2-сыныпқа арналған Сөздер сыры авторлық бағдарламасы

Казталов аудандық білім беру бөлімі

Аудандық әдістемелік кабинет

2- сынып оқушыларына арналған «Сөздер сырының алуандығы» тақырыбындағы үлгі

бағдарлама

(Тереңкөл мектеп-бөбекжай кешені бастауыш сынып

мұғалімі Л.С. Ищанованың іс-тәжірибесінен)

Казталов – 2023

Аудандық білім беру бөлімі әдістемелік кеңесінің сараптама шешімімен басуға ұсынылды

Хаттама № ___, қазан 2023 жыл

Құрастырушы:

Ищанова Л. С. – Тереңкөл мектеп-бөбекжай кешені бастауыш сынып мұғалімі

Рецензенттер:

Бектенова Л. Б. – Тереңкөл мектеп- бөбекжай кешені қазақ тілі мен әдебиеті мұғалімі, педагог-зерттеуші

Жубанова Н.А. – Тереңкөл мектеп-бөбекжай кешені бастауыш сынып мұғалімі, педагог- зерттеуші

2- сыныпта қазақ тілі пәнінің вариативті бөлігін оқытуда оқушылардың білімін одан әрі жетілдіре түсу және олардың өз ойын еркін, сауатты жеткізе білуін ұйымдастыру үшін ұсынылады

Мазмұны

І. Түсінік хат...................................................................2

ІІ Тіл дамыту курсынан 2- сыныпқа арналған «Сөздер сырының алуандығы» тақырыбындағы бағдарлама.........................................10

ІІІ Сабақ үлгілері

1. «Мақал -сөздің

мәйегі»........................................13

2. «Тәкаппар

терек»..................................................19

3. «Шешендік сөздер

сырлары»..............................24

ІҮ Қолданылған әдебиеттер..........................................29

Түсінік хаты Қазақстан Республикасының әр жылға дайындалған білім беруді дамыту тұжырымдамасына сәйкес жас ұрпаққа білім беру ісінде оның жеке-даралық ерекшеліктеріне мән бере отырып, вариативтік оқыту жүйесі іске асырылуда.

Вариативті оқытудың негізгі мақсаты - оқушылардың жалпы білім беру бағдарламасындағы жекелеген пәндерді тереңдетіп оқу мүмкіндігін туғызу.

Оқыту мен тәрбиелеу үрдісінде оқушы шығармашылығын дамытудың қажеттілігі қоғам талабынан туындайды. Сондықтан, оқытудың вариативтік негізінде құрастырылған бұл таңдау курсы бастауыш сынып оқушыларына арналып жасалды. Бастауыш сыныптың 2- сыныбына арналған «Сөздер сырының алуандығы» курс бағдарлама үлгісі аптасына 1 сағат ,жылына 34 сағат жүктеме берілген.Негізгі оқу материалдарын үлгіге ала отырып ,оқушылардың алған білім,білік,дағдыларын және пәнге деген қызығушылығын арттырады.

2023-2024 оқу жылындағы ҚР-ның Оқу ағарту министрінің жалпы орта білім беретін ұйымдарында ғылым негіздерін оқытудың ерекшеліктері туралы нұсқау хатты негізге ала отырып пәнді оқытуда оқушылардың білімдерін одан әрі жетілдіре түсу мақсатында таңдау пәндері қосымша пайдаланылады.

Бағдарламаның мақсаты:

- Оқушылардың тіл ерекшеліктері мен құрылымдары туралы білім беру - Қызығушылық бағытының, қабілетінің дамуына жағдай жасау - Өз жұмысына өзіндік пікір, баға беруге үйрету

- Іскерлігі мен дағдыларын қалыптастыру; - Ой өрісінің дамуына жағдай туғызу - Оқушылардың өзіндік белсенділіктерін дамыту

- Қазақстан халқының ұлы жазушылары мен ойшылдарын таныстыра отырып, оларға деген құрмет сезімін арттыру; - Түрлі шығармашылық тапсырмаларды орындау барысында оқушыларды ізденімпаздылыққа, жауапкершілікке баулу

- Қарым-қатынастық пен мәдениеттілікке тәрбиелеу

Курстың міндеті: - Курстың басты міндеті – оқушыларға білім жүйесінің негіздерін меңгерту, алған білім, білік дағдыларын орынды пайдалана білулерін және тұлғалық қасиеттерін қалыптастыру, оқушының танымдық, шығармашылық қабілеттерін молайту; - Өзіндік жұмыс жағдаяттарын тиімді,орынды ұйымдастыра білуіне жағдай туғызу; - Зерттеушілік дағдыларын қалыптастыру.

Күтілетін нәтиже:

 Білім алушылардың тұлғалық ерекшеліктерін ескере отырып, өз ойларын еркін, дәлелді түрде ауызша және жазбашы сауатты жеткізе білетін тұлға қалыптастыру  Сөйлеудің мәні мен қажеттігін, мәтіннің жеке сөйлемдерден өзгешелігін, мәтінге ат қоюды, сөйлем соңына тиісті тыныс белгілерін қоюға дағдыланған, тірек сөздерді жоспар бойынша мәтін құрастыра алатын, орфографиялық нормаларға сай қатесіз жазу дағдыларын қалыптастыру.

Пәнаралық байланыс: Әдебиеттік оқу, қазақ тілі,математика, дүниетану, бейнелеу

Оқытудың түрлері:

o Іскерлік ойын сабағы o Жарыс сабақ

o Білімді, дағдыны, ептілікті жүйелеу (қорытындылау) және қайталау сабағы

Оқытудың әдістері:

o Сыни тұрғыдан ойлау мен жазу технологиясының элементтері o репродуктивтік әдіске сай көрнекі түсіндіру o сараптау, синтез, салыстыру арқылы жалқыдан жалпыға және жалпыдан жалқыға өту әдістері Уақыт көлемі: 45 минут. (1 сағат) Тақырыптық-оқу жоспар.

Аптасына 1 сағат. Жылына 34 сағат.

1 Кіріспе.Тіл және сөйлеу 1сағат.

2 Буын.Тасымал 4сағат.

3 Фонетика 2сағат.

4 Шығарма 3 сағат.

5 Мақал-

мәтел,жұмбақтар,жаңылтпаштар

3 сағат.

6 Мәтінмен жұмыс 3сағат.

7 Сөзжұмбақ,метаграмма,анаграм

ма

3 сағат.

8 Сөзжасам- 1 сағат.

9 Өлеңдер талдау- 5сағат

10 Лексика 2сағат.

11 Шешендік сөздер 1сағат

12 Эпитет,теңеу- 2сағат.

13 Эссе жазу- 2 сағат.

14 Қорытынды кеш ( ертеңгілік) 2 сағат

Оқу курсының мазмұны 1-сабақ. (1 сағ) Кіріспе.Тіл және сөйлеу Сөйлеу техникасын меңгеру, ауызша және жазбаша сөйлеу мәдениетін жетілдіру. Көпшілік алдында еркін сөйлеуге төселдіру. Практикалық жұмыс: Ойын «Кім тапқыр?»

2-3 сабақ (2 сағ) Буындарды пайдалану ережелері. Сөздің буыннан құралуы және буыннан ұйқастардың жасалу жолдарын меңгерту. Әдеби тілдің қалыптасқан нормасын сақтау Практикалық жұмыс: Ойын «Сиқырлы буындар»

4-5 сабақ (2 сағат) Адасқан әріптер. Сөздердің буындар арқылы байланысын түсіндіру. Әріптерді орнына дұрыс қою. Практикалық жұмыс: 5 жолды өлең стратегиясы

6-7 сабақ (2- сағат)

Әріптер ерекшеліктерін табу. Тіл құрылысын меңгерту. Сөздерде осы әріптердің дұрыс жазылуын қадағалау Практикалық жұмыс: Кубизм әдісі

8-сабақ (1 сағат) Материал жинағанда және жазғанда дұрыс жазу жауапкершілігін арттыру, ойын жүйелі жеткізу. Практикалық жұмыс: Бес жолды өлең.

9-сабақ (1 сабақ) Бір өлеңін жатқа оқысақ Абайдың. Қазақтың ұлы ақыны Абайдың өлеңдерін оқушыларға кеңінен насихаттап, өлеңдерін жатқа айтуға баулу. Практикалық жұмыс: Абайдың өлеңдер топтамасы.

10-сабақ (1 сабақ) Жұмбақтар құрастыру арқылы фактілерді талдау және қорыту.

11-сабақ (1 сағат) Сурет бойынша мәтін құрастыру оқушылардың түйсіну, көре және тани білу сезімін дамыту. Практикалық жұмыс: Мәтін кейіпкерлерін сөйлетейік.

12-сабақ (1 сағат) Мақал сөздің мәйегі тіл тазалығының қайнар көзіне, ғибратты даналыққа үндеуіне сусындату. Практикалық жұмыс: «Мақалды кім көп біледі?» ойыны.

13-сабақ (1-сағат)