10 сыныпқа арналған математикалық кеш сценарийі

Математикалық кеш

«Математика – тапқырлықты талап етеді»

Мақсаты: Пәнге қызығушылығын арттыру, іскерліктерін, өз бетімен еңбектену дағдысын, логикалық ойлауды қажет ететін есептерді шешуде оқушылардың танымдық қасиеттерін дамыту. Оқушыларды тапқырлыққа, ептілікке үйрету, математикалық сауаттылығын арттыру.

Кеш бағдарламасы:

1-жүргізуші

2-жүргізуші

1-ж: Қымбатты математиканың жан күйерлері мен осы залға жиналғандар. Сіздерге кешті даярлаушылар атынан қатал да, қатесіз математикалық сәлем!

2-ж: Есенбісіз ұстаздар,

«Шаршамайтын» қыс - жазда

Құрметке ие сіңілілер

Ізетке ие інілер,

Інілер еті тірілер

1-ж: Кешке келген сайланып,

Отырам деп жайланып

Көрермендер аман ба?

Отырған анау ойланып

Екеуі бірігіп: Бәріңізге бір сәлем!

1-ж: Бүгін біз мұнда көңілді дем алу үшін,

2-ж: Күліп ойнау үшін,

1-ж: Ән айтып, көріністер көрсету үшін,

2-ж: Математика әдістерінің түрлі ғылым саласында қолданылуын әңгімелеу үшін,

1-ж: Оқыған-білгендерімізді ортаға салу үшін,

2-ж: Сандар сырына үңіліп, көрініс көрсету үшін,

1-ж: Ең бастысы (көтеріңкі дауыспен) математикалық кешті өткізу үшін жиналдық.

2-ж: Біздің бүгінгі кешіміз ұнаса, сіздердің қол соғуларыңызды қабыл алуға даярмыз. егер ұнамаса...

1-ж: (бірінші жүргізушінің ойын бөліп) онда ------------------ жауапты...

2-ж: Жол бастаушы әрқашан да жауапты.

1-ж: - Уа,халайық, халайық,

Бәріңе жар салайық

Бүгінгі кеш төрінде

Математика елінде

Математика тілінде

Есеп шешіп жарысып

Жұмбақ шешіп аңдысып

«Математика – тапқырлықты талап етеді»

атты кешін бастайық.

Кеш бағдарламасы :

2-ж: 1-ж:

Алма-кезек

Тарихи шегініс. «1 мен 100 сандарының қосындысы» (9 -класс оқушылары)

Математикалық интермедия. «Математика, алгебра және геометрияның сырласуы» (7 -класс оқушылары)

Ән шашу: М.Мақатаевтың өлеңі «Мен деп ойла»- 10 «В» класс оқушысы Нұрланқызы Ақбота

Математикалық көрініс. "Қалай, ауызша есептеу ұнай ма?" (7-класс оқушылары)

Математикалық фокус. «Туған күнді табу» (оқушы мен кешке қатысушылар)

Математикалық монтаж. «Адам ғұмырындағы қызықты санды мәліметтер» (жүргізушілер алма -кезек )

Математикалық айтыс (8 -класс оқушылары)

Математикалық көрініс. "Түбір амалы" (9 -класс оқушылары)

Математикалық монолог. 10 «Б» класс оқушысы

Математикалық викториналар (Кешке қатысушылармен)

Функциялар вальсі. (9-10 класс оқушылары, кешке қатысушылар)

2-ж: Біз бүгін әңгімені қысқа тарихи шегіністен бастасақ. (Математиктер королі атанған К.Гаусс басынан өткен қызық оқиға туралы баяндалады)

К.Гаустың шешу тәсілінен соң Sn= .n

формуласы қорытып шығарылды.

1-ж: Математикалық интермедия. (Кезектесіп айтады)

Алгебра: Алгебра мен боламын

Математика бөлімі

Өрем биік сенендағы

«Фигуралар көрігі»

Вавилонда, Египетте,

«Ата мұра» кешегі.

Жеткен екен бүгінгіге

«Теңдеу шешу» есебі.

Әл-Хорезми – Хорезмде

Ғылымға еңбек етіпті.

«Әл-жебр» - «Алгебра»

Деп аталып кетіпті.

Геометрия: Сөз берсеңіз мен алайын,

Амансың ба, бауырым!

Басқалардың ішіндегі

Көретін ең тәуірім.

«Геометрия» - грек сөзі,

«Жер өлшеуден» шығыпты.

Ефклидтей ұлы ғалым,

Ғылым сырын ұғыпты.

Фигуралар қасиетін

жария қылған әлемге.

«Геометрия» - бауырыңнан

Баршаңызға сәлем де!

Математика: Арифметикадан бастау алып,

Ұзақ сапар шектік біз.

Кейде құлап ,қайта тұрып,

Осы күнге жеттік біз.

Арғы тегім «Матезикс»

Математика боламыз.

Ғылымдардың көшін бастап,

Алғы шепте келеміз.

«Алгебра», «Геометрия»,-

Деп бөлініп кеттік біз,

Егемен боп енші алып,

Мақсатқа да жеттік біз.

Екеуің де тең түстіңдер,

Бірігіңдер жауласпай!

Бөлінгенмен сан салаға,

Кетпес еңбек далаға.

Мақсатымыз ортақ біздің-

Білім беру балаға!

2-ж: -Шабыт тасып шалқысып

Есеппен ән салысып

Көңілді жалын жасайық

Жұмбақ шерді шашайық

1-ж: - Ат салысып аянбай

Бар өнерді басайық.

Асып әсте саспайық

Батыл қадам бастайық

Еркінді билеп барынша

Жарыста сірә қалыспа

Кешімізді, ей достар,

Осылайша шабытпен

Кәне, енді бастайық.

Ән шашу: ...............................

1-ж: Көрініс: " Қалай, ауызша есептеу ұнай ма ?"

1-О: Қалай, ауызша есептеу ұнай ма?

2-О: Ұнайды, ұнағанда қандай! Ойдан шығара алмағанымен, ауызша есептей аламын.

1-О: Мысал үшін

2-О: (Сәл ойланып) Ы...............Анықтамаларды, теңдеулерді шығара аламын.

1-О: Анықтамаларды шығара ма екен? Дәлелдейді ғой

2-О: (Білмегенсіп) Кім шығара алмаса сол дәлелдейді.

1-О: Мен бір есеп жазайын, сен шығаршы. (Ол осы кезде тақтаға 8-6 =... теңдігін жаза бастайды)

2-О: (сескеніп) Қазір ме?

1-О: Иә

2-О: Мен негізі үйде жақсы шығарамын.

1-О: (Көпшілікке оң жағымен бұрыла береді) Ыыы......Қорықтың ба?

2-О: (Ештеңе білмеген болып артына қарайды, бір оқушы саусағымен 2 санының орнына V ағылшын әрпін көретеді) Қазір де шығара аламын.

1-О: Ал, шығаршы.

2-О: ( Онша қиналмастан) Міне. (Ол тақтаға теңдіктен соң V ағылшынша әріпін жазады.)

8-6=V

Математикалық фокус. «Туған күнді табу» (оқушы мен кешке қатысушылар)

2-ж: Туған күні аталайын деп отырған оқушы бар ма? (Ортаға бір оқушыны шығарады)

Мен сіздің нешеге толайын деп жатқаныңызды көпшілікке айтып берейін. Рұқсат етіңіз. Басқа ойыншылар да мұны қаласа, келесі амалдарды орындаңыздар. , мұндағы а-туған айының рет саны, в- туған күні, с- толатын жасы.

Мысалы, 91357 шықты делік. 91357-444=90913 (9-айы, 09-күні, 13-жасы)

1-ж: Сізді ..... жасқа толуыңызбен құттықтаймыз.

Математикалық монтаж. (жүргізушілер алма-кезек.)