Жыр алыбы Жамбылға арналған сыныптан тыс жұмыс

Қазақ халық поэзиясының әйгілі тұлғасы, өлең сөздің дүлдүлі, жырау, жыршы Жамбыл Жабаевтың туылғанына 175 жыл толуына орай «Жыр алыбы - Жамбыл» атты хабарымыздың сценарийі

Хабарымыздың мақсаты: Жыр алыбы -Жамбылдың ақындық талантын шәкірт жүрегіне ұялату арқылы поэзияны сүю, оны бағалай білуге ұғындыру.

Оқушылардың сөйлеу мәдениетін дамыту, сөз өнерін қадірлеп, қастерлей білуге дағдыландыру, ақын өлеңдерін, поэзиясын сүйе білуге үйрету. Ақын шығармалары арқылы ұлт жандылық сезімін оятып, адамгершілікке, елінінің өнерін сүюге тәбиелеу. Хабарымыздың өтілу барысы:

Мұғалім: Биыл ХХ ғасырдың Гомері атанған жыралыбы-Жамбылдың туғанына 28 ақпанда 175 жыл толды.Сәкен Сейфуллин айтқандай: «Жамбыл жырлары теңіз түбінде шашылып жатқан маржан сықылды. Оны жинап алып, халқының қолына беру-біздің әрқайсымыздың азаматтық борышымыз.

1-жүргізуші

Қайырлы күн құрметті оқырмандар!

2-жүргізуші

Армысыздар ардақты ұстаздар мен оқушылар

1-жүргізуші: Жүзге кеп бақыт тапқан ақын Жамбыл, Дүниеге түгел кеткен атың Жамбыл. Тілекке көл аңсаған бүгін жеттің, Далада жасасаң да ғасыр Жамбыл.

2-жүргізуші:Халық үшін төрге төсеп төсек етер, Ағарған сақалы мен шашы Жамбыл. Көтерген көкке төбе тірелгенше, Иеді көпшілікке басын Жамбыл. 1-жүргізуші: Қақаған қар аралас соғып боран,

Ел үрей- көк найзалы жау торыған.

Байғара, Жамбыл, Ханда мен туыппын

Жамбыл деп қойылыпты атым содан.

Жамбыл қазіргі Жамбыл облысында Шу өзенінің бойындағы Жамбыл тауының етегінде 1946 жылы ақпан айында туған. Жамбыл жоқшылық тұрмыста өседі. Ес білген соң әкесі оны ауыл молдасына оқуға береді. Бірақ молдалардың қорлығына шыдай алмай Жамбыл оқуды тастап кетеді. Жаратылысында пысық, зерек бала оқып білім алмаса да, жастайынан ән мен өлеңге құмар болады. Ауызекі естіген өлеңдерін жаттап алып жүреді. Ес білгеннен өр мінезді, тентектеу болып өскен бала Жамбылдың қызықты қылықтары көп болған. Жамбыл жасынан-ақ домбыра үйреніп, ақын болуды армандайды. Өзі құрбылас жас ақындардан әлдеқайда озат көрініп, жұрт көзіне түсе бастайды. Әкесінің домбыраны жақтырмайтынын білсе де, ән мен жырдың айрылмас адал серігі болған. Бұған Жамбылдың 13-14-ке келген кезінде әкесінің үстіне домбырамен келіп:

Батаңды маған бер, әке,

Тіліме менің ер, әке,

Жапаның ұлы ақын боп,

Жақсы істепті... дер әке!- деп, батыл тұрып бата сұрағаны дәлел.

2-жүргізуші:

Барлық дана,барлық ұлы адамдар ұстаздан тағлым алады. Жамбыл атамыздың ұстазы Сүйінбай Аронұлы. Сүйінбай Аронұлы 1815-1898 жылдары өмір сүрген. Жамбыл ауданының Байтөбе деген жерінде дүниеге келген. Сүйінбай Ұлы жүздің Екей руынан шыққан. Жас ЖамбылдыЖетісу бойынна атағы шыққан Сүйінбай ақынға барып сөзін сынатып, оның батасын алған. Сүйінбай жас ақынның талантын көріп: «...Балам, өз өлеңіңді шығар, бірақ оның жұрт жаттап алатын, ешкім ұмытпайтын өлең болсын, сенің өлеңің жеке адамдардың көңілін көтеріп, солардың сүйініп отыратын өлеңі болмасын, бүкіл халықтың сүйіп тыңдайтын өлеңі болсын.Көмекейің емес, жүрегің сөйлейтін болсын. Шындықты айт, әділдікті жырла, көне, тозығы жеткен жолға түспе, жаңа жол, тың жолға, даңғыл жолға түс, төңірегінде не болып жатыр, соны аңғар, соны біл»,-депті.

Жамбыл Сүйінбайдан ең алдымен импровизаторлық өнерді-ойлаған жерден сөз тауып, өлеңді жылдам шығарғыштықты, шешендік пен тапқырлықты үйренеді.

Жамбылдың «Жаныс ақынға» өлеңі Мәлік Дайана

2. «Менің өмірім» өлеңі-Керімқұл Фатима

Балалық шақ. КӨРІНІС: Әкесі: Өмірбек Жанеділ

Жамбыл: Ешназаров Сүндет