Алматыдағы Құлан қойылымының премьерасы туралы мақала

Алматыда «Qulan» қойылымының премьерасы өтті

Алматы қаласындағы «Алатау» дәстүрлі өнер театрында еліміздің ерекше құндылықтарын паш ететін «Qulan» қойылымының премьерасы өтті.

Бұл - халық қабылдаған ұлы шындық. Қазақтың әр шаңырағында ұлы күйшіден қалған естелік - «Ақсақ құлан» күйі еді. Бұл күй сәбиге қуаныш, қарияға сағыныш сыйлайды. Ең қызығы, ХІІІ ғасырда өмір сүрген ұлы жырауды халық осы уақытқа дейін естен шығарған жоқ. Осылайша Арухан Темірбекқызы Алатау театрында «Qulan» қойылымын қойды.

«Халықты қылышпен қорғай алсаң да, қылышпен басқара алмайсың» деген идеяны басты назарда ұстаған қойылымның режиссері – Арухан Темірбекқызы. Оның айтуынша, бұл қойылым халық аңызының желісімен жазылған. «Қойылымда құлан ана баласынан, ал Жошы хан ұлынан айырылады. Осындай трагедияға толы дүние ғажайыптарға толы. Сондықтан осы қойылымның кілтін іздеп тапқан секілдімін. Бұған себеп болған оқиғаны домбыраның жырлауы еді. Сол үшін шығарманы шығарар кезде домбыраның әсем үнін қалай сахналауға болады деген ойлар көп мазалады», - дейді ол.

Аңызда құланның құлынынан, адамның баласынан айырылуы бірдей қайғы ретінде көрсетіледі. Оқиға табиғат заңына қарсы әрекеттің әсерін суреттейді. Театр ұжымы бұл аңызды музыка, қимыл және әсем көріністер арқылы жеткізді. Әртістер қойылымды «Ақсақ құлан» феерия жанрында ойнады, бұл ерекше сахналық әсер беретін театр түрі.

Феерия жанры француз тілінен аударғанда пері, сиқыршы деген мағынаны білдіреді. Бұл ерекше қойылымдық эффект тудыруға негізделген театр ойынының бір жанры. Шынымен де Феерия жанры спектакльге ерекше әсер берді. Жарық, музыка және қимылдың үйлесуі көрерменді оқиғаға еліктіріп, аңыздың атмосферасын сезінуге көмектесті. Спектакль соңында көрермендер ду қол шапалақ ұрып, оң бағасын берді.

«Маған бүгінгі қойылымда жастардың өнері қатты ұнады. Кәдімгідей солардың энергиясы мен өнеріне таң қалдым. Қыздар мен жігіттер өте өнерлі екен. Әсіресе, олардың сахнадағы шынайылығы мен берілгендігі ерекше әсер етті. Көрермен ретінде мен де сол оқиғаның бір бөлшегіне айналғандай күй кештім», - дейді Сындар Бақыт.

Ал тағы бір көрермен, Айжан Қасымқызы, қойылымның әсерлілігіне ерекше тоқталды: