Алгоритм және оны жазу жолдары ашық сабағы информатика

Аюпова Назым Байдуллақызы

информатика пәнінің жоғары санатты оқытушысы

Маңғыстау облысы

Бейнеу ауданы

«Бейнеу гуманитарлық-экономикалық колледжі» МКҚК

Сабақтың тақырыбы: «Алгоритм және оның жазылу формалары»

Сабақтың мақсаты:

Білімділік: Оқушыларға алгоритм туралы және алгоритмнің қасиеттері туралы мағлұмат беру.

Дамытушылық: Тақырыптың негізгі идеясын ашу. Оқушылардың ой-өрісін кеңейту, ойларын тұжырымдау. Өз бетімен қортындылау дағдыларын жетілдіру.

Тәрбиелік: Оқушыларды ақпараттық сауатылыққа тәрбиелеу.

Сабақтың көрнекі құралдары: әдістемелік, үлестірмелі материалдар, қима қағаздар, тест сұрақтары, қанатты сөздер, тірек-схемалар, нақыл сөздер.

Сабақта қолданылатын өзіндік жұмыстардың түрлері: Өз бетінше жұмыс жасау, тақтамен жұмыс, компьютермен жұмыс.

Сабақтың кезеңдері:

Ұйымдастыру - 2 минут

Үй тапсырмасын сұрау – 5 минут

Жаңа сабақ – 10 минут

«Құпия пазл» - 7 минут

«Сиқырлы сағат» - 3 минут

«Жыл басына таласқан жануарлар» - 7 минут

«Қош келдің жаңа жыл» - 7 минут

Бағалау – 2 минут

Үйге тапсырма беру – 2 минут

Сабақтың барысы:

І. ҰЙЫМДАСТЫРУ КЕЗЕҢІ

1.1. Оқушылармен амандасу, олардың сабаққа қатыстарын тексеру.

1.2. Оқу құралдарына назар аудару.

1.3. Оқушыларды сабақ жоспарымен, барысымен, мазмұнымен таныстыру.

ІІ. ҮЙ ТАПСЫРМАСЫН ТЕКСЕРУ

Сәлеметсіздерме оқушылар! Бүгін біз сіздермен жаңа тақырып өтпестен бұрын үй тапсырмасын қайталап аламыз. Үй тапсырмасына мен сіздерге сиқырлы қорап әкелдім. Онда әр түрлі фигуралар бар. Онда сұрақтар жасырынған. Сол сұрақтарды шешу арқылы сендер бүгінгі жаңа сабағымыздың тақырыбын біле аласыздар. Олай болса оқушылар келіп қораптағы фигураларды алыңыздар.

«Реттілігін табу»

Фигура сұрақтары:

Windows – тың стандартты қосымшасына қандай пернелер арқылы кіреміз?

Windows – тың стандартты программасы

Ctrl + Z, Ctrl + A, Ctrl + V қандай қызмет атқарады?

Архивтеудің неше әдісі бар?

Компьютерлік вирустың зияны қандай?

Жарайсыңдар оқушылар бүгінгі сабағымыз «Алгоритм және оның формалары»

ІІІ. ЖАҢА САБАҚ

Алгоритм – берілген есепті шешудегі жасалатын әрекеттердің дәл және қарапайым етіп жазылуы. Басқаша айтқанда, алға қойған мақсатқа жетудегі немесе берілген есепті шешудегі орындаушыға біртіндеп қандай әрекеттер жасау керектігін дәл көрсететін нұсқауларды алгоритм деп атаймыз. Алгоритм , алгорифм ағылшынша algorithm, algorismus – Әл-Хорезмидің атынан шыққан. Алгоритмдегі іскез келген іс-әрекеттерді бұйрық деп атаймыз.

Кез келген алгоритм «соңы» деген бұйрықпен бітеді.