А. Байтұрсынов Егіннің бастары 5-сынып сабақ жоспары

Ұзақ мерзімді жоспар тарауы: 3-бөлім: Адамгершілік-асыл қасиеттер Мұғалімнің аты-жөні: Адамбаева Бакытгуль Тарибаевна Мектеп: «ЖББ №5 орта мектебі» КММ Күні: Сынып: 5 Қатысқандар: Қатыспағандар: Сабақ тақырыбы

А. Байтұрсынов «Егіннің бастары»

Осы сабақта қол жеткізілетін оқу мақсаттары

5.Т\Ж2. Әдеби шығарманың тақырыбы мен идеясын анықтау

Сабақ мақсаты А.Байтұрсыновтың «Егіннің бастары» өлеңінің тақырыбы мен идеясын анықтау Бағалау критерийі

 шығарманың идеясына қатысты тақырып ұсынады;  шығармадан идеяға қатысты шумақты анықтау арқылы, өзіндік тұжырым жасайды; Тілдік мақсаттар

Диалог немесе жазу үшін қажетті тіркестер: «Мен ... пікірімен келіспеймін/келісемін, себебі...» Құндылықтарға баулу

- қарым-қатынас жасау; - шығармашылық және сын тұрғысынан ойлау; - өмір бойы оқуға дайын болу; - жауапкершілік; Адамгершілік қасиеттерді насихаттау мысалдағы кейіпкерлер әрекеті арқылы беріледі Пәнаралық байланыс

«Сәлемдеме хат» ойынында балалардың музыка ырғағына билеуі арқылы ән-күй, хореография, дене шынықтыру пәндерімен байланыс орнатылады. Топта постер дайындау графика, сызу, сурет салу дағдыларын шыңдайды. Сергіту сәті оқушыларды өз көзқарастарын білдіруге ынталандырып, өз- өздерін тануларына ықпал етеді Алдыңғы білім Оқушылар алдыңғы сабақта мысалдың сюжеттік дамуын сипаттап, композициялық құрылысына талдау жасады. Оқушылардың мысалдың толыққанды фабуласын білуі олардың тақырып мен идеяны анықтауларына көмектесе алады Сабақ барысы Сабақтың жоспарланған кезеңдері

Сабақта жоспарланған жаттығу түрлері Ресурстар

Сабақтың басы – 15мин. Ширату жаттығуы-сабақ тақырыбына байланысты оқушылардың қызығушылығын тудыру.

ҰЖ. «Сәлемдеме хат» әдісі. Оқушылар музыка әуенімен билеп тұрып, өткен сабақ бойынша сұрақ жасырылған сәлемдемені бір-біріне жылдам беріп тұрады. Әуен тоқтаған кезде, сәлемдеменің бір бөлігін ашып, түскен сұраққа жауап береді. Сәлемдеменің соңғы бөлігі түскен оқушы, бидай суретін алып шығып, бүгінгі сабаққа қатысты өз болжамын айтады.

ТЖ. Балалар, жаңа сабаққа көшпес бұрын топ құрамын жасап алайық. Ол үшін Сіздерге бір жұмбақтың бойындағы сөздер жеке-жеке қағаздарда таратылады. Сіздер оны дұрыс құрастыру арқылы, топ құрамын анықтай аласыздар.

Жұмбақтар:

«Сәлемдеме хатқа» жазылған сұрақтар

жұмбақ

1. Ұзын мұртты сарылар, Қойынында дәні бар (егін) 2. Қыр басында әрқилы, Сары теңіз толқиды (бидай) 3. Жезге ұқсас сабағы, Дәні -халық тамағы (бидай) Топ жұмбақ мазмұнын құрастырып, жауабын табады.

Балалар, жұмбақ жауаптарынан-ақ сабақтың қай тақырыпта өрбитінін біліп отырсыздар. Ендеше бүгін сабақта Т\Ж2. мақсаты бойынша А.Байтұрсыновтың «Егіннің бастары» мысал өлеңінің тақырыбы мен идеясын анықтаймыз.

сөздері жазылған қима қағаздар

Сабақтың ортасы – 20мин.

ТЖ. «Фрайер» әдісі. Әр топқа «Фрайер» графикалық органайзері таратылады. Олар органайзердің бөліктеріне талап етілетін ақпаратты ұйымдастырып, түсірулері қажет.

Тең ортасы – «Егіннің бастары» 1-бөлік – мысалдың тақырыбы? 2-бөлік – идеясы неде? 3-бөлік – визуализация 4-бөлік – өз тұжырымы

Дескриптор: - мысалдың көздеген тақырыбын жазады; - оған дәлел болатын 2 сөйлемді мысалдан теріп жазады; - өз тұжырымдарымен идеясын көрсетеді; - идеяны ашуға негіз болып тұрған шумақты анықтап, жазады; - идеялық мазмұнды ашатын креативті сурет салады; - 1 сөйлеммен өз тұжырымын жасайды.

Мұғалім бұл жұмысты орындау кезінде оқушыларға мысал мәтініндегі сөз оралымдар мен сөйлемдерді қолдана алатындықтарын ескертеді.

ЖЖ. Дайын постерлер аудиторияның әр жеріне ілінеді. Оқушылар «Галереяда ой шарлау» әдісімен әр топтың постерлеріндегі жазылған ойларды қарап шығады. Сонан соң «Ойлан, жұптас, талқыла» әдісімен жұптарда ой бөліседі.

Флипчарт, маркер

«ПОПС» жазу құрылымы парақтары