Алтын күз бастауыш сыныпқа арналған тәрбие сағаты

Алтын күз

Оқу ісәрекеті: Тәрбие сағаты

Алтын күз

Әдемі сазды әуен ойналып тұрады, балалар тәрбиешімен бірге кіріп орындықтарға жайғасады.

Жүргізуші: Құрметті қонақтар, ұстаздар! «Тұлпар» тобымен , «Қошақан» тобының «Алтын күз» атты ертеңгілігіне қош келдіңіздер!

Армысыздар, халайық,

Бармысыздар, халайық!

Күзгі тойды жұп жазбай,

Бірге қарсы алайық!

Жүргізуші: Балалар, қазір жылдың қай мезгілі?

Балалар: Күз мезгілі.

Жүргізуші: Бүгін барлығымыз күз мерекесіне жиналдық. Ендеше күз ханшайымын ортаға шақырайық.

Бірге: Берекелі күз келді, мерекелі күз келді.

Күз: Сәлеметсіңдер ме, балалар!

Балалар: Сәлеметсіз бе, Алтын күз!

Күз: Береке бақ дарыған,

Жомарт көңіл жарқын жаз.

Сары алтынға малынған,

Алтын күз деген мен болам. Армысыздар, құрметті қонақтар, кішкентай бүлдіршіндер! Мен мерекеге кешігіп қалдым ба?

Балалар: Жоқ.

Жүргізуші: Шоғы толған гүлдей жайнап

Шақырады жарқын жүз

Сайрандаған күліп - ойнап,

Келді міне Алтын күз!

Күз: Балалар, сендерді көргеніме қуаныштымын. Мен сендерге бір жұмбақ жасырайын.

Ағайынды бәрі

Шықса жасыл

Түссе – сары. Бұл не?

Балалар: Жапырақ.

Күз: Дұрыс таптыңдар, жарайсыңдар!

Жүргізуші: Алтын күз, біздің балалар күз туралы өлең, тақпақтар біледі. Сіз жайланып отырып, балалардың өнерін тамашалаңыз.

Ән «Отан»

Тақпақтар:

Алтын, сары, қызыл, көк,

Алуан - алуан жапырақ.

Ағаштардан жамырап

Ұшты кенет жапырақ

Ортақ мекен жер шары

Төбемізде бір аспан

Барлық ұлттың баласы

Достығымыз жарасқан

Нан қоқымын шашпаңдар

Жерде жатса баспаңдар

Теріп алып қастерлеп

Торғайларға тастаңдар

Жүргізуші: «Қолшатыр» биі Тұлпар тобы

Күз ханшайымы

Ата - анамен ойын ойнатады.

Жүргізуші: Жемістерді қарсы алайық

Мен өріктен ірімін,

Алма, алмұртқа інімін

Тәттілердің бірімін,

Дастарханның гүлімін

Сусыныңды қандырар

Салқын саумал шырынмын.

Пісіп тұрған алмамын,

Тамсандырар бал дәмім.

Жерге сілкіп түсірме,

Ісіп кетер маңдайым.

Мен моншақты шиемін

Құмарсыңдар білемін,

Кетіп қалып жүрмесін

Тамағыңа сүйегім.

Тіл үйірген алмұртпын

Таңсығымын бар жұрттың

Жақсы өсіре алмайды.

Қараса егер салғырт кім

Күз: Өте тамаша, балалар! Кәзір менімен ойын ойнайсыңдар ма? Жапырақтарды бір бөлек себетке, алма, алмұрттарды бір бөлек себетке жинаймыз.

Ойын: «Жапырақтар мен жемістерді жинаy»

Жүргізуші: «Ұлдар биі» (Нұрдәyет, Бекнұр, Нүрислам, Серік, Нұрасыл)

Жүргізуші: Жарайсыңдар, балалар! Ал енді қонақтарымызды сынап көрейік

«Ұйқасын тап» ойыны.

1. Пісетін кезі дәл күзде

Мезгілсіз оны үзбе

Аузынан кетпес бал дәмі

Оның аты (шабдалы)

2. Кіп-кішкене болса да,

Ағаштың басын иеді.

Жемістерін айырып,

Танисың ба? (шиені )

3. Жапырақты тасалап,

Өсетін жері – бақша - бақ

Күрең қызыл шіркін - ай

Оның аты…(таңқурай )

Жүргізуші: Алтын күз, біздің балаларымыздың күз мерекесіне дайындаған күзгі сән үлгілерін тамашалаңыз.

Күзгі сән үлгілері: «Құлыншақ» тобы

«Күз » өлеңін тамашалаңыздар

Жүргізуші: Күз ханшаймы балалардың өнерлері ұнады ма?

Күз ханшайымы: Рахмет, балалар, маған мереке қатты ұнады. Ал енді менің орманға баратын уақытым болды

Берекелі бақ - дәулет,

Арта түссін тойланып.

Сау болыңдар, балалар,

Келгенше жыл айналып

Жүргізуші: Осымен, Алтын күз мерекесіне арналған ертеңгілігіміз аяқталды. Тамашалағандарыңызға рахмет!

Алтын күз

Тәуелсіздік тірегім!

Дайындағандар: «Жанерке» балабақшасының тәрбиешілері

Тақырыбы: «Күн дидарлы Қазақстан!»

Мақсаты: Балалардың Отаны, Рәміздері, Елбасы, желтоқсан оқиғасы, Тәуелсіздік күні туралы түсініктерін молайту. Мәнерлеп тақпақ айтуға, сахналық көріністерді көрсетулер арқылы еліне, отанына деген сүйіспеншіліктерін арттыру. Отанын, елін сүюге тәрбиелеу.

Еліміздің Тәуелсіздігіне орай өткізілетін мерекелік ертеңгілікке балалар залға вальс билеп кіреді. Мұнан соң барлығы Әнұранды орындайды.

Тәрбиеші: Сәлеметсіздер ме,балалар, қонақтар, әріптестер! Бүгінгі 16-желтоқсан Тәуелсіздік күніне арналған балабақшамыздағы мерекелік ертеңгілігімізді бастаймыз.

Рәміздерім – елдігімнің белгісі,

Білу керек бала –дағы ең кіші.

Рәміздерім- ӘНҰРАН, КӨК ТУ, ЕЛТАҢБА,

Рәміздерді жатқа білген жөн кісі.

Тәрбиеші: Балалар, біздің Отанымыз қалай аталады?

Балалар: Қазақстан.

Тәрбиеші: Қазақстан қандай мемлекет?

Балалар: Қазақстан тәуелсіз, егеменді мемлекет.

Тәрбиеші: Балалар, бүгін міне осы Тәуелсіздік мерекесі күні. Еліміздің президенті кім?

Балалар: Нұрсұлтан Әбішұлы Назарбаев.

Тәрбиеші: Еліміздің елордасы қай қала?

Балалар: Астана.

Тәрбиеші: Астана қандай қала?

Балалар: Астана-бас қала, әдемі, үлкен қала.

Тәрбиеші: Дұрыс айтасыңдар, балалар. Отан туралы тақпақтарымызды айтайық.

Отан- жерім, Отан- суым,

Отан қуат, нәр береді.

Отан- ұран, Отан- туым,

Отан мәңгі гүлденеді!

Қуат алған өзінен,

Туған елдің ұлымын.

Бақытты етіп өсірген,

Отанымның гүлімін.

Шырқап көкке аспан – ән,

Болашаққа бас қадам.

Қазақ рухын биіктет,

Ей, бас қалам- АСТАНА !

Қадамың бар баспаған,

Асуың бар аспаған.

Халқым жетсін мұратқа,

Ей, бас қала- АСТАНА!

Тәрбиеші: Біз бүгін тәуелсіздік алған күнімізді мерекелеудеміз. Біздің еліміз тәуелсіз болғандықтан өз мемлекеттік Әнұраны, Елтаңбасы және өзінің мемлекеттік туы бар. Балалар, мемлекеттік туымыздың түсі қандай екен?

Балалар: Туымыздың түсі – көк.

Тәрбиеші: Иә, өте жақсы.

–Ал, енді балалар, Рәміздерге байланысты тақпақтарымызды айтайық (балалардың тақпақтары тыңдалады).

Елтаңбасы елімнің,

Неткен әйбат, әдемі!

Тұнығындай көңілдің,

Ортада- аспан әлемі.

Құт, береке – шаңырақ,

Орын алған ол төрден.

Қанатты қос арғымақ,

Екі жақтан көмкерген.

Анаң- күнің, жүрегің,

Әкең – өмір тірегің.

Сен- бақытты ұлансың,

Бәрі саған қуансын!

Көк аспандай көкпеңбек,

Қазақстан жалауы.

Көк емес ол тектен-тек,

Елдің ашық қабағы.

Тәуелсіздік жолында,

Талай – талай тер тамған.

Билігім өз қолымда,

Еркіндігім – Елтаңбам.

Аспанымдай мөлдірмін,

Жайлауымдай жазықпын.

Өзенімдей өршілмін,

Гүлдерімдей нәзікпін.

Ақ ниеті- алтын күн

Асқақ арман – қыраны.

Жалауы бұл- халқымның,

Мәртебесі, мақтаны.

Ән: «Ел қорғауға әзірміз».

Мақта қыз бен мысық ертегісін сахналау

Білім беру саласы: Қатынас, әлеуметтік орта.

Білім беру бөлімі: Көркем әдебиет, тіл дамыту.

Ашық сабақтың тақырыбы: «Мақта қыз бен мысық» ертегісін сахналау.

Мақсаты: Балалардың бойында ертегілер туралы түсініктерін кеңейту, кейіпкерлердің айқын бейнесін көрсете білуге және кіші қойылымдарды сахналауды үйрету. Балалардың ойлау қаблеттерін, қимылдарын дамыту. Ауыз әдебиетіне деген қызығушылықтарын арттыру. Балаларды еңбекке, татулыққа тәрбиелеу.

Әдіс - тәсілдер: түсіндіру, көрсету, сұрақ - жауап.

Көрнекіліктер: ертегілер кейіпкерлері, буклет, слайдтар.

Сабақ барысы:

Ұйымдастыру кезеңі: Балалар ертегілер әлеміне кіріп, келген қонақтарға амандасады.

Күннің көзі ашылсын,

Көкке шуақ шашылсын.

Құтты қонақ келіпті,

Төрімізге еніпті.

Ал, кәнекей бәріміз,

Сәлем дейік үлкенге

Сәлеметсіздер ме, апайлар!

Есік қағылады. Балалар бұл кім екен біздің сабағымызға кешіп келген.

Ертегілер елінен Қызыл телпек келеді.

Қызыл телпек: Сәлеметсіздер ме, бұл «Айгөлек» тобыма? Мұнда ертегілер кейіпкерлері бар деп естіп келдім. Осы ертегі кейіпкерлерімен бірге өз еліме қайтсам деймін. Балалар мені де ала кетіңдерші.

Тәрбиеші: Қызыл телпек асықпа, қош келдің, төрлет біздің қонағымыз бол. Бізбен бірге «Мақта қыз бен мысық» ертегісін тамашала.

Балалар енді бәрі келіп болған сияқты. Олай болса, сабағымызды бастамас бұрын, мен сендерге бір жұмбақ жасырайын деп тұрмын.

Жұмбақ: Мұртын сипат күні бойы,

Бетін сусыз жуады.

Тысырды аңдып түні бойы,

Тышқанды көп қуады.

(мысық)

- Жарайсыңдар, балалар. Бүгін балалар мен сендерге «Мақта қызбен мысық» ертегісі мен таныстырамын. Олай болса, біріміз экранға назар аударайық. Ертеде бір Мақта қыз болыпты. Мақта қыздың жақсы көретін мысығы болған екен, бір күні Мақта қыз үйді жинап жатып бір мейіз тауып алады. Бөлісіп жемек болып Мақта қыз мысығын шақырады:

- Мысығым, мысығым! Ау, мысығым, мысығым! – деп.

Мысық күннің көзінде маужырап ұйықтап жатқан түрі Мақта қызға баруға ерінеді. Мақта қыз мысығын шақырғанға келмеген соң, мейізді өзі жеп қояды. Біраз уақыт өткен соң ұйқысы қанған мысық Мақта қызға келеді.

Ия, Мақта қыз, мені неге шақырдың? – дейді.

Мақта қыз:

- Шақырғанда келмегенсің, енді айтпаймын! – дейді

Мысық:

Айтпасаң, мен сенің қатығыңды төгіп тастаймын! – дейді

Мақта қыз:

Ал мен сенің құйрығыңды жұлып аламын! – дейді.

Сонымен мысық қатықты төгеді, Мақта қыз мысықтың құйрығын жұлып алады. Біраз уақыт өткен соң мысық мақта қызға келіп құйрығын сұрайды.

Мақта қыз:

- Менің қатығымды төле! – дейді.

Мысық сиырға барады:

- Сиыр, сиыр, маған қатық берші! – дейді.

Сиыр:

- Менің қарным ашып тұр. Маған жапырақ әкеліп берші! – дейді.

Мысық ағашқа барып:

- Ағаш, ағаш, жапырағыңды берші! – дейді.

Ағаш:

- Мен шөлдеп тұрмын. Су әкелсең, жапырақ беремін, - дейді.

Мысық суға бара жатса, су әкеле жатқан қыздарды көреді:

Қыздар, маған су беріңдерші! – дейді.

Қыздар оған:

- Бізге сағыз әкеліп берсең, біз саған су береміз, - дейді.

Мысық суға бара жатса, су әкеле жатқан қыздарды көреді:

Қыздар, маған су беріңдерші! – дейді.

Қыздар оған:

- Бізге сағыз әкеліп берсең, біз саған су береміз, - дейді.

Мысық дүкенге барады:

- Дүкенші, дүкенші, маған сағыз берші!- дейді

Дүкенші:

- Маған жұмыртқа бер, - дейді.

Мысық тауыққа барады:

- Тауық, тауық, маған жұмыртқа берші! – дейді

Тауықтар:

- Бізге дән әкеліп берсең, біз саған жұмыртқа береміз, - дейді.

Мысық: “Енді не қыламын!” деп бара жатса, ін қазып жатқан бір тышқанды көреді. Мысық тышқанды бас салады:

- Жаныңның барында айт! Үйіңде не бар, - дейді.

- Тышқан қорыққаны соншалықты:

- - Үйімде бір табақ тары бар, - дейді.

Мысық:

- Маған бір уыс тары бер, - дейді.

Тышқан үйіне барып, бір уыс тары әкеліп береді.

Мысық тарыны апарып тауыққа береді. Тауық жұмыртқа береді. Жұмыртқаны апарып дүкеншіге береді. Дүкенші сағыз береді. Сағызды апарып қыздарға береді. Қыздар су береді. Суды апарып ағашқа береді. Ағаш жапырақ береді. Жапырақты сиырға береді. Сиыр қатық береді. Қатықты апарып Мақта қызға береді. Мақта қыз мысықтың құйрығын қайтарып береді.

Тәрбиеші: Балалар ертегі не туралы?

- Мақта қыз бен мысық.

- Мақта қыздың сүтін неліктен төкті мысық?

- Неге шақырғанын айтпағаны үшін.

Олай болса, балалар бәріміз орынымыздан тұрып «Мысық туралы» айтып берейікші.

Құйрығын қуып ойнайды,

Қума десем қумайды.

Шыр көбелек айналсам,

Жетемін деп ойлайды.

Кис - кис десем келе ғой,

Айтқаныма көне ғой.

Шақырғанда кис - кис деп,

Мияу деп дыбыс бере ғой.

Балалар сендер осы ертегіні рөлге кіріп ойнайсыңдар ма?

Балалар ертегіні бастарына атрибуттарын киіп ойнайды.

- Жарайсыңдар, балалар енді осы ертегіні сахналап көрейік.

Қорытынды: - Балалар бүгін біз қандай ертегісімен таныстық?

- Ертегі сендерге ұнады ма?

Қызыл телпек: Балалар сендер өте өнерлі екенсіңдер, мен сендерге ертегі елінен алтын жұмыртқа алып келдім соны қабыл алыңдар. Сабаққа қатысқан балаларды бағалау, мадақтау. Келген қонақтарға сау болыңыздар дейік. Рахмет келгендеріңізге сау болыңыздар.

«Жүректің жылуын сыйлайыншы анама»

Музыка залы әсем безендірілген

Жүргізуші: Қайырлы күн!Қымбатты аналар,ақ жаулықты әжелер,әріптестер!

Барлығыңызды көктемнің алғашқы мейрамы 8-наурыз Аналар