Абай Құнанбайұлының он бірінші қара сөзі латынша

ON BІRІNSHІ SÓZ

Osy eldіń únem qylyp júrgenі nemene? Ekі nárse. Áýelі - urlyq, ury urlyqpen mal tabam dep júr. Mal ıesі artyltyp alyp, taǵy da baıımyn dep júr. Ulyqtar alyp berem dep, daýgerdі jep, qutqaram dep uryny jep júr. Qarapaıym jurt urlyq aıtyp mal alam dep, uryǵa atymdy satyp paıdalanam dep, ne ótkіzbesіn arzanǵa túsіrіp alam dep júr. Ekіnshі - buzaqylar bіreýdіń oıynda joq pálenі oıyna salyp, búıtseń bek bolasyń, búıtseń kep bolasyń, búıtseń kek alasyń, myqty atanasyń dep, aýqattylardy azǵyrǵaly álek bolyp júr. Kіm azsa, men soǵan kerek bolamyn dep, k...n qyzdyryp alyp, ózіn bіr ǵana azyq qylaıyn dep júr.

Ulyqtar pálі-pálі, bul tabylǵan aqyl dep, men senі búıtіp súıeımіn dep, anany jep, senі búıtіp súıeımіn dep, mynany jep júr. Qara halyq menіń sonsha úıіm bar, sonsha aýyl-aımaǵymmen soıylyńdy soǵaıyn, daýyńdy aıtaıyn dep, qaı kóp bergenge partııalas bolamyn dep, qudaıǵa jazyp, jatpaı-turmaı salyp júrіp basyn, aýylyn, qatyn-balasyn satyp júr. Osy bіr ury, buzaqy joǵalsa, jurtqa oı da túser edі, sharýa da qylar edі. Baı baryn baǵyp, kedeı joǵyn іzdep, el sekіldenіp talapqa, tіleýge kіrіser edі. Endі jurttyń bárі osy ekі búlіk іske ortaq, muny kіm túzeıdі? Anttyń, serttіń, adaldyqtyń, uıattyń bіr toqtaýsyz ketkenі me? Uryny tyıý da ońaı bolar edі, bіraq osy buzaqynyń tіlіne eretuǵyn, azatuǵyn baılardy kіm tyıady?