5 санының пайда болуы туралы мектепалды материал

«5 санының пайда болуы. Топтарды санау мен салыстыру арқылы санның мағынасын дұрыс жалпылау»

Мақсаты: көрнекі негізінде 5 қалыптастыруға, топтарды санау мен салыстыруарқылы санның мағынасын дұрыс жалпылауға үйрету.

Міндеттері: БМ. Көрнекі негізінде 5 санының пайда болуымен және оның цифрлық ұғымымен таныстыру, сандық өлшеуіштегі орнын көрсету.

6 көлеміндегі санға дейін сандар жиынтығын салыстырып жаттықтыру. Тәулік бөліктері және геометриялық пішіндер туралы білімдерін бекіту.

ДМ. Логикалық ойлауды, ерікті түрде назар аударуды дамыту.

ТМ. Оқуға деген ынтасын, тапсырмаларды орындауға құлшынысын ояту.

І Ынталандыру кезеңі

Қалыпты эмоциялық көңіл-күй орнату. Мақсаттық болжам (2,3мин)

О/с: «Жылдам әрі батыл!»

Тәрбиеші:

Сендер ептісіңдерме? Батылсыңдарма?Ақылдысыңдарма? Талаптысыңдарма? Бәрін үйреніп білгілерің келеме?

Бәрін білгілерің келсе қанекей қол ұстасып шеңбер жасап тұрыңдар.Алдымен кең шеңбер құрыңдар, артынша тар шеңбер құрыңдар.Қараңдаршы қандай ептілікпен тапсырманы орындап шықтыңдар!

Тәрбиеші ҰОҚ тақырыбын хабарлайды: 5 санын түзуді үйренеміз, заттарды салыстырамыз, математикалық ойындар ойнаймыз.

ІІ Ұйымдастыру – ізденіс кезеңі

Негізгі бөлім (17-18мин)

Алған білімді қайталау және бекіту.

«Заттардың жиынтығын салыстыр»д/о.

Мақсаты: «көп», «аз» ұғымдарын қолдана отырып, топтарды санаумен салыстыру арқылы санның мағынасын дұрыс жалпылауға үйрету.

Тәрбиеші жиынтық полотноға пәндік заттарды қояды немесе пәндік сөрелерге ойыншықтар ( көп, аз немесе тең) қояды. Балалар олардың санын айтады, салыстырады, жауаптарын дәйектейді.

«Бұл қай кезде болады?» тәулік мезгілдерін анықтау

Балалар карточкаға қарап тәулік мезгілдерін атайды, өз жауаптарын түсіндіреді.

«5 санын жаса!»

Көрнекі құралдардың көмегімен 5 санының құрамын анықтау.

Әрқайсысы ң 5-5 тен геометриялық пішіндерді алыңдар.Олады бір қатарға қойыңдар, мұқият қараңдаршы, сендерде қандай пішін бар? 5 санын қалай алдыңдар? ( Мысалы, 4 шаршы және бір үшбұрыштың қосындысынан 5 саны шықты)

Жаңа түсініктермен жұмыс(5 санын түзу)

Ойын арқылы білімдерін жетілдіру

«Заттарды құрастыр»д/о

Мақсаты: көрнекі негізінде ( практикалық әдіспен) жаңа санды ( 5) қалыптастыру және оны цифрлық ұғымымен сәйкестендіру.

Тәрбиеші балаларға 1 ден 4-ке дейінгі цифрларды реті бойынша қоюды сұрайды. Кім тапсырманы бірінші болып, жылдам орындаса, сол бала цифрларды тақтаға жабыстырады.

Әрі қарай тәрбиеші балаларға үстелдің үстіне кубиктан жасалған 4 баған жасауды ұсынады. 1 бағанға 1 кубик, 2шісінде 2, солай жалғасып кете береді. Бағандардың жанына цифрларды қоюларын сұрайды.

Балалар өткен сабақта кубиктардан бағандар жасау арқылы жаңа сандар алғандарын айтады. Тәрбиеші сол тәсілмен 5 санын жасауды ұсынады.

4ші бағанға неше кубик бар? Цифрмен көрсетіңдер.

Дәл осындай бағанды 4 кубиктің көмегімен көтеріңдер. Соңғы екі бағандағы кубиктердің саны туралы не айтуға болады? ( тең)

Соңғы бағандағы жоғарғы тұрған кубиктің үстіне тағы бір кубик қойыңдар.