5-сынып Әбіштану факультативі Әке поэмасы сабағы

Бекітемін:

Сабақ жоспары

Күні: 11.10.18 Пәні: Әбіштану Сыныбы: 5 «А»

Сабақтың тақырыбы: «Әке» өлеңі

Сабақтың мақсаты:

Ақынның «Әке» өлеңімен таныстыра отырып, оқушының білім-білік

дағдыларын қалыптастыру. Өлеңнің негізгі идеясын ашу;

Оқушыларды өлеңді мәнерлеп әрі жатқа айтуға бейімдеу;

Өлеңді сүюге, өнерге құрметпен қарауға тәрбиелеу;

Сабақтың түрі: аралас сабақ

Сабақтың әдіс-тәсілдері: мәнерлеп оқу, баяндау, сұрақ-жауап, талдау, топпен жұмыс

Сабақтың көрнекілігі: Ә.Кекілбаевтың 12 томдық шығармалар жинағы, жазушы портреті, буклет, «Әбіштану» факультативінің жұмыс дәптері, алаша, асық, интерактивті тақта т.б.

Пәнаралық байланыс: әдебиет, музыка, тарих

Сабақтың барысы:

I Ұйымдастыру кезеңі (3 минут)

А) Оқушылармен сәлемдесу; Ә) Оқушы назарын сабаққа аудару;

Б) Оқушыларды «Бір шаңырақ астында» әдісі бойынша топқа 4 бөлу. Әр оқушы шаңырақтың уықтарын таңдап алады. Уықтың артында жасырынған сөздер арқылы топқа бөлінеді. («Еңбек», «Достық», «Бірлік» топтары.)

Бір шаңырақ астында

Тату-тәтті тұрамыз.

Бірге оқимыз сабақты,

Бірге сайран құрамыз.

Ортақ болып ісіміз,

Еңбек десе тынбаймыз.

Кіші сыйлап үлкенді,

Апайдың ақылын тыңдаймыз.

Достықты үлгі санаған,

Бір үйде біз тұрамыз.

Қалған ата-бабадан,

Бірлік – асыл мұрамыз

II Үй тапсырмасын тексеру кезеңі (5-7 минут)

Ә.Кекілбаевтың өздеріне ұнаған бір өлеңін жаттау.

III Жаңа сабақты түсіндіру кезеңі (25 минут)

Қай қаламгер болмасын, өз шығармашылығын әуелі өлең жазудан бастайтыны мәлім. Шимай-шатпақ өлең жолдары мүмкін олардың бала қиялына қанат бітіріп, армандарын көкке алып ұшатын болар. Әбіштің де өлеңдері – өткен күннің естеліктеріне толы. Бұған дәлел – ақынның «Алтын шуақ», «Дүние ғапыл» атты жыр жинақтары. Соғыс тақырыбындағы өлеңдерінде бала Әбіштің сұм соғысқа деген лағнеті жатқандай. Ал әкесіне деген сағыныштан туған сырлары жүрегіңді сыздатса, туған жер, ана тақырыбындағы толғаныстары оқуда жүрген бозбала шағында туса керек...

«Әке» атты өлеңінде:

Жиырып ала шұбар алашаны,

Жиылып бала-шаға бал ашады.

″Келеді көкем, сақа алшы түсті!″

Көп бала көк сақаға таласады.

Солармен менде бірге таласамын,

Солармен менде бірге бал ашамын.

Қуанам, алшы түссе, ″Келеді!″ деп,

Үстінде тайран салып алашаның