8 наурыз мерекесіне арналған ертеңгілік сценарийі

Жүргізуші: «Бар жақсылық күллі әлемге тараған, Аналардың ақ нұрынан жаралған» - дей отырып, қадірлі аналар, ардақты әжелер сіздерді көктеммен күлімдей келген Халықаралық аналар мерекесімен шын жүректен құттықтаймыз. Сіздерге зор денсаулық, мол бақыт тілейміз және кішкентай бүлдіршіндеріміздің дайындаған

«Анам күн шуағым менің!» атты ертеңгілігімізді тарту етеміз.Серік: Армысыздар, аяулы аналар!Айша: Армысыздар, мейірімді әжелер!Д.Алинұр: Армысыздар, қызғалдақтай құлпырған қыздар!

Аналар ,барша қонақтар!

8- наурыз мерекесі құтты болсын!

Құрметтейік балаларды аналарды.

Бізді өмірге әкелген даналарды,

Себебі ана деген асыл жан ғой.

Ойлауменен істелік әр қадамды.Балалар музыка әуенімен залға қолға гүлдерін ұстап билеп кіріп, жарты шеңбер болып тұрады.Ән: «Анажаным» (Орындарына отырады)

Жүргізуші:Ақ қар еріп

Су көбейіп!Сай салаға толады.

Ағаш басы бүршік атып,

Гүл бәйшешек басады.

-Балалар, айтындаршы бұл қай кезде болады?(Көктем мезгілінде)

Қазір жылдың қай мезгілі?

Дұрыс айтасыңдар көктем мезгілі.Қанекей бәріміз бірге ару Көктемді қарсы алайық.

(Әсем әуенмен көктем кіреді.)Көктем: Мен көгілдір көктеммін,

Былтыр келіп кеткенмін.

Орманда бұлбұл сайраған

Көптен күткен көктеммін!

Сәлеметсіңдер ме, балалар! Сәлеметсіздер ме, қонақтар! Айнала қандай тамаша! Балалар, бүгін бәрін өте әдемі болып кетіпсіңдер. Міне менде сендерге асыға жеттім, келе жатқан көктем мерекелерің құтты болсын!Жүргізуші: Рахмет саған көктем, біздің балалардың көңілін бір көтеріп тастадың! Ендеше, біздің балалардың сізге арнаған тақпақтарын тыңдаңыз.Тақпақтар:Дания: Той пердесін ашайық

Тойға шашу шашайық

Аналарды құрметтеп

Ән маржанын ашайық

Серік: Ана дейміз бәрімізде аңқылдап

Ана дейді,жас сәби де жарқылдап

Ана деген,бәйтерегі өмірдің

Ана деген,алтын қазық алтын бақ

Ақнұр: Сегізінші наурыз келді

Шаттық сезім әкелді

Қуанышты күнде енді,

Құттықтаймыз сіздерді

Айбар:Адал бол деп –балдырған

Әділдікке баулыған

Жүргінде махаббат

Тілегінде махаббат

Анамызға мың алғыс

Нұрдәулет: Бүгінгі көктем күнінде

Барлық адам қуанар

Аналарды мейраммен

Құттықтайды балалар

Димаш: Біз доспыз гүлдермен

Текке оны жұлмаймыз

Той күні бір-бірден

Аналарға сыйлаймыз

Билал: Бізді өсірген анашым

Еңбегінде зор екен

Құтты болсын анашым

Құтты болсын мерекең

Әлсейіт: Әлпештеген аялаған

Ақ сүт беріп өсірген

Аналарды мейрамымен

Құттықтаймыз бүгін мен

Мирас:Жарқын жүзді жан анам

Сендей болсын бар адам

Сендей болса бар адам

Шаттық кетпес баладан

Ердал: Мен гүлдерді жұлмаймын

Торғайларды қумаймын

Айтқан сөзін тыңдаймын

Анашымды сыйлаймын

Бағнұр:Әжемді мейрамымен құттықтаймын

Айтатын ән,беретін гүлім дайын

Әжетай сені жақсы көремін деп

Ақырын құлағына сыбырлаймын

Айару:Мен әжемді сүйемін

Киімімді өзім киемін

Ақылына көнемін

Өлең айтып беремін

Жүргізуші: Балалар қараңдаршы? Қандай әдемі қызғалдақтар жайқалып өсіп тұр? Қалай ойлайсыңдар балалар?Аралар не үшін гүлдерге қонады? (балалардың жауабы) Себебі бал жинау үшін! Дұрыс айтасыңдар!

Би:«Қызғалдақтар мен аралар»

Мадияр,Рамазан,Алияр,Ерасыл,Ердал-Дениза,Дамла,Дания,Айару,Бағнұр

Көктем:Балалар сендер ойын ойнағанды жақсы көресіңдер ме? Мен сендерге «Гүлдер» ойынын әкелдім.

Ойынның шарты: -Дұрыс менің қолымда қызғалдақ гүлдер, Қазір мен бұл гүлдерді жерге бесеуін қоямын,музыка ойналады,сендер билейсіңдер,музыка тоқталғанда тез гүлді жерден алу керек,кім үлгірмейді сол ойынан шығады.

Нұрислам,Айдай,Ерасыл,Ә.Алинұр,Ф.Алинұр,Алияр

Көктем:Балалар менің уақытым келіп қалды. Бірақ мен енді әркез сендермен бірге боламын! Сау болыңыздар!

Би: «Кукарелла»

Ақнұр,Айша,Серік,Д.Алинұр

(Көңілді әуенмен Сайқымазақ келеді)Сайқымазақ: Сәлеметсіңдер ме балалар! Неге мені мерекеге шақырмадыңдар? Мен дауыстарыңды естіп тез асығып сендерге жеттім.Менің атым Тилли.Мен сендерге алыстан келдім.