Әдептілік – әсемдік тақырыбындағы 2-сынып тәрбие сағаты

Сабақтың тақырыбы: «Әдептілік – әсемдік»

Сабақтың мақсаты:

Білімділік: оқушыларды кішіпейілділікке, үлкендерді сыйлауға, адам бойындағ ұнамды қасиеттерді сіңіріп, ұнамсыз қылықтардан жирену сезімін тудыру арқылы әдеп әліппесін бойларына дарыту.

Дамытушылық: тіл байлықтары, таным белсенділіктерін арттыру.

Тәрбиелік: адамгершілікке, кішіпейілдікке, әдептілікке, сыпайылыққа тәрбиелеу. Өз-өздерін басқаруға, еркіндікке машықтандыру.

Түрі: тәрбие сағаты

Типі: өнеге сабақ

Әдіс-тәсілі: сыни тұрғыдан ойлау, сұрақ-жауап, ой бөлісу.

Көрнекілігі: интербелсенді тақта, слайдтар, шарлар.

Сабақтың барысы:

І . Ұйымдастыру кезеңі.

Психологиялық дайындық

Үлкенге де сіз,

Кішіге де сіз,

Баршаңызды құрметтеп

Бас иеміз біз.

Біздің халқымыз әдепті де сыйластық қарым-қатынасқа ежелден-ақ көңіл бөліп келгендігі баршамызға белгілі. Ұрпақтан-ұрпаққа туысқан бұл өнегені бір қазақтың мақал-мәтелдер мен нақыл сөздерінен молдап ұштастырамыз. «Әдептілік иесі – иіліп сәлем бергені», «Ұлық болсаң – кішік бол, кішіпейілділік – кішілік емес, кісілік»-деп ой тарқатып, сөз маржандары халқымыз ұстанған тәлім тәрбиенің жүйелі бағдарын меңзейді. Қазақ халқына тән дархан қонақжайлылық үлкенді құрметтеу, ағайын туғанға бауырмалдық, аталы сөзді қадір тұтып, уәдеге тұра білуге, жас ұрпақты әдептілікке, кішіпейілдікке тәрбиелеу тұрғысындағы, озық дәстүрлер қазіргі кезде де ұнасымды жалғасып, бүгінгі өмірімізбен үйлесім тауып отыр.

Мейірімді жүрекпен

Ақ пейілді тілекпен

Амандасып алайық

Бір жадырап қалайық!

Мұғалімнің сөзі:

Құрметті ұстаздар, ата-аналар, оқушылар! Бүгінгі біздің тәрбие сағатымыздың тақырыбы: «Әдептілік - әсемдік».

Қош келдіңіздер! Олай болса 2 «Б» сыныбын сіздердің алдарыңызда ашық тәрбие сағатын бастауға рұқсат етіңіздер.

1-жүргізуші:

Олай болса, әдептілік деген не?

Әдепті бала қандай болу керек?

2-жүргізуші:

Әдепті бала - мәдениетті, кішіпейіл, үлкенді сыйлайтын, қамқоршы. Үлкенді құрмет тұтады, көшеде, мектепте, асханада, көлікте, қонақта амандасып жүру керек. Кішіге - ізет қамқоршы болу.

1-жүргізуші:

Әдептілік неден басталады? (сәлемдесуден)

Олай болса біз әдептілік туралы өлең-жырларын жалғастырамыз.

Аида: Білер қазақ баласы,

«Сәлем-сөздің анасы»,

Алдымыздан кезіккен,

Көп танысты көреміз.

Бәріне де ізетпен

Біздер сәлем береміз.

Сәлеметсіз бе, ағай! –деп,

Сәлеметсіз бе, апай!-деп

Есенсіз бе, әжей! –деп,

Амансыз ба, атай! – деп

Ұл-қыз сәлем береміз, өнегелі өренбіз.

Анар: Ата-ананың тілегі,

Адам болып өскенің.

Адамдықтың тілегі,

Адал болып өскенің.

Әдептілік дегенің,

Әрқашанда керегің.

Әсемпаздық дегенің,

Әуре салсаң әлегің.

Мәншүк: Тәртіпті бала сүйеніш,

Төбең бір көкке жетеді.

Ұрыншақ бала жанында,

Ұрыс пен керіс, айқай-шу.

Ұстамды бала маңынан

Ұнамды қылық байқайсың.

2-жүргізуші:

Біз осындай жаман қылықтан жиіркеніп, өнегелі, тәртіпті, әдепті боламыз. Ендеше, әдептілік туралы өлең-әнімізді жалғастырамыз.

Ән: «Болайықшы осындай». Орындайтын Нұрымқұл Назерке

Азамат: Құс ұясын бұзбаймын,

Бүлдірмеймін жейдемді.

Қабырғаны сызбаймын,

Жинап қоям бөлмемді.

Бос шимайлап, шатпақтап,

Дәптерді де жыртпаймын.

Бір күн болмай салпақтап,

Киімімді құртпаймын

Гүлнұр: Апамызды сыйлайық,

Үйдің ішін жинайық.

Бұрынғыдай егесіп,

Ерегісіп тұрмайық.

Қалмау үшін керісіп,

Кел алайық келісіп.

Атқарайық үйдегі,

Жұмысты тең бөлісіп.

Бексұлтан: Кел, самаурын қайнатып,

Дастарханды жайнатып.

Отырайық бөлмеде

Бөпемізді ойнатып.

Гүлдерді де суарып,

Еденді де жуайық.

Келген кезде жұмыстан,

Қалсын апам қуанып.

Назерке: Қарсы ал ерте күн көзін,

Төсегіңді жина өзің.

Асықпай іш тамақты,

Жалама аяқ тамақты.

Пышақты ұста оң қолмен,

Шанышқыны сол қолмен.

Нанды үгітпе, қадірле,

Қабығымен бәрін же.

Саусағыңды сормағын

Салдыр салақ болмағын.

Ердос: Су құйдым да құманмен,

Қолына мен әкемнің.

Содан кейін оған мен,

Орамалды әпердім.

Шапағат: Кім үлкенді сыйласа,

Кім үлкенді тыңдаса,

Үлкен болған кезінде

Сыйлы болмақ өзі де.

Ғалымжан: Сыйлап үлкен ағаны,

Таудай биік талабы.

Сәлем берген баланы

Жақсы оқитын баланы

Кім дейміз? Кім дейміз?

Әдепті екен бұл дейміз,

Үлгілі екен бұл дейміз.

Айтұмар: «Сіз», «біз» деген жылы сөз –

Жылытады жүректі

Жақсылық билеп жанды тез,

Оятады игі тілекті.

Біреуге біреу жақсылық,

Тілесе әр кез жаны ашып,

Осы бір шырын – тәттілік,

Тұрмай ма жанға жарасып,

Баршаға керек, жақсылық.

Қызғанбай бөліп алыңыз.

Нұргүл: Жасы-кәріге сіз деген,

Жақсы үлгі іздеген.

Дос боламыз біз деген,

Ізетті ұл мен қызбенен.

Ақниет: Атам маған әманда

Әдепті жан бол деген,

Ата сөзі санамда –

Жасы үлкенге жол берем

Алдын орап кісінің

Кесіп өтпей көлденең

Әдетімен кішінің –

Сәлемдесіп қол берем.

Атам маған әманда

Кішіпейіл бол деген

Ата сөзі санамда –

Мақтанбауды жөн көрем.

Нұрасыл: Өзгелерден өзімді

Санамаймын жоғары