6 сыныпқа арналған Құлагер туралы сабақ жоспары

Пәні: музыка

Класы 6 Күні:

Сабақтың тақырыбы: Ақан Сері Қорамсаұлы. Аңыз болған - Құлагер

Сабақтың мақсаты: Топтық жұмыс негізінде Ақан сері образын талдатаотырып, сипаттамасын ашу арқылы отансүйгіштікке баулу.

Сабақтың міндеттері:

Білімділік Оқушыларды Ақан серінің шығармашылығымен жете таныстыр

Дамытушылық Ақан серінің «Балқадиша» әнін тыңдата отырып, ой өрістерін дамыту,ән айту дағдыларын арттыру

Тәрбиелік Ақан серінің музыка өнерінде алатын орны және шығармашылығы арқылы ұлттық әдет-ғұрып, салт-дәстүрді білуге тәрбиелеу.

Сабақтың түрі: Аралас сабақ.

Сабақтың әдіс-тәсілдер: Түсіндіру, сұрақ-жауап, ән тыңдату,топтастыру әдісі.

Пән аралық байланыс: Әдебиет, Тарих.

Сабақтың көрнекілігі: Ақан серінің суреті, дискіден күй тыңдату,плакаттар.

Сабақ барысы:

I.Ұйымдастыру

Психологиялық тренинг. Армысың шапағатты күніміз, Армысың мейірімді жеріміз. Жүрегіміз саз әуенді қалаған, Асыл өнер жанашыры біздерміз.

II. Жаңа сабақ

- Жалпы «Құлагер» поэмасы Ақан сері Қорамсаұлымен байланысты.

Құлагер – Ақанның сәйгүлігі болған.Ақан сері Қорамсаұлы (1843 – 1913 ж) – композитор, лирик ақын. 1843 жылы Көкшетау облысының Қоскөл деген жерінде ауқатты малшының жанұясында дүниеге келген. Ақынның шын аты- Ақжігіт. Ақан Серінің өмірі мен шығармашылығы XIX ғасырдағы музыкалық – поэтикалық өнердің дарынды өкілдерінің ішінде ерекше орын алады. Оның есімі халық есінде тек қана дарынды ақын және композитор ғана емес, сонымен бірге сирек кездесетін әнші ретінде де сақталған. «Ақын – Ақан» деген атқа өте ертеден – ақ ие болады. Ал Ақан кішкентайынан өзінің зеректігімен, әрнәрсеге әуестігімен көзге түседі. Он төрт жасынан бастап Ақан даңқы оның туған ауылынан алысқа тарап, кемеліне жеткен ақын, талантты сазгер ретінде танылады. Кәмелетке толған шағында сәнді қымбат киім киіп, жолдастарымен ауылдан ауылға қыдырып, сал – серілік өмірді өткізе бастайды. Көптеген сал – серілер тәрізді Ақан да аңшылыққа құмар болады. Құсбегі, тазшыл, атбегі Ақан жүйрік тазы, лашын, қыран ұстайды. Оның шығармашылық өнерінде өз өмірінің осы қырлары айқын бейнеленеді. Ақанның «Көкжендет», «Бозторғай», «Қараторғай» әндері аң аулайтын құстарға арналса, Алты Алашқа тараған «Құлагер», «Маңмаңгер» әндері өзінің сүйі