Әбіш Кекілбаевтың Бір шөкім бұлт шығармасындағы афоризмдер

Әбіш Кекілбаевтың «Бір шөкім бұлт» шығармасындағы автор афоризмдері

Мына жүзі қара көңіл жыртық үйдің туырлығындай неге желпілдеп келеді сонша?! Әдетте, кісі өз қайғысын, өз қуанышын түгел шолып, түгендей бағалай алмайтын шығар, сірә? /233-бет/

Азамат боп жақсы іске талап қылғаның да сүйініш. /235-бет/

Күй тартқанда әлі қалыбына түсіп үлгермеген уыз адамның сынаптай сусыған елгезек сезімі бір сәт мағыналы арна тауып, жайдағы балалық албырттықтың бәрінен тыйылып, көрер көзге есейіп кететін. /236-237/

Сағыныш та сарғайтар дерт. /239/

Жұрт өзінің бір-екі баласына шақшадай басы шарадай боп жүргенде, бүкіл бір ауылдың баласын тезге салу оңай дейсің бе? /243/

Ішің күйсе тұз жала. /248/

Басқадан бағы жанса да, әйелге келгенде бағы жанбады ғой. /261/

Ит-құстан да ажалы жетіп тұрған өледі. /267/

Тіра адам ет жақын, ниет жақыннан жылы сөз дәметсе, өлген адам ыстық көз жасын дәмететін шығар. /271/

Бір мүшел өміріңді бір-ақ кеміріп кететін көз жасын кім санай алады? /276/

Мына кең дүниені алшаңдап басып жүре алмасаң да, тірлігінен хабардар болып жатудың өзі бір ғанибет. /276/

Қыз деген құба шөлдің гүліндей ғой. /277/

Өз перзентінің жер басып жүргенін біле отырып, көз жұмарына шақырып келтіре алмаған ана қасіреті неткен зіл. /280/

Соғыс та топан су сияқты ғой. /289/

Бүкіл бір ұрпақ алды қатты, бауыры сыз боп өсе ме? Тұрмыс тауқыметін ерте көрген, содан опық жеген бала ғана осылай өседі. /289/

Ізденуші: Жұмагүл Амантайқызы

№21 мектеп мұғалімі, Ақтау қаласы