Зияткерлік мектеп жатақханасындағы тәрбие жұмысын ұйымдастыру

«Тараз қаласындағы физика-математикалық бағыттағы Назарбаев Зияткерлік мектебі

Турысбекова Гаухар Есиркеповна, тәрбиеші

Зияткерлік мектепте жатақхананың тәрбие жұмысын

ұйымдастырудың өзіндік ерекшеліктері

Бүгінгі таңда білім беру саласында көш бастауға тиісті деп саналып, Елбасының зор сенімін арқалаған «Назарбаев Зияткерлік мектептері» - өзінің миссиясы, ұстанымына сай оқушының бойында заманауи қасиеттерді қалыптастырып келе жатқан үздік білім ошағы. Сол білім ошақтарының бірі, «Тараз қаласындағы физика-математикалық бағыттағы Назарбаев Зияткерлік мектебі» болса, мектеп жанындағы жатақхана - оның ажырамас бір бөлігі.

Мектептің миссиясы мен құндылықтарын, тәрбиеленушілердің оқу үрдісіндегі күн тәртібін ескере отырып құрылған жатақхананың жылдық жұмыс жоспарына сай өткізілетін тәрбие сағаттары мен түрлі іс-шаралармен қатар, «Қазақтың 100 әні», «Қазақтың 100 күйі», «Зияткерлік мектеп оқушысына ұсынылған 100 кітап», «Маманға 100 сұрақ...» жобалары аясында да түрлі форматтағы жұмыстар жүзеге асырылуда.

Тәрбиеленушілердің тіл меңгеру деңгейін жоғарылату, қызығушылығын ояту мақсатындағы «Шетел мұғалімімен бір сағат» жобасы аясында әр жексенбіде өткізілетін кездесуде жоспарда бекітілген тақырыптарда ойындар ойнатылып, әртүрлі жұмыстар жүргізілуінен тәрбиеленушілердің еркін тіл үйренуге,жтығызжқарым-қатынасжжасауына қолайлы жағдай жасалуда.

Жатақхана тәрбиеленушілері кез келген уақытта тәрбиешілерге жанашыр, қолдаушы болып отырады. Мәселен, Өзін-өзі басқару ұйымы-Жатақхана іс-шараларды өткізуде белсенділік танытуда.

Сондай-ақ, тәрбиеленушілер жатақханада үйірмелерге тартылып, шығармашылық шеберхана жұмыстарының көрмесі ұйымдастырылып тұрады.

Жатақхана медбикелерінің жылдық жұмыс жоспарына сәйкес оқылған дәрістерде салауатты өмір салтын ұстанудың маңыздылығына ерекше мән беріліп насихатталуда.

Техника қауіпсіздігі бойынша мектеп инженерінің жүргізген нұсқаулығына сүйене отырып, тәрбиешілер, тәрбиеші көмекшілері тәрбиеленушілермен бірге оқу-жаттығуын өткізеді.

Мектеп асханасының қызметі мен ұсынылған тамақ сапасы туралы жатақхана тәрбиеленушілердің пікірін анықтайтын сауалнама әр тоқсан сайын алынып, қорытынды нәтижесі талданып, ұсыныстар мен кемшіліктер асхана қызметшілерінің назарына ұсынылуда.

Тәрбиеленушілер тоқсан сайын шығарылатын «Жатақхана LIFE» журналындағы ақпараттарды үнемі талқылап, жаңалықтарымен бөлісіп, өз ұсыныстарын айтып, журналдың келесі санын шығаруға атсалысады.

Тәрбиешілер кәсіби құзіреттілігін арттыруда кәсіби даму мақсатына негізделген жұмыс жоспарымен жұмыс жасауда.

«Оқу мен тәрбие егіз ұғым» демекші, тәрбиешілердің ата-ана, педагог-ұйымдастырушы-куратор, психолог, пән оқытушыларымен үнемі тығыз байланыста болуы арқылы жемісті жұмыс жүргізілуде.

Жатақханада «Тәрбиеленуші-тәрбиеші–ата-ана», «Жатақхана–мектеп–психологиялық қызмет» жұмыс жүйесін жүзеге асыру барысы жан-жақты жолға қойылған.

Тәрбиешілер өз тобындағы тәрбиеленушілердің ата-аналарымен сенімді де берік қарым-қатынас орнату мақсатында өзара тығыз байланыста жұмыс жасайды. Отбасы тәрбиесіне өте көп көңіл бөлінетіндігінің белгісі жатақхана мен отбасының коллабаративті қарым-қатынасы мен біріккен әрекетін дамытуға бағытталған жобалар тиімді жүргізіледі.

Атап айтқанда, 2014-2015 оқу жылынан бері бүгінгі күнге дейін жатақхананың ата-аналары бастамасымен «Ата-анамен сұхбат» жобасы өз жұмысын бастады. Бұл жоба ата-ана мен тәрбиеші арасындағы берік қатынасты одан әрі нығайта түсті. Ата-аналар жоба аясында тәрбие жұмысының бағыттарына сәйкес ұйымдастырылатын іс-шараларға, жатақхананың қоғамдық өмірінен тыс қалмай, белсенді қатыстырылуда.

Ата-аналармен етене танысу үрдісі мектеп ашылған жылдан бастап жатақхананың «Ашық есік күнін» өткізу дәстүрімен жалғасын тапты. Бұл іс-шара түрлі форматта түрлендіріліп, кең көлемде өткізіліп келеді. Барлық ата-аналар шақырылып, бір күнді мектепте өз балаларымен өткізеді, іс-шараларға қатысып, сахна төрінде балаларымен бірге өнерлерін де көрсетеді. 2015-2016 оқу жылында «Тәрбие процесінде нәтижеге бағытталған коллаборативті орта қалыптастыру және оқушылардың шығармашылығын дамыту» тақырыбындағы «Ашық есік күні» екі күндік семинары республика деңгейінде өтілді. Семинарға қатысушы ата-аналар, республикамыздың барлық аймағындағы НЗМ жанындағы жатақхана меңгерушілері және тәрбиешілерімен тығыз байланыста жұмыстар атқарылды. Кейінгі оқу жылдарында «Ашық есік күні» облыс көлемінде жатақханасы бар мектептерге семинар ретінде өткізіліп келеді.

Бала болашығының жарқын, кемел болмағы мектеп пен ата-аналардың қолында. Елбасымыз Н. Назарбаев «Болашақта еңбек етіп, өмір сүретіндер – бүгінгі мектеп оқушылары, мұғалім оларды қалай тәрбиелесе, Қазақстан сол деңгейде болады. Сондықтан ұстазға жүктелетін міндет ауыр» деп атап көрсеткеніндей, бала тәрбиесінде ата-анамен тең дәрежеде қашан да жауапты тұлға мектеп пен оның жүрегі ұстаздар десек те, отбасы - ата-ана баланың әу бастағы білімі мен тәрбиесінің іргетасын қалаушысы екенін ұмытпаған жөн.

Тәрбиешілердің ата-аналармен ынтымақтастығы тәрбиеленушілердің ата-аналарымен, бауырларымен сұхбаттасып, отбасы жағдайында өткізілетін «Отбасы – бала айнасы» жобасы арқылы жалғасын тапты.

Тәрбиеші, тәрбиеленуші және ата-ана арасындағы тығыз байланысты күшейту мақсатында тоқсан сайын «Отбасы - бала айнасы» жобасы бойынша бала тәрбиесінің алғашқы алтын қазығы, туған ұясымен танысу жұмысы тәрбиеленушілердің отбасыларына барып, сұхбат жүргізу арқылы іске асырылып, отбасындағы психологиялық жағдайды зерделеп, жанұя мүшелерімен етене танысу арқылы әр баланың мүмкіндік деңгейін саралауға, жан дүниесін жақынырақ танып білуге қол жеткізілуде. Ата-аналар да өз тарапынан жоба мақсатын құптап, өзіндік қолдау көрсетуде.

Алдағы уақытта ата-анамен ынтымақтастықта бірлесе отырып, өзімізге берілген мүмкіндіктерді орынды пайдаланып, бәскелеге қабілетті, адамгершілігі жоғары, замануи қасиеттерге ие нағыз тұлға қалыптастыру жолында жемісті де жетістікті қызметіміз жалғасын таба берсін.

Назарларынызға тәжірибе алмасу мақсатында «Отбасы – бала айнасы» жобасы аясындағы бір кездесу-сұхбаттың жоспарын ұсынуды жөн көрдім.

Тақырыбы: Бала – бақыт бастауы, отбасы - алтын діңгегі

(«Отбасы - бала айнасы» жобасы аясында)

Мақсаты: Тәрбиеленушілердің отбасында ата-анасы, бауырларымен танысып, психологиялық ахуалды зерделеп, «ата-ана - тәрбиеленуші – тәрбиеші» арасында ынтымақтастықта жұмыс жүргізу сапасын арттыру.

Міндеттері:

- тәрбиеленушілердің отбасының психологиялық ахуалымен, отбасы мүшелерінің өзара қатынастарының барлық жағы: қызығушылықтары, отбасы мүшелерінің қажеттіліктері мен ұстанымдарындағы шағын айырмашылықтар, отбасы мүшелері бір-біріне қалай көмектесетіндігі, түсінетіндігі, қиындыққа қарсы бірлесіп күресетіндігі, шыдамдылық танытатындығымен, тұрмыстық жағдайымен танысу;

- ата-аналарды балаларының оқу-тәрбие үрдісінің нәтижелерімен хабардар етіп отыру;

- ата-аналармен жеке жұмыс жүргізу.

Күтілетін нәтиже: Тәрбиешілердің тәрбиеленушілердің отбасы мүшелерімен, тұрмыстық жағдайымен танысуы, психологиялық ахуалын зерделеуі, ата-аналарды оқу-тәрбие үрдісінің нәтижелерімен хабардар етуі, жеке жұмыстар жүргізуі арқылы ата-аналармен ынтымақтастыққа негізделген қарым-қатынасы нығаяды.

Қатысушылар: жатақхана тәрбиешілері, тәрбиеленушілері мен олардың отбасы мүшелері.

Өтілу орны: тәрбиеленушілердің тұратын отбасы жағдайында өткізіледі.

Тәрбиешінің кіріспе сөзі:

Баланың жеке тұлға ретінде дамуы, оның ер жетіп өсуі, бойындағы адамгершілік белгілері отбасында қалыптасады, туған үйдің жылуы өзегінде көп жылдар бойы сақталып есінде жүреді.