Айналаңа сәуле шаш тренингі ұстаздар мен психологтарға

Өзін - өзі тану сабағының жоспары

Мектеп: «Тауағаш орта мектебі» КММ

Мерзімі:

Сабақтың тақырыбы: Адам және Отан. № 30- сабақ.

Құндылық: «Сүйіспеншілік» Қасиеттер: жақсы көру және кішіпейілділік.

Мұғалімі: Балгожина Сандугаш Боранбаевна

Сынып – 9

Оқытуда қолданылатын әдіс-тәсілдер: Топтық жұмыс, тыныштық сәті, дәйексөз, әңгімелесу, шығармашылық жұмыс.

Модульдердің кіріктірілуі: Сыни тұрғыдан ойлау, оқыту мен оқудағы жаңа тәсілдер, АКТ-ны пайдалану, бағалау, талантты және дарынды балаларды оқыту.

Оқып үйренудің нәтижесі: оқушылардың туған жерді, Отанды қадірлеу қасиеттері дамиды.

Сабақтың мақсаты: - оқушылардың туған ел, атамекен, Отан туралы түсініктерін кеңейту;

Сабақтың міндеттері: - туған елдің, атамекеннің, Отанның адам өміріндегі мәнін жан-жақты ашу;

- туған елін, атамекенін, Отанын қадірлеу, қастерлеу іскерліктерін дамыту;

- туған елін, атамекенін, Отанын сүюге тәрбиелеу.

Плакат, маркер, үлестірме қағаз.

Сабақтың барысы: а) Ұйымдастыру кезеңі.

- оқушылармен сәлемдесу.

- сынып тазалығына көңіл бөлу

- оқушыларды түгендеу. ( топқа бөлу.)

Тыныштық сәті. «Теңіз түбіне саяхат»

2. Үй тапсырмасын тексеру. «Жолашар» атты мәтінді сұрау және талдау.

Сабақ барысын талқылау, топқа бөлінеді.

(Тәртіп, талап, тазалық, тыныштық, татулық) сақтау керектігін еске түсіру.

3. Дәйексөз:

«Отаны бірдің – тілегі бір, жүрегі бір» - деген нақыл сөзіне оқушылардың назарын аударту.Жеке оқыту және жаттатып айтқызу.

- Отанға адалдық дегенді қалай түсінесіз?

- Отанға деген сүйіспеншілікті қалай таныта аласыз?

- Адамға Отаны, атамекені, туған жері неліктен ерекше әсер етеді?

Н. Назарбаев

4. Әңгімелесу (сұхбат) Оқулықта берілген мәтіннен үзіндіні оқушылар назарына ұсыну.

Отан.... Атамекен....Атажұрт...Тарих....Бұл қай құлаққа да асқақ естілер асыл ұғымдар. Адам өмірге келіп, ес жия бастаған сәттен өз Отанының тарихына ден қоя бастайды....

Адам адам болып жаралғаннан бері ұлан-асыр даму көшінің өн бойында жер үшін, ел үшін сан қилы дүрбелеңдерден, яғни үлкен аумақтарды қамтыған қанқұйлы соғыстардан соң ғана, әлем картасы аталатын ала қағаз бетіне түзетулер түсетін. Ал жиырмасыншы ғасырдың соңында әлем келбеті ешқандай дүрбелеңдерсіз-ақ өзгеріп шыға келді. Оған жер-жаһанның алтыдан бір бөлігіне иелік етіп, қаһарымен алыс-жақын жұрттардың бәрін ықтырып келген алып империяның ың-шыңсыз ыдырай бастауы себеп болды. Ыдыраған империяның орнына он бес тәуелсіз мемлекет пайда болды. Солардың бірі Орталық Еуразия алабындағы ғажайып әрі қайталанбас тарихы бар – Қазақстан Республикасы еді.

Қазақстан – қазақ халқының ата-баба мекені, ежелгі қонысы. Бұл жерде ата-бабамыз туды, тұрды, өмір сүрді, оның топырағында ата-бабамыздың кіндігі кесілген кең жазира жері.

Қазақстанның табиғаты таңғажайып: мұнда аспанмен тілдескен мұзарт шыңдарды, тұңғиығы тұнжыраған жұмбақ көлдерді, ақ жал толқындары асау арғымақтардай көкке шапшыған шалқар теңізді, күні от шашқан шөлейтті, арналы өзен, ну орманды көруге болады.

Қазақстан – даласы дарқан, топырағы қасиетті, қойнауы қазыналы. Қазақстан жер көлемі жөнінен Ресей, Қытай, АҚШ, Аустралия мен Үндістаннан кейін алтыншы орын алады. Міне, қазақ даласы – кең байтақ! Сондығынан ғой, күмбір-күмбір көне күй мен толғауы тоқсан жырларымызда – «Ұшса құстың қанаты талады, шапқан аттың тұяғы тозады, Атырауы – айшылық, Қаратауы – күншілік,» - деп толағаған.

Дала төсінде жаңа өмір шуағын төгеді. Оның бауырындағы буырқанған жасампаз өмір тіршіліктің тоқтаусыз соғып жатқан жүрегіндей.

Еңбеккері маңдай терін тамшылата төгіп жатса, сыршыл ақыны:

Боз жорға, боз інгенді, боз торғайлы,

Боз дала, ием саған, боз басымды! - деп жүрек лүпілімен суарылған ақ қанатты жырына қосады.