Әдебиеттік оқу Көктем ерекшелігі 3-сынып сабақ жоспары

Әдебиеттік оқу3-класс/Сабақтың тақырыбы:Көктем ерекшелігі.Балама. \Б.Тәжібаев\.

Сабақтың мақсаты:1.Білімділігі:Оқушылардың оқыған тақырыбын түсініп,мазмұнын өз сөздерімен жеткізе білуге, мәнерлеп оқуға, ондағы оқыған ойдың мәнін айта білуге үйрету.

2.Дамытушылығы:Оқушыларды өз бетінше ойлай білуге, табиғат әсерін суреттей білуге үйрету.

3.Тәрбиелігі:Оқушыларды ізгілікке, мейірімділікке, өз елінің табиғатын сүюге, ерекшелігін тани білуге тәрбиелеу.

Сабақтың түрі:кіріктірілмеген

Көрнекілігі:суреттер,портреттер, интерактивті тақта.

Сабақтың барысы:

І.Ұйымдастыру бөлімі:

Бүгінгі сабақтың мақсатымен таныстырып өту.

Оқушылар, сабақты ұқыпты тыңдап, дәл жауап беруге тырысамыз.Бүгінгі сабағымыз саяхат сабағы болып өтпекші.Саяхатқа шықпас бұрын, яғни осы сабақтағы еңбегімізді бағалау үшін қонақтардан көмек сұраймын.Әрине бүгінгі тойдан бізге бір бөлігі қалу үшін, қонақтар бізге баға қояды.Сондықтан балалар бәріміз де, қонақтардан баға күтеміз.

Енді жаңа айтқандай саяхат сабағы болғандықтан, балалар саяхатқа кім шыққан деп ойлайсыңдар?

Ол үшін мынадай сұраққа жауап іздейміз:

Қазір жылдың қай мезгілі?

Көктем\хормен\.

Көктем туралы не айтуға болады?

Көктемде бар табиғат жаңарады.Елімізге құт-береке келеді.Көктеммен бірге бар жан-жануар тіріледі.

Өте дұрыс балалар.

Міне, сол құт-берекені әкелетін бізідің атамыз кім еді?

Қыдыр ата!Дұрыс айттыңыздар!

Міне сол Қыдыр ата көктемі басталысымен қазақ еліне саяхатқа шығады.Өзінің құт-берекесін, молшылығын дарытқысы келіп жолға әзірленеді.

Енді, балалар, сендер білесіңдер Қыдыр ата қандай салқыннан кейін шықса екен деп тілейсіздер?Себебі көктемде бір салқын бар еді ғой.Оны қалай деп атаушы едік?

Ол «бесқонақ»\бала «бесқонақ» туралы аңызды айтып береді\.

Міне, сол «бесқонақтан» кейін Қыдыр ата саяхатқа шықты.Ауылынан шыға басталысымен-ақ ағып жатқан сай-сала, жылғалар атайды жүргізбей қойды.Сонда ата, жылғалар-жылғалар мен қазақ еліне бара жатыр едім, маған жол көрсетіп жіберіңдерші-дейді.

ІІ.Өткен тақырыпты қайталау.

Сонда жылғалар:

Ол елге баратын болсаңыз, ол елдің оқушылары өте білгір, әсіресе, мақал-мәтелдерді көп біледі.Сондықтан сізден де сұрап қалуы мүмкін.Қане, ата мақал-мәтел айта қойыңызшы,-дейді.

Сонда атай қиналып қалады.Қане, балалар, көмектесіп қояйықшы.

Жері байдың, елі бай.

Сыйласаң кәріңді, жарылқармын бәріңді.

Ақыл азбайды, білім тозбайды.

Жаман аттан аяғым артық, жаман жолдастан таяғым артық.

Батыр туса ел ырысы, жаңбыр жауса жер ырысы.

Сонымен Қыдыр ата әрі қарай жүріп кетеді.Алдынан жайқалып өскен гүлдер кездеседі.Гүлдерден де атай жөн сұрайды.Сонда гүлдер:

Ол елдің балалары өте тапқыр, олар өте көп жұмбақтар біледі,ата.Сізден де жұмбақтар айтуыңызды сұрайды.

Атайға көмектесіп жұмбақтар шешейік, балалар.

Ол келсе орман шулайды, толқын теңіз тулайды.

Аспандағы алып доп, жарқырайды жарық боп.

Көктемде келіп, күзде кетеді, жаздай бауда әндетеді.

Көктемде көгереді, жазда ырысқа бөленеді.

Мінезі ашық даладай, пейілі кең анадай оған барлық тіршілік, еркелейді баладай.

Сөйтіп әрі жүріп кетеді.Жанында атайдың шыр көбелек айналып ұшып, құстар жүреді.Сонда атай олардан жөн сұрады.Құстар атайға жаңылтпаштар айтып берсеңіз, біз сізге жол көрсетеміз деді.

Қане, балалар жаңылтпаштар айта қойыңдар.

Жаңылтпаштар айту:

Көже жеті, көжені неше кісі ішті?Неше кесе ішті?

Үміт түбіт түтіп, түбітті түтіп бітті.

Енді жол көрсеткен құстарға рахметін айта отырып, атай жем де шашып кеткен еді.

Сергіту сәті:\құстарға жем шашу\.

Әрі қарай атай қалаға кіріп, таулар мен ойнап жүрген балаларға кездеседі.Атай балалардан қай қала, нендей таулар екенін сұрады.

Сонда балалар атайға бұның тау емес, тас екенін айтты.Бұл жерден хром кені шығады, хромды жер астынан қазып алады да, кенін алып, тастарын осылай үйеді.Ал алдындағы қаланың хром кені шығатын Хромтау қаласы екенін айтты.Осы қалада №5 гимназияда «Тұсау кесер» тойы болып жатыр, тойға жүріңіз ата-деді.

Әрине, балаларым барайын, көрейін, сабақтарын білейін-дейді.

ІІІ. Үй тапсырмасын тексеру.

Оқушылар класқа ,Қыдыр ата келді,Қыдыр ата келді.Тез, қане кітаптарымызды аша қойыңыздар.Ол сіздердің қандай оқушылар екендеріңізді көргісі келеді.

Үйге не берілді?

«Жақсылардың жақсысы».

Үйге берілген тапсырмамен жұмыс.

Тақырыпты баяндау;

Бөлімдерге бөлу:

а\ І бөлімді мәнерлеп оқу;

ә\ ІІ бөлімді теріп оқу \қыз неге жылады? Әкесінің жауабын тауып оқу\.

б\ ІІІ бөлімді рөлдерге бөліп оқу\әкесінің сөзі, қызының сөзі\.

3.Неліктен әңгіме «Жақсылардың жақсысы» деп аталады.

4.Тізбектей оқу.

5.Әңгімеден ең әдемі, жақсы айтылған жерін тауып оқу.

6.Қызының жылап айтқан жерін мимикамен келтіріп оқу.

7.Мәтіннен лепті сөйлемді тауып, дауыс ырғағын келтіріп оқу.

8.Осы тақырыпқа қандай мақал-мәтел сәйкес келеді.

ІV.Тақырыпты қорытындылау.

Авторы кім? Әңгімеден не түйдік?