Әлемге әйгілі Мұхтар Әуезов 8 сынып сабағы

Тақырыбы: «Әлемге әйгілі - Мұхтар Әуезов» (125 жылдығына арналған зияткерлік сайыс).

Мақсаты: Мұхтар Әуезов мұрасына терең үңілу, зерттеу, білімдерін толықтыру.

Оқушылардың жеке зерделілік, танымдық, еріктілік ерекшеліктерін ұштау.

Көпшілік алдында өзін-өзі еркін ұстауға, білімін кеңінен қолдана білуге тәрбиелеу.

Мұхтар Әуезов туралы білімдерін тереңдету, дамыту, өз бетімен ізденіс үрдісін, адамгершілік дағдыларын қалыптастыру.

Көрнекіліктер: интерактивті тақта, басқыштар, компьтерлік құрал-жабдықтар.

Әдісі: сұрақ-жауап

Түрі: қайталау, интеллектуалдық сайыс сабақ.

Пәнаралық байланыс: тарих, информатика.

Барысы:

1.Ұйымдастыру кезеңі.

Бұл ойын арнайы техникалық құрал-жабдықтарды қолдану арқылы жүріледі. Барлық сұрақтар, ұяшықтардың барлығы анимация арқылы экраннан көрініп тұрады. Әр оқушы алдында тоқ көзіне қосылған басқыштар орнатылады. «Бұл басқыштар электр шамы, электр патроны, ажыратқыш кішігірім тақтайға орнатылады»

Әділ-қазылар алқасы тағайындалады.

Жүргізуші сөзі: Армысыздар құрметті оқушылар, ұстаздар, қонақтар! Бүгінгі ХХI ғасыр көшбасшысы зияткерлік сайысына қош келдіңіздер.

Мұхтар Әуезов – қазақ әдебиетінде тәңірлік ұғыммен деңгейлес тұлға. Оның тылысым әлем тұңғиығынан жаралғандай дана кейпіне қарап отырып, бүтін дүниенің келбетіне көз тіккендей боласың. Әуезовтің суретінде де жан бар. Сабырлы , ойлы жан.

Табиғаттың бір туарлары, халқымыздың парасат әлеміндегі ғажайыптар, саф, таза сұлулар, айрықша оқшау құбылыстары-Абай, әрине, Мұхтар. Қазақ әдебиетінің өзі осыны дәлелдеп отыр. Әдебиет пен ғұмырын бүгінгі 125 деген сандық көрсеткіш әйгілейді. Мұхтар есімін ауызға алсақ, кітап патшалығының рухы тебірінеді.

Ғұлама әлеміне терең үңіліп, өмірі мен шығармашылығына толық танысу мақсатында Мұхтар Әуезовтің туғанына 125 жыл толуына орай зияткерлік сайысымызды ұйымдастырып отырмыз.

3.Таныстыру. Әдебиет әлеміне құшақ жайған, сырлы да, сыры мол поэзия төріне қанат сермеген болашақ әдебиетші ұл-қыздарымыз

I кезең «Бәйге»

Ойынның шартымен таныстыру. Ортақ он сұрақ қойылады, әрқайсысының дұрыс жауабын белгілейді. Дұрыс жауап он ұпаймен бағаланады.

1. Мұхтардың дүниеге келген күні.

а) 25қазан ә) 30қаңтар б) 28қыркүйек в) 11наурыз

2. Мұхтардың немере ағасы кім?

а) Абай ә) Қасымбек б) Ораз в) Дәркенбай

3. Абай дүниеден өткенде Мұхтар неше жаста болды?

а) он үште ә) тоғызда б) сегізде в) жетіде

4. Тұңғыш жарық көрген туындысын көрсет?

а) «Адамдық негізі-әйел» ә) «Түнгі сарын» б) «Абай жолы» в) «Қараш-қараш оқиғасы»

5. Жазушының пьесасын белгіле.

а) «Қилы заман» ә) «Қазақ әйелі» б) «Абай» в) «Үйлену»

6. «Еңлік-Кебек» жеке кітап болып қайда жарық көрді?

а) Орынборда ә) Омбыда б) Ташкентте в) Семейде

7.Мұхтардың Қазақстанға еңбек сіңірген қайраткер ұлы кім?

а) Оспан ә)Әбіш б)Мұрат в)Тұрар

8.Мұхтардың анасының есімі кім?

а) Зере ә) Ұлпан б) Нұржамал в) Райхан

9. Бөжей қай туындының кейіпкері?

а. Қаракөз ә. Абай жолы б. Жетім в. Бүркітші

10. Жазушы спорттың қандай түрімен шұғылданды?

а. Теннис ә.Футбол б.Баскетбол в.Күрес

Әр кезеңнің ұпайы шығарылып, экраннан көрсетіліп отырады

ІІ кезең «Жорға»

Ойыншылар ұяшықтарды таңдайды, әр ұшықтардың сұрақтары шығып отырады. Бір минут ішінде неше сұраққа жауап бергені есептелінеді, әр дұрыс жауапқа 10 ұпай беріледі.

1. Мұхтардың әкесі кім? (Омархан)

2.Ташкент мемлекеттік университетіне өз бетімен тыңдаушы болып қай жылы түседі? (1922)

3.1908 жылы қайда сабақ алды? (Семей медресесінде)

4.Мұхтардың ғасырлық туындысы (Абай жолы)

Драматургиялық шығармасы (Еңлік-Кебек)

6.Құрмаш қай әңгіменің кейіпкері? (Көксерек)

7.«Үш ұры»-ны кімнен аударды? (Л.Толстой)