7 сыныпқа жасуша мен ұлпа туралы ашық сабақ

Биология пәнінен қысқа мерзімді жоспар

7.1D Жасушалық биология

Мектеп: «№ 25 жалпы орта мектебі» кмм

Күні:

Мұғалімнің аты-жөні: Сопбекова Ж.Е.

СЫНЫП: 7

Қатысқан оқушылар саны:

Қатыспаған оқушылар саны:

Сабақтың тақырыбы

Жасуша, ұлпа, мүше, мүшелер жүйесі түсініктері. Өсімдіктер және жануарлар жасушаларын салыстыру.

Осы сабақта қол жеткізілетін оқу мақсаттары

7.4.2.1 - «жасуша», «ұлпа», «мүше», «мүшелер жүйесі» ұғымдарды түсіндіру;

7.4.2.2 - өсімдіктер және жануарлар жасушаларын ажырату

Сабақтың мақсаты

Барлық оқушылар орындай алады:

«Жасуша», «ұлпа», «мүше», «мүшелер жүйесі» ұғымдарына анықтама бере алады, мазмұнын түсіндіре алады.

Оқушылардың көпшілігі орындай алады:

Жасуша –мүше-ағза сызбасын құрастыра алады, олардың өзіндік ерекшеліктерін салыстыра алады.

Кейбір оқушылар орындай алады:

Өсімдіктер мен жануарлар ағзаларындағы жасуша, ұлпа, мүше, мүшелер жүйесі арасындағы өзара байланыстарды анықтап, тақырыпты өз бетінше дұрыс түсіндіре алады.

Бағалау критерийлері

Оқушылар жасуша, ұлпа, мүше, мүшелер жүйесіне байланысты тірексөздердің анықтамасын біледі. Өсімдіктер және жануарлар жасушаларының айырмашылықтары мен ұқсастықтарын көрсете алады. Жасуша органоидтарының құрылысы мен қызметін сипаттай алады.

Тілдік мақсаттар

Оқушылар:

Жасуша, ұлпа, мүше, мүшелер жүйесі терминдерін қолдана отырып, тіршіліктің құрылымдық деңгейлерін ауызша және жазбаша сипаттай алады.

Пәндік лексика мен терминология:

Жасуша, ұлпа, мүше, мүшелер жүйесі, ағза

Нейрон,бұлшық ет жасушасы, тірек ұлпа, жабын, бөліп шығару, негізгі, түзуші ұлпа, эпителий, дәнекер, жүйке ұлпасы, бұлшықет ұлпасы

Диалог/жазу үшін пайдалы бірқатар үзінділер

Жасуша …құрылымдық бірлігі.

Жасушалар … түзеді.

Ұлпа … түзеді.Өсімдік ұлпаларына ...... жатады.

... – жасушаның көбеюіне қатысады.

Құндылықтарды дарыту

Құрмет

Негізгі ұғымдарды талдау кезінде оқушылардың бір-бірінің пікірімен санасып құрмет көрсетуі.

Ынтымақтастық

Жұпқа және топқа берілген тапсырманы бірлесіп орындау, оқушылар арасындағы ынтымақтастықты қамтамасыз етеді.

Ашықтық

Оқушылар құрылымдық деңгейлер туралы өз ойларын айтып, топқа берілген тапсырманы бірге талдайды.

Еңбек және шығармашылық

Оқушылардың білімге қызығушылығы, өзін-өзі дамытуы.

Пәнаралық байланыстар

Құрылымдық деңгейлердің үйлесімділігін түсінуі химия пәнімен байланысты. /атом-молекула-зат/

АКТ қолдану дағдылары

Ақпарат көздерімен жұмыс істей білу

Бастапқы білім

Оқушылар өсімдіктер мен жануарлардың жасуша, ұлпа, мүшелерден тұратынын 5,6-сыныптардан біледі.Тірі ағзалардың жасушадан құралатындығын біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

5 минут

Ұйымдастыру кезеңі:

«Шаттық шеңбері» аясында топтасу.

Үй тапсырмасы: «Зымыран сұрақтар» әдісі арқылы сұрақтар беріледі.

Жүйелеу дегенді қалай түсінесің?

К.Линней жануарларды қандай жүйелік топтарға жіктеді?

Өсімдіктерді жүйелеудің ерекшелігі неде?

Түр дегеніміз не?

Жануарларды жіктеу барысында ең жоғарғы деңгей мен ең төменгі деңгейді ажыратып, сипатта.

Психологиялық ахуал орнату арқылы сабақтың тақырыбына шығу: Тақтаға өсімдік және жануарлар жасушалары, ұлпалары және мүшелерінің мысалдары бейнеленген суреттер жиынтығы ұсынылады. Суреттерге қарап оқушылар сабақтың тақырыбын тауып айтады. Сабақтың мақсаттары мен жетістік критерийлерімен танысады. Суреттер бойынша топтарға бөліну (өсімдік және жануар ұлпалары)

қағаз ,презентация

«Жасуша-ұлпа-мүше-мүшелер жүйесі» бейнеленген суреттер

топтарға бөліну үшін ұлпалардың суреттері

Сабақтың ортасы

25 минут

Тапсырма №1. Білу деңгейі «Мағынаны ашу» тапсырмасы

Ұғымға анықтама беріңдер. (Мысалы, жасуша – тірі ағзаның ең кіші құрылымдық бірлігі).

Термин

/Құрылымдық деңгейлер/

Анықтамасы

Жасуша

Тірі ағзаның ең кіші қызметтік бірлігі

Ұлпа

Шығу тегі, құрылысы, атқаратын қызметі ұқсас жасушалар тобы

Мүше

Белгілі пішіні, құрылысы, орналасқан орны бар бір немесе бірнеше қызмет атқаратын ағза бөлігі

Мүшелер жүйесі

Шығу тегі, құрылысы және атқаратын қызметі ұқсас мүшелер жиынтығы

Мүғалімнің көмегімен жауаптары тексеріліп, дәптерлеріне жазып алады.

Бағалау критерийлері

Дескрипторлар

Ұғымға анықтама береді.