1-ден 7-ге дейінгі сандар және апта күндері

№10 ересектер тобында ұйымдастырылған оқу қызметінің технологиялық картасы

Тәрбиеші:Кайыркубенова Ж.А

Білім беру саласы: «Таным»

Бөлімдері: Қарапайым математикалық ұғымдарды қалыптастыру.

Тақырыбы: 1-ден 7-ге дейінгі сандар. Апта күндері.

Мақсаты: Аптадағы күндердің атауын жаттау. Уақытқа қатысты ұғымдар туралы( кеше, бүгін, ертең, бүрсүгіні) түсінік беру.

Міндеттері:

1. Балалардың бойында уақыт туралы түсінік қалыптастыруды жалғастыру.

2.7-ге дейінгі сандық және реттік санау дағдысын жетілдіру; балалардың зейіні мен логикалық ойлау қабілетін дамыту.

3.Әдептілікке тәрбиелеу.

Керекті құралдар:

Әдіс-тәсілдер: түсіндіру, сұрақ-жауап, ойын, қортындылау, мадақтау

Сөздік жұмыс: апта күндері, кеше, бүгін, ертең, бүрсүгіні.

Қос тілдік компонент: апта – неделя.

Қызмет

кезеңдері

Тәрбиешінің қызметі

Балалардың қызметі

Мотивациялық-қозғаушылық

Тақпақ оқып береді:

Апта күндері

Сәл демалып тыным ал,

Тақпақ тыңдап, ұғып ал.

Апта деген ағайдың,

Жеті бірдей ұлы бар.

Сол жеті ұлдың,

Жастары бір,

Әр ұлдың

Өзіне тән аты бар.

Бірі кетсе, екіншісі келеді.

Жеті бауыр адаспас.

Зымырайды, желеді.

Ешқашанда шатаспас.

Дүйсенбіде кір жудым,

Сейсенбіде үй жудым,

Үшінші күн нан жауып,

Бейсенбіде шаң қудым.

Жұма күніп демалып,

Сенбі күні торт алып,

Жексенбі қонақ шақырдым.

Педагог өлеңдер мен жұмбақтарды өз қалауынша таңдап алады. Балаларға оқып береді.

Тақпақты тыңдап, апта күндері туралы жұмбақтың шешуін табады.

Суретті қарайды: Ағайынды бауыр дегеніміз – аптаның күндері. Оларды санайды(7).

Ұйымдасты- рушылық – іздеушілік

Апта ағайдың ұлдары:

Біріншісі – Дүйсенбі,

Екіншісі – Сейсенбі,

Үшіншісі – Сәрсенбі,

Төртіншісі – Бейсенбі,

Бесіншісі – Жұма,

Алтыншысы – Сенбі,

Жетіншісі – Жексенбі.

Педагог балаларды жеті ағайындымен ойнауға шақырады. (апта күндеріне сәйкес, 16 кесте). Ағайындылар (апта күндері) ешқашан тәртіп бұзбайды, рет-ретімен жүреді. Біз сол тәртіпті жаттап алуымыз керек. Әр күннің атын атап, рет-ретімен орналастырады. Содан соң оларға реттік нөмір беріп, олардың астына 1-ден 7-ге дейінгі цифрлар жазылған карточканы қойып шығады. Балалардан апта күндерінің атаулары мен тәртібін хормен айтып берулерін сұрайды: дүйсенбі – бірінші күн, сейсенбі – екінші күн... т.б. Содан соң кімнің қай күні не істейтінін сұрайды.

–Адамдар қай күні демалады?

-Қай күндері жұмыс істейді?