Әдептен озбайық тақырыбына сабақ жоспары, 6 сынып

Әдептен озбайық

Мақсаты: Оқушыларды қарым-қатынас мәдениетіне үйрету, олардың әдеп, әдеп сақтау ұғымдары туралы түсініктерін кеңейту.

Міндеттері:

- Оқушылар әдеп, әдеп сақтау туралы түсініктерін тереңдету;

- Оқушылардың этикалық қарым-қатынастарын дамытуға ықпал ету;

- Оқушыларды ізетті, ілтипатты, сыпайы болуға тәрбиелеу.

Шаттық шеңбері

Мұғалім әрбір баланы өздеріне таныс үлкен достық шеңберіне тұрғызып, өздеріне сенім артып және өзгелердің де сеніміне ие болғанын сезіндіру мақсатында бүгінгі шаттық шеңберін әрқайсысының жеке басындағы қасиеттеріне тағы бір зер салып қарап, өз-өзіне есеп беру мақсатында былай ұйымдастыруына болады:

- Балалар, бүгін тағы да көпшілік қауыммен танысуға, мейірімділік, ізгілікті бөлісуге мүмкіндік туып тұр. Әрқайсысын өз есімдеріңді айтып, есімдеріңнің бас әрпіне сай келетін өз бойларындағы жағымды қасиеттерді айтасыңдар, ол біреу немесе бірнешеу болуы мүмкін. Ал іске сәт, бастайық балалар.

Әңгімелесу

Мұғалім өткен сабақта «әдеп», «әдеп сақтау», «әдептілік» сөздері мен сөз тіркестерінің мағыналарын ашып, жан-жақты тияқнақтап алғаннан соң ендігі кезекті бұл құндылықтың адам өміріндегі мәні мен қажеттілігін түсіндіру мақсатында оқулықтағы «Ойланайық, пікірлесейік» айдарымен берілген төмендегідей сұрақтар негізінде әңгімелесу жүргізеді.

Адамның әдептілігін қалай білуге болады?

«Әдептілік - әдемілік» дегенді қалай түсіндіресіңдер?

Мәтінмен жұмыс

Мұғалім оқулықта «Оқып үйренейік» айдарымен берілген өлеңді оқып береді. өлеңдегі негізгі идеяны немесе түйіндеу сөздерді оқушыларға тапқызып, мағынасын талқылатуға болады.

Көшеде

М.Мақатаев

Ойын

Оқушылардың сыныпта құбылыстарымен жағымды қарым-қатынас жасау дағдыларын дамыту мақсатында «Бір-бірімізді мадақтайық» атты ойынды ойнатуға болады.

Бұл ойын барысында сыныптағы барлық өзгелер тарапынан жақсы сөздер, мадақтаулар естуге мүмкіндік алады.

Ойынның шарты бойынша басқалардан жақсы сөз естіген адам оған да өз тарапынан жылы жауап қайтаруы тиіс.

Ойынның шарты: Балалар шеңберге тұрады. Бір бала ойынды бастайды. Ойынды бастаған бала қасындағы көршісіне жақсы сөзді айтады. Көршіңіз сол айтылған жақсы сөздерді қабылдап рақмет атып, өзіне ұнайтын қасиеттерін мақұлдап, ойынды әрі қарай жалғастырады.

Тапсырма

Оқылықта берілген бұл тапсырманың мақстаы оқушыларды логикалық ойлаудың негізігі әдістерін (салыстыру, талдау, жинақтау, абстракциялау, нақтылай) пайдалана отырып, оқушылардың ізденуін ұйымдастыру.