4 саны мен цифры туралы бастауыш сыныпқа мақала

Сабақ тақырыбы; 4 саны мен цифры. Үлкен-кішкентай

Мақсаты:4 цифрымен таныстыру; заттардың шамасы бөлімі бойынша алғашқы ұғымдарын қалыптастыру; зейіндерін дамыту. Міндеттері:

математикалық жұмбақтарды көрген мәліметтерге сүйене отырып шешу;

4 цифрын 4 санының таңбасы ретінде таныстыру;

нүкте бойымен 4 цифрын бастырып салуды үйрену;

өзге цифрлардың арасынан 4 санын табу;

«үлкен», «кіші», «кішкентай» сөздерін пайдалана отырып, заттарды көлеміне қарай сәйкестендіруді үйрету;

көру арқылы есте сақтау қабілетінің дамуына ықпал ету;

тапсырманы тиянақты орындауға тәрбиелеу.

Қажетті көрнекі құралдар:демонстрациялық материал (№7 кесте ),үлкен, кішкентай заттардың салыстыруға арналған суреттері, цифрлар карточкасы, № 1 жұмыс дәптері. I. Ұйымдастыру кезеңі. Мұғалім: Оқушыға жұмбақ жасыру: Әйгерім өз себетіне, Үш саңырауқұлақ салды. Қарап жүрмей тағы да, Тал қасынан біреуін алды. Жоғалтпайық уақытты, Бізге тек санау ғана қалды. II.Негізгі кезең. Мұғалім суретте неше саңырауқұлақ болса, жолақ ішіне сонша дөңгелек салуды тапсырады. Содан соң сұрақ қояды: – Неше дөңгелек салдың? – Неліктен? 2-тапсырма. Мұғалім өлең оқып береді: Білек күші тасыған, Төрт күрескер ағаң. Қолын қойып беліне, Шаршамайды ешқашан. Мұғалім Оқушыға 4 цифрының сандар қатарындағы орнын анықтап, сол сан нешені білдірсе, сонша моншақ бояуды тапсырады. 3-тапсырма. Содан соң өзге цифрлардың арасындағы төрт цифрларын тауып, оларды қоршап шығуды тапсырады. III. Сергіту сәті: «Санамақ» Бір, екі, үш, төрт, Жиналамыз бәріміз. Бір, екі, үш, төрт, Секіреміз бәріміз. Бір, екі, үш, төрт, Отырамыз бәріміз.

Үлестірмелі материалмен жұмыс. Мұғалім Оқушыға мынадай тапсырма береді: барлық үлкен шаршыларды іріктеп алып төменгі жолаққа, ал кішкентайларын жоғарғы жолаққа қойып шығуларың керек. Бірақ олардың саны тең екендігі көрініп тұратындай болсын. Мұғалім оқушыдан шаршылардың көлемі қандай және әр жолақта неше шаршы бар екенін сұрайды. IV. Тапсырма.Балалар 1-қатарда неше киіз үй тұрғанын санайды, содан соң олардың көлеміне назар аударады. Осылайша 3-қатардағы суретке де талдау жасайды. Оқушы суреттің орналасу заңдылығын анықтағаннан кейін, мұғалім екінші қатардағы балықтарды қалай салу керектігін сұрайды. V. Тапсырма. Педагог балаларға жұмбақ жасырады: Мені қардан жасапты, Ойланып көр. Қолым – таяқ, Мұрным – сәбіз,…