Ағаштар мен бұталар тақырыбына ашық сабақ, 4–5 жас

№ 6 Ұйымдастырылған оқу қызметі.

Қ.Нұрғалиев атындағы гимназиясына қарасты «Балбөбек» шағын орталығы.

( 4-5 жасқа арналған, өткізген: тәрбиеші Әмірханова Сая Қатиетқызы )

Білім салалары: Таным, Əлеумет

Бөлім: Жаратылыстану

Тақырып:Ағаштар мен бұталар.

Мақсат: табиғаттың жанды нысандары туралы түсініктерін жүйелеу. Балабақша аумағындағы жəне жақын маңайдағы өсімдіктерді (ағаштар мен бұталар) ажырату жəне атай білу дағдыларын дамыту. Өсімдіктер əлеміне қызығушылығын тəрбиелеу.

Алдын ала жүргізілетін жұмыстар: қолынан келетін еңбек əрекеті; иллюстрацияларды, фотоларды қарастыру; бейнетүсірілімдерді, таныстырылымдарды қарау; аудиожазба тыңдау, жұмбақтар шешу, қарапайым тəжірибе жұмысы, зерттеу серуендері, өлең жаттау.

Жабдықтар мен материалдар: ағаштардың, жапырақтардың иллюстрациялары, ағаштар мен бұталардың суреттері, планшет (фотоаппарат).

Сөздік жұмыс: ағаш, бұта, шөп, тамыр, дің, сабақ, бұтақ, жапырақ.

Жұмыс кезеңдері

Педагогтің басқарушылық қызметі.(Əдістер, тəсілдер)

Балалардың іс- əрекеті

Ынталандыру-қызығушылықтарын ояту

Педагог жұмбақ жасыру арқылы оқу қызметіне жағымды көңіл күй қалыптастырады.

Өлең оқиды.

Бұрыннан бар білімдерін қайталау. Балабақша ауласында өсіп тұрған ағаштардың атауларын кімнің білетінін анықтайды. Табиғатта үлкен бір патшалық – өсімдіктер патшалығы бар екенін хабарлайды. Өсімдіктер патшалығында үш қала бар. Бірінші қала – ағаштар. Екінші қала – бұталар. Үшінші қала – шөптер.

Балаларға балабақша ауласына саяхатқа шығуды ұсынады.

Жұмбақ шешу.

Күн жылынса киінді, Суытса шешті киімді. (Ағаш)

Бақшамызда көп ағаш, Өскен жақсы əр ағаш. Ең əдемі, меніңше, Құс ұясы бар ағаш.

Аппақ қайың, қарағай Қосылыпты табысып. Сұлу терек, жасыл желек,

Құшақтасып қабысып. Қарағайым, жұпар майың

Жібек желмен аңқиды.

Егістікті көлемді Қоршай ектік еменді. Ескен желден егінді. Қорғап тұрар ол енді.

Көше бойы аралас Қаптап өскен қара ағаш. Жемісі жоқ болса да, Саясы көп дара ағаш.

Гүлзар бақта мекені Көрген кезде жөкені Елтіп жұпар иісіне, Ара қаптап кетеді.

Педагогтің ағаштар мен бұталарды зерттеуге шақыруын қабыл алады. .

Ізденістік-ұйымдастырушылық

Өзекті сұрақ:

Қайсысы ағаш, қайсысы бұта? Олардың ұқсастығы мен ерекшелігі неде? Педагог қорытынды жасайды: ағаштар – ең үлкен өсімдіктер. Олар көп жыл өмір сүреді. Ағаштардың діңі болады. Бұталардың бойы ағаштардан төмен болады. Олардың бірнеше жіңішке сабақтары болады. Діңі болмайды. Ең кішкентай өсімдіктер – шөптер. Олардың сабақтары жіңішке. Олар ұзақ өмір сүрмейді.

Педагог балаларға ойын ұсынады: «Оның ... бар, бұл не?»: нысанның бөліктерін атайды.

Педагог балаларды қайыңға əкеліп, оны зерттеуді ұсынады (дəл осы жоспар бойынша кез келген басқа ағашты зерттеуге болады).