парақтар.

Пәнаралық байланыс: Әдебиеттік оқу, дүниетану.

Сабақтың типі: Жана білімді хабарлау сабағы.

Сабақтың түрі: Блок сабағы.

Сабақтың жоспары: І. Ұйымдастыру кезеңі:

Шаттық шеңбері

Топтың ережесі

Қызығушылықты ояту; «Көңілді балалар әні»

ІІ. Негізгі бөлім:

Пікірлесу сұрақтары;

Тыныштық сәті

Жаңа ақпарат; «Топпен жұмыс»

Мәтінмен жұмыс;

Сабақтың дәйек сөзі;

Топтық тапсырма; «Постер құрау»

Ойын-жаттығу;

Рефлексия; «Жылы сөздер ағашы»

Жүректен –жүрекке «Бала тілегі әні»

Сабақтың барысы: Ұйымдастыру кезеңі:

Сәлеметсіздер ме, балалар! Көңіл- күйлерің қалай?

Шаттық шеңбері:

-Балалар, бәріміз ортаға шығып, «жылылық шеңберін» құрайық.

-Балалар жақсы тілек, ізеттілік, ізгілік,қайырымдылық ,мейірімділік бәрі жүректен болады. Жүректегі сол сезімді түсіріп алмастай етіп, оң қолымызбен жүрегімізді ұстап сол қолымызбен демеп, бір- бірімізге жүрек жылуын таратайық.

Сіз, біз деген жылы сөз

Жылытады жүректі

Бір-біріне болып кез,

Кең болсын адам пейілі!

Топқа бөліну

Балалар мына стикердің өздеріңе ұнаған түсін таңдап сол түске сай

1- топ «Мейірім», 2-топ «Шапағат »тобы болып орындарыңды тауып отыра қалыңдар.

Топ ережесін бірге оқып жіберейік:

-Мұғалімге бағыну

- Бірін –бірі тыңдау

- уақытқа бағыну

- тыныштықты сақтау

- мадақтау

Бүгін сабағымызды бастамас бұрын Ермек Өтетілеуовтың

«Көңілді балалар әні» өлеңін бірлесе айтайық.

- Балалар, ең алдымен бірінші қадамды өзімізден бастауымыз керек. . Өзіміз қандай болсақ, өмірде бізге сондай болып көрінеді.

* Пікірлесу сұрақтары:

Қандай жақсы сөздерді көп қолданасыңдар?

Жақсы сөз естігенде қандай сезімде боласыңдар?

Ал жаман, дөрекі сөз естігенде қандай сезімде боласыңдар?

Жақын адамдарға қандай жылы , жақсы сөз айтқыларың келеді?

*Тыныштық сәті

Әрқайсымыз оң қолымызбен жүрегімізді ұстап көрейік. Өз жүрегіміздің жылылығын сезініп, жүрек жылуымызды адамдарға, айналамызға жеткізу үшін іштей оларға жақсы тілектер тілейік.

Жаңа ақпарат «Топпен жұмыс»

Балалар әрқайсыңның алдыңдағы жүрекшеге жылы сөздер жазамыз. Қай топ көп жылы сөз біледі? (бес минут уақыт беріледі)

Әр топ басшысы кезекпен оқиды.