Ахмет Байтұрсынұлы туралы қазақ әдебиеті таныстырылымы

Ахмет Байтұрсынұлы. Қоғам қайраткері, ақын, қазақтың тұңғыш әдебиет теоретигі, лингвист, фольклоршы, түркітанушы, аудармашы, публицист, ағартушы-ғалым

...Ахаң ашқан қазақ мектебі, Ахаң түрлеген ана тілі, Ахаң салған әдебиеттегі елшілдік ұраны – “Қырық мысал”, “Маса”, “Қазақ” газетінің 1916 жылдағы қан жылаған қазақ баласына істеген еңбегі, өнер – білім, саясат жолындағы қажымаған қайратын біз ұмытсақ та тарих ұмытпайтын істер болатын.

...Ахаң істеген қызмет – қазақтың ұзын-ырға тарихымен жалғасып кететін қызмет. Істеген ісімен өзіне орнатылған ескерткіш – мәңгілік ескерткіш.

Мұхтар Әуезов, жазушы

Ахаңды біз замандасымыз ғой деп өз қатарымызға қойып, өзімізбен теңестіріп қарауымызға болмайды. Бұл кісі қазақ халқының алфавитін жасап берген, бұрын әркім қалай болса солай жазып жүрген емлемізді түзеп, оқу құралдарын жазған, бәріміздің де сауатымызды ашып, бүкіл халқымызға ұстаз болған адам. Сондықтан бұл кісіні ұстазымыз деп қарап, өзімізден әлдеқайда жоғары ұстап, қадірлей білуіміз керек. Смағұл Садуақасов, Алаш қайреткері

Өзге оқыған замандастары өз бастарының пайдасын ғана іздеп, ар һәм имандарын сатып жүргенде Ахмет халықтың арын іздеп, өзінің ойға алған ісі үшін бір басын бәйгеге тіккен. Ахмет Байтұрсынұлы – ұлтын шын сүйетін шын ұлтшыл. Сәкен Сейфуллин, ақын

Ахмет Байтұрсынұлы – әр тілдің айдауында жүрген қазақ балаларына қазақ тілінде кітап жазған, қазақ тілінің негізін жасап, қазақ мектебінің іргетасын қалаған тұлға.

Әуелі біз ел түзеуді бала оқыту ісін түзеуден бастауымыз керек. Неге десек, болыстық та, билік те, халықтық та оқуменен түзеледі.

А. Байтұрсынұлы

Бала бастауыш мектепте бар пәнді тек ана тілінде ғана оқуы керек.

А . Байтұрсынұлы

Ахмет Байтұрсынұлы араб харпіне негізделген қазақ тілінде тұңғыш “Әліп - биді” өмірге әкелді. Әліпби – тек сауат ашуға ғана емес, ғылым- білім үйренудің бастау көзі.

Латынды ауызға алу – еріккендік...

... Жақсы әліппенің қасиеттері – жылдам жазылу, баланы оқытқанда әріптерінің бөлек – бөлек оңаша тұрып көзге түсуі, жазбасына бас басының ұқсастығы. Қазіргі қазақ әліппесінен жер үстінде жақсы әліппе жоқ. Латыннан анағұрлым озық әліппеміз тұрғанда босқа латыншыл болудың қажеті не? Латынның керегі…