Ағайын ел ырысы ашық сабақ 11 сынып

Мектеп: Қызылқұм ЖОМ

Сынып: 11

Тақырып : Ағайын –ел ырысы

Құндылық: Дұрыс әрекет

Қасиеттер: сыйластық, ізеттілік, құрметтеу, кішіпейілділік, бауырмалдық, мейірімділік, қамқорлық, бірлік т.б

Мұғалім: Урбасова К

Мақсаты: - «Туыстық», «Бауырмалдық» құндылықтары туралы түсініктерді кеңейту.

Ресурстар:

Міндеті: - Туыс,жамағат,құда- жекжат,нағашы,жиен ұғымы.Ағайын арасындағы туыстық қатынас және ынтымақ,береке ,бірлікті сақтай білуге баулу.

-туыстық қарым-қатынас шапағатын сезіне білуге тәрбиелеу;қадірлеуге баулу,ізгілікке бағыттау.

- Мейірімділікке,қамқорлыққа,бауырмалдыққа тәрбиелеу.

Оқулық, мәліметтер, дәптер,

домбыра,гитара

нақыл сөздер

плакат

Сабақтың барысы:

Ұйымдастыру кезеңі оқушыларға жағымды психологиялық көңіл-күй қалыптастыруда «Аялы алақан» жаттығуын жүргізу

Үй тапсырмасы: Оқушылардың «Ата-анам –берік қорғаным» тақырыбына жазған эссені тыңдау

Топпен ән айту

«Ата-ана –алтын тұғырым» сабағын қорыту мақсатында оқушылармен Ғ.Қайырбековтің сөзіне жазылған Ш.Қалдыаяқовтың «Ана туралы жыр» әнін гитараның сүйемелдеуімен орындау

Жаңа сабақ: Қаз дауысты Қазбек бидің өлеңін оқып, мазмұнын ашу

Тату болса-ағайын жақын,

Ақылшы болса-апайың жақын

Бауырмал болса –інің жақын,

Инабатты болса-келінің жақын.

Алдыңа тартқан адал асың,

Қимас жақын қарындасың.

Сыбайлас болса-нағашың жақын.

Адал болса-досың жақын,

Еркелейтін немерең жақын,

Өз ұрпағың –шөберең жақын

Сабақ барысын талдау

Ескерту:

5 Т ережесін еске түсіру

Тәртіп

Талап

Тазалық

Тыныштық

Татулық

Жаңа ақпарат

Ағайын –туыс арасындағы қарым-қатынас оның тегінен,туған ел-жұртының дәстүр –салтынан ,үлкен кішінің бір-біріне деген сыйластығынан, адал ниет, ақ тілегінен нәр алады.Ол қауымдастықпен өмір сүру салтына, ағайындылардың бітім-бірлігіне байланысты болады. Туыс –туғанына деген ыстық ықылас –ағайын бірлігінің кемелденуі болып табылады. Осы қасиет пен құндылықтарды қадір тұтқан кішіні үлкендер «ел азаматы» деп еркелетіп, өзгелерге үлгі етеді.

Ағайын туысқа деген қазақ халқының көзқарасы ерекше. Ақылы бар жан ағайын арасына түспей, қайта олардың татулығын, сыйластығын нығайтуға тырысады. Рулас ағайын, туыс, жақын туыс, аталас, бір ата баласы, бір әке баласы арасында туыстық байланыстан туындайтын парыз бен қарыз міндеттері өте көп. Олар қазақтың ғұрыптық заң –салттарымен бекітілген.

Тапсырма

Оқушыларға ағайын арасындағы туыстық қарым –қатынас, татулық, бірлікті айқындайтын мақал-мәтелдер топтамасын тізіп,мазмұнын ашу ұсынылады.

Туысы бірдің уысы бір

Ағасы бардың жағасы бар,

Інісі бардың тынысы бар.