Қазақ хандары авторлық бағдарламасы 7-сыныпқа

Жамбыл облысы Т.Рысқұлов ауданы әкімдігі білім бөлімінің

«А.Байтұрсынов атындағы шағын орталықты орта мектебі»

Коммуналдық мемлекеттік мекемесі

7 – сынып

Мектеп компоненті

Мұғалім: Өмірбаева Д.С

ТҮСІНІК ХАТ

Қазақстан тарихы бойынша 7 - сынып оқушыларына арналған арнайы курстың бағдарламасы аптасына - 1сағат, жылына - 34 сағатқа жасалды. Бағдарламада Қазақстан тарихының XV - XIX ғасырдағы Қазақ еліннің негізін құрған қазақ хандарының өмірдеректері, ерлік істері, тарихи негізгі деректер бойынша қамтылған. Бағдарламада мектеп оқулықтарында берілген оқу материалдарының мазмұны мен көлемі толық қамтылған.Оларды оқып – үйренуде жалпы орта білім беретін курстарға қарағанда барынша жоғары деңгейдегі міндеттер жүзеге асырылады. Бұл тараулардың тақырыптарын өту барысында оқушылар жалпы мектеп бағдарламасымен қамтылмайтын, қосымша тарихи деректермен және көптеген негізгі тарихи хрестоматиялармен танысады.(мысалы қазақ хандары билік еткен қалалар,басып алған жерлер,қоғамдағы басқару жүйелері сияқты) қосымша мәліметтермен танысады..Осы «Қазақ хандары» арнайы бағдарламасы 7 - сыныптарға арналған бұл курс әлемнің біртұтас бейнесін қалыптастыруға, жалпы ғылыми және интеллектуалдық біліктерді меңгертуге өз септігін тигізеді.

Бағдарламаның мақсаты : Берілген тақырыптар бойынша тарихи білім беруді жетілдіру, Қазақ хандарының Қазақ тарихында рөлін көрсету, оқушыларға Қазақ хандарының тарихымен таныстыру, оқушылардың шығармашылық қабілетін дамыту.

Бағдарламаның міндеті:

Оқушыларды сауаттылыққа үйрету; курсқа арналған барлық жоспарлы материалдарды толық игерту; қосымша мәліметтерді іздестіру кезінде әдебиеттерді дұрыс таңдап, орынды пайдалана білуге үйрету; ізденіс жұмыстарына бейімдеу; Ақпарат құралдарын пайдаланып оның ішінде: газет, журнал, интернет арқылы мәліметтер жинау. өз беттерімен жұмыс түрлерін істей білуге дағдыландыру; өз ойын толық жеткізуге және өз тарихын сақтай отырып, Отанына адал азамат болуға қалыптастыру.

Күтілетін нәтиже

1. Қазақ хандығының, қазақ елінің құрылу тарихын ,еркін жеткізетін, тарихи тұлғалардың даналығын, ерлік істерін тани білетін, тарихтың сырлы әлеміне терең бойлай алатын тұлға қалыптасады.

2. пәндік олимпиадада жақсы көрсеткішке жетуіне мүмкіндік мол.

3. Білімділік, біліктілік дағдыларын қалыптастыра отырып, ізденімпаз білімді оқушы қалыптасады.

Нормативті бөлім

«Қазақ хандары» бағдарламасы 7-сыныпқа арналған,

34-сағаттан тұрады.

Қолданбалы курс 7 -сыныпқа жасалған бағдарлама.

І. Кіріспе-1сағат

Негізгі бөлім-31 сағат

1-тарау. ХҮ ғасырлардағы Қазақ хандары 3 сағат .

2-тарау. ХҮІ ғасырлардағы Қазақ хандары 9 сағат

Қайталау сабағы – 1

3-тарау. ХҮІІ ғасырлардағы қазақ хандары 3 сағат

4-тарау. ХҮІІІ – ХІХ ғасырлардағы қазақ хандары 3сағат

5-тарау. ХҮІІ – ХІХ ғасырлардағы Кіші жүз хандары 6 сағат .

6 – тарау . ХҮІІ – ХІХ ғасырлардағы Орта жүз хандары 7 сағат .

Қорытынды 1 сағат

Ақпараттық бөлім

«Қазақ хандары» тақырыбындағы бағдарламада Қазақстан тарихы, география, қазақ әдебиеті пәндерімен, тығыз пәнаралық байланыс қамтылған.

Қандай да мәселені шешуде оқушылардың қалай ойлайтындығын, олардың ой-өрісін біліп отырудың маңызы зор. Өйткені бұл- оқушылардың қаншалықты пайымдай білетіндігін, оқыған материалды жақсы меңгергендігін анықтауға мүмкіндік береді. Оқушы білімін бағалауда көп талап қойылады. Бүгінгі күннің талабы оқушыны үнемі бағалап отыру, сумативті бағалау. Өз білімін оқушының өзіне бағалатып, өз білімінің деңгейін өзіне ұғындыру . Оқушы өз білімін көтеруге талпынады. Шығармашылық жұмыс жасайды. Олардың білімін тапсырмалар беру арқылы анықталады. Өзіндік жұмыс тапсырмалары беріледі. Оқушы пікірін тыңдау өте маңызды. Пікірлесу арқылы оқушы білімін бағалау.

Оқушы қабілетіне, қабылдау және меңгеру деңгейіне қарай оқушылардың теориялық-практикалық білімін сараптау деңгейіне мынандай диагностика арқылы көрсетуге болады:

Өз бетінше жұмыс істеу қабілеті;

Тарихи оқиғаға өз көзқарасының болуы;

Материалдарды түрлендіру қабілеті;

Үй тапсырмасын орындау қабілеті;

Жаңа тақырыпты меңгеру қабілеті;

Логикалық ойлау дәрежесі;

Оқушының белсенділігі

Осы бағалау оқушының қандай деңгейде меңгеріп жатқанын, қандай мәселе туындап отырғанын анықтауға көмектеседі.

Пәнді меңгеру деңгейінің талаптары:

Қазақ хандырының тарихи даму кезеңдерін білуі тиіс;

алған теориялық білімді іс жүзінде қолданудың жолын білу;

Қазақ хандарының Қазақ хандығына байланысын терең зерделей білуі тиіс;

Әр хандардың кезеңдерін өзіне тән ерекшеліктері мен жаңалықтарына сәйкес ажырата білуі тиіс;

Әр замандағы хандардың өмір жолдары мен саяси биліктерін ажырата білуі тиіс;

Тарихи ұғымдар мен тарихи тұлғалардың мағынасын түсіне білуі тиіс;

Тұжырымдық бөлім

«Қазақ хандары» оқу-әдістемелік кешеніне: пәннің оқу бағдарламасы, пән бойынша әдістемелік материалдар, бақылау құралдары, сабақтың көрнекі құралдары, жұмыс дәптері енгізілген.

Бағдарлама 34 сағатқа арналған.

Кіріспе: пән туралы түсінік, ненің меңгерілетіні, өзектілігі айтылады. Курстың негізгі мазмұны көрсетіледі.(1 сағат)

Негізгі бөлім -5 тараудан тұрады:

1-тарау. тарау XV ғасырдағы қазақ хандары. 3сағат Бұл тарауда Керей хан, Жәнібек хан, Бұрындық хандардың өмірі, саяси билігі, жалпы хандықдың ішкі және сыртқы жағдайларына тоқталып, талдайды.

2-тарау. XVI ғасырдағы қазақ хандығы. (9сағат) Қасымханнан бастап Мамаш, Тақыр, Бұйдаш хан мен Қожа Махмуд хан, Тоғым хан, Ахмет хан, Наурыз Ахмет хан туралы айтылады. Олардың өз заманында даңқты қолбасшы екендерін оқып үйренеді.

Қайталау сағаты (1 сағат) Оқушылар алған білідерін жұымыс дәптерінде берілген тапсырмаларды орындау арқылы жүзеге асырады.

3-тарау. XVII ғасырдағы қазақ хандығы (3 сағат) . ХҮІІ ғасырлардағы қазақ хандары 3 сағат Бұл тарауда Тұрсын хан, Жәңгір хан, Тәуке хан туралы өтіледі. Олардың өмір жолы, саяси билігінен мәлімет алады, салыстырады.

4-тарау. XVIII- XIX ғасырдағы қазақ хандығы (3сағат) Батырдың билігінен бастап Болат хан, Жолбарыс хан, туралы мәлімет алады, талдай алады.

5-тарау. XVIII – XIX ғасырдағы Кіші жүз хандары (6 сағат) Бұл тарауда Әбілхайыр ханнан бастап Нұралы хан, Ералы хан, Есім хан, Айшуақ хан, шерғазы хандар туралы мәлімет алады.

6 - тарау. XVIII - XIX ғ.ғ Орта жүз хандары (7 сағат ) Бұл тарауда Қайып хан, Сәмеке хан, Әбілмәмбет хан, Абылай хан Кенесары хан туралы оқып үйренеді

«Қазақ хандығы» күнтізбелік сабақ жоспары

Сабақтың тақырыбы

Сағат саны

Мерзімі

Шығармашылық жұмыс

Пайдаланған әдебиеттер

Көрнекілік

Кіріспе

Хандар кестесін жазу

Қазақстан тарихы хрестоматиясы

Қазақ хандығы картасы

І тарау XV ғасырдағы қазақ хандары

Керей хан

Қосымша мәлімет жазу

Қазақстан тарихы хрестоматиясы

Карта

Видео

Жәнібек хан

Хан туралы қосымша мәліметтер жинақтау

Қазақстан тарихы «Шың» кітабы

сурет

Видео

Бұрындық хан

Қосымша мәліметтер жинап,буклет

суреттер

Қазақстан тарихы очерктер кітабы

Сурет

Видео

ІІ тарау XVI ғасырдағы қазақ хандары

Қасым хан

Баяндама дайындау

Видео слайд

Мамаш хан

Интернеттен қосымша мәлімет жинақтау

Қазақстан тарихы очерк кітабы

Сызба, кестелер

Тақыр хан

Қосымша мәліметтер жинау

Қазақстан тарихы «Шың» кітабы

Слайд

Бұйдаш хан мен Қожа Махмұд хан

Постер қорғау

Б.Б.Кәрібаев «Қазақ хандығының құрылу тарихы »

Слайд

Хан атағы болған сұлтандар: Тоғым хан, Ахмет хан,Наурыз-Ахмет хан

Қосымша мәліметтер жинау

Б.Б.Кәрібаев «Қазақ хандығының құрылу тарихы »

Карта тарихи сызбалар

Хақназар хан

Хан туралы буклет

Видео

Шығай хан

Реферат дайындау

Б.Б.Кәрібаев «Қазақ хандығының құрылу тарихы »

Кестелер

Тәуекел хан